പ്രധാനമന്ത്രി നരേന്ദ്ര മോദിയുടെ വരാനിരിക്കുന്ന ന്യൂസിലാൻഡ് സന്ദർശനത്തിന് മുന്നോടിയായി, ഇരുരാജ്യങ്ങളും തമ്മിലുള്ള വ്യാപാര കരാറിനെക്കുറിച്ച് വലിയ പ്രഖ്യാപനവുമായി ന്യൂസിലാൻഡ് പ്രധാനമന്ത്രി ക്രിസ്റ്റഫർ ലക്സൺ. ഇന്ത്യയിലേക്കുള്ള തങ്ങളുടെ കയറ്റുമതിയിൽ 57 ശതമാനവും കരാർ നിലവിൽ വരുന്ന ആദ്യ ദിവസം മുതൽ തന്നെ തീരുവ രഹിതമായിരിക്കുമെന്ന് അദ്ദേഹം അറിയിച്ചു. ന്യൂസിലാൻഡിലെ ബിസിനസ്സ് മേഖലയ്ക്ക് വലിയ ഉത്തേജനം നൽകാൻ ഈ വ്യാപാര കരാറിന് സാധിക്കുമെന്ന് അദ്ദേഹം എക്സ് പ്ലാറ്റ്ഫോമിലൂടെ വ്യക്തമാക്കി.
നാല് പതിറ്റാണ്ടിനിടെ ആദ്യമായാണ് ഒരു ഇന്ത്യൻ പ്രധാനമന്ത്രി ന്യൂസിലാൻഡിൽ ഔദ്യോഗിക സന്ദർശനം നടത്തുന്നത്. ജൂലൈ 10, 11 തീയതികളിൽ നടക്കുന്ന സന്ദർശനത്തിൽ വ്യാപാരം, വാണിജ്യം, പ്രതിരോധം തുടങ്ങിയ മേഖലകളിലെ സഹകരണം കൂടുതൽ ശക്തിപ്പെടുത്തുന്നതിനായി മോദി ലക്സണുമായി ഉഭയകക്ഷി ചർച്ചകൾ നടത്തും. ഇന്തോ-പസഫിക് മേഖലയിലെ ബന്ധങ്ങൾ മെച്ചപ്പെടുത്തുന്നതിനും സ്വതന്ത്രവും സുതാര്യവുമായ വ്യാപാര അന്തരീക്ഷം ഉറപ്പാക്കുന്നതിനുമുള്ള ഇന്ത്യയുടെ നയതന്ത്രനീക്കങ്ങളുടെ ഭാഗമായാണ് ഈ സന്ദർശനം.
Ahead of PM Modi’s historic visit, New Zealand PM Christopher Luxon announces that 57% of Kiwi exports to India will be tariff-free from day one of the FTA.
