ഡിജിറ്റൽ വില കൂടുമോ?

AI  വന്നതോടെ ചിപ്പ് അധിഷ്ഠിത ഡിജിറ്റൽ ഡിവൈസുകൾക്കും വില കൂടി. എ.ഐ വിപ്ലവം വൻകിട കമ്പനികൾക്ക് വൻ ലാഭം നൽകുമ്പോൾ, അതിന്റെ ആഘാതം ഏറ്റവുമധികം അനുഭവിക്കേണ്ടി വരുന്നത് വിലകുറഞ്ഞ ഡിജിറ്റൽ ഉപകരണങ്ങൾ തിരയുന്ന സാധാരണക്കാരും വിദ്യാർത്ഥികളുമാണ്.   സാധാരണക്കാർ ഉപയോഗിക്കുന്ന പെൻഡ്രൈവ് മുതൽ ഫോണുകൾക്കും ലാപ്ടോപ്പുകൾക്കും വരെ അനാവശ്യമായ വിലക്കയറ്റം അനുഭവപ്പെടുന്നത്.

വിപണിയിൽ ഇനി സംഭവിക്കാൻ പോകുന്നത് ഇതാകും.
 നിർമ്മാതാക്കൾ അടിക്കടി പുതിയ ബജറ്റ് ഫോണുകളും ലാപ്ടോപ്പുകളും വിപണിയിലെത്തിക്കുന്നത് കുറയ്ക്കും. നിലവിലുള്ള പഴയ പ്രോസസറുകളും പഴയ ചിപ്പുകളും ഉപയോഗിച്ച് നിർമ്മിച്ച മോഡലുകൾ കൂടുതൽ കാലം വിപണിയിൽ വിറ്റഴിക്കാൻ ശ്രമിക്കും. മുൻപ് 2-3 വർഷത്തിനുള്ളിൽ ഫോൺ മാറ്റിയിരുന്ന ആളുകൾ ഇപ്പോൾ 4 വർഷം വരെയെങ്കിലും പഴയ ഫോൺ തന്നെ ഉപയോഗിക്കാൻ നിർബന്ധിതരാകും.
പുതിയ ബജറ്റ് ഡിവൈസുകൾക്ക് വിലകൂടുകയും സവിശേഷതകൾ കുറയുകയും ചെയ്യുന്നതോടെ ആളുകൾ മുൻനിര ഫോണുകളുടെയോ ലാപ്ടോപ്പുകളുടെയോ സെക്കൻഡ് ഹാൻഡ് (Refurbished) മോഡലുകൾ വാങ്ങാൻ കൂടുതൽ താല്പര്യം കാണിക്കും.

 വിപണിയിൽ ആവശ്യം വർധിക്കുന്തോറും ഉൽപാദനം കൂടുകയും വില കുറയുകയും ചെയ്യുമെന്ന അടിസ്ഥാന തത്വത്തെ തകിടം മറിച്ചിരിക്കുകയാണ് ചിപ്പ് അധിഷ്ഠിത ഡിജിറ്റൽ ഡിവൈസുകൾ. എ.ഐ മോഡലുകളെ പരിശീലിപ്പിക്കുന്നതിനും പ്രവർത്തിപ്പിക്കുന്നതിനും സാധാരണ കംപ്യൂട്ടറുകളേക്കാൾ പലമടങ്ങ് അധികം ഡേറ്റ കൈകാര്യം ചെയ്യേണ്ടിവരുന്നതും സാധാരണ റാമിനേക്കാൾ വേഗമേറിയ മെമ്മറിയുള്ള ചിപ്പുകൾ ആവശ്യമായി വരുന്നതുമാണ് പ്രധാനകാരണം. വൻകിട ചിപ്പ് നിർമാതാക്കളെ സംബന്ധിച്ചിടത്തോളം സാധാരണ റാമും എസ്എസ്ഡിയുമൊക്കെ നിർമിക്കുന്നതിനേക്കാൾ ലാഭം എഐ ചിപ്പുകൾ നിർമിക്കുകയാണ്. അതോടെ സാധാരണ ഉൽപന്നങ്ങളുടെയെല്ലാം ഉൽപാദനം ഗണ്യമായി കുറച്ചു. സ്വാഭാവികമായും വില കുതിച്ചുയർന്നു. പുതിയ മോഡൽ ലാപ്‌ടോപ്പുകളിലും മൊബൈലുകളിലും ഇൻബിൽറ്റായി എഐ വരുന്നതോടെ ഇവയുടെ റാം കപ്പാസിറ്റി ഇരട്ടിക്കു മേലേ ആവശ്യമാണ്. ഇവയുടെ വില കൂടുന്നതിനുള്ള കാരണമിതാണ്.

വൻകിട കമ്പനികൾക്കുവേണ്ടി കപ്പാസിറ്റി കൂടിയ അക്‌സസറികൾ നിർമിക്കുന്നതിലേക്ക് ഉൽപാദകർ തിരിഞ്ഞതോടെ ചെറിയ ആവശ്യങ്ങൾക്കുള്ള ചിപ്പുകൾ ലഭ്യമല്ലാതായി. ഉൽപാദകർക്കു ലാഭവും അതാണ്. അതോടെ സാധാരണക്കാർക്ക് ആവശ്യമായി വരുന്ന മെമ്മറി കാർഡുകളുടേയും പെന്‍ ഡ്രൈവിന്‍റേയും എസ്എസ്ഡികളുടേയുമൊക്കെ ഉൽപാദനം അവർ  കുറച്ചു. സ്വാഭാവികമായും ലഭ്യമായവയ്ക്ക് വില കുതിച്ചുയർന്നു.

 മെമ്മറി കാർഡ് അടക്കം  ഡിജിറ്റൽ സ്റ്റോറേജ് ഡിവൈസുകൾക്കൊക്കെ കഴിഞ്ഞ ഏതാനും ദിവസങ്ങൾക്കുള്ളിൽ വില കൂടിയത് മൂന്നും നാലും ഇരട്ടിവരെയൊക്കെയാണ്. 2,000 മുതൽ 3,000 രൂപയോളം വിലയുണ്ടായിരുന്ന മെമ്മറി കാർഡിന് ഇപ്പോൾ 7,000 രൂപവരെയാണ് വില. അതുകൊണ്ടുതന്നെ പലയിടത്തും മെമ്മറി കാർഡുകൾ കിട്ടാൻപോലുമില്ല. ഇത് കേവലമൊരു മെമ്മറി കാർഡിന്റെ മാത്രം പ്രശ്‌നമല്ല. കുറച്ചുനാൾ മുൻപ് 4500 രൂപയ്ക്ക് വാങ്ങിയ എസ്എസ്ഡിക്ക് ഇപ്പോൾ കാണിക്കുന്ന വില 16000 രൂപയാണ്. പെന്‍ഡ്രൈവുകള്‍, ഫോണുകൾ. ലാപ്‌ടോപ് തുടങ്ങി സകലതിനും വില കൂടിയിരിക്കുകയാണ്.എ.ഐ വന്നതോടെയാണ് ഇത്തരത്തിൽ വലിയതോതിൽ വില വർധിച്ചതെന്നാണ് വിപണിയിലെ സംസാരം.  

ChatGPT പോലെയുള്ള ജനറേറ്റീവ് എ.ഐ സിസ്റ്റങ്ങൾ പ്രവർത്തിക്കാൻ ദശലക്ഷക്കണക്കിന്  GB ഡാറ്റ കൈകാര്യം ചെയ്യുന്ന ഭീമൻ ഡാറ്റാ സെന്ററുകൾ ആവശ്യമാണ്.ഈ കമ്പനികൾ വിപണിയിൽ ലഭ്യമാകുന്ന ഏറ്റവും ഉയർന്ന ശേഷിയുള്ള enterprise SSD-കളും RAM-കളും വൻതോതിൽ ഉയർന്ന വില നൽകി മുൻകൂട്ടി വാങ്ങിക്കൂട്ടുന്നു.  സാധാരണ മൊബൈൽ/ലാപ്‌ടോപ്പ് കമ്പനികൾക്ക് ഇവരുമായി വിലപേശി ചിപ്പുകൾ സ്വന്തമാക്കാൻ സാധിക്കാതെ വരുന്നു

ഒരു ലാപ്ടോപ്പോ സ്മാർട്ട്ഫോണോ നിർമ്മിക്കാൻ ആവശ്യമായ മൊത്തം ചെലവിൽ   മുൻപ് 15-16% മാത്രമായിരുന്നു മെമ്മറി ചിപ്പുകൾക്ക് ചിലവായിരുന്നത്. എന്നാലിപ്പോൾ ചിപ്പുകളുടെ ലഭ്യതക്കുറവ് മൂലം ഈ ചെലവ് 25-30% വരെയായി ഉയർന്നു. ഫോൺ/ലാപ്‌ടോപ്പ് നിർമ്മാതാക്കൾക്ക്  ഈ അധികച്ചെലവ് താങ്ങാനാവാതെ വരികയും അത് ഉപഭോക്താക്കളുടെ തലയിൽ വിലവർധനവായി അടിച്ചേൽപ്പിക്കുകയും ചെയ്യുന്നു.
എ.ഐ സാങ്കേതികവിദ്യയുടെ കടന്നുവരവോടെ വിപണിയിലെ ലഭ്യമായ മെമ്മറി ചിപ്പുകളിൽ വലിയൊരു പങ്ക് വൻകിട എ.ഐ കമ്പനികൾ കൊണ്ടുപോകുന്നതുകൊണ്ടാണ് സാധാരണക്കാർ ഉപയോഗിക്കുന്ന പെൻഡ്രൈവ് മുതൽ ഫോണുകൾക്കും ലാപ്ടോപ്പുകൾക്കും വരെ അനാവശ്യമായ വിലക്കയറ്റം അനുഭവപ്പെടുന്നത്.

ഫോണുകളുടെയും ലാപ്ടോപ്പുകളുടെയും വില അമിതമായി കൂട്ടാതിരിക്കാൻ നിർമ്മാതാക്കൾ ഉപകരണങ്ങളുടെ ഗുണമേന്മ കുറയ്ക്കാൻ നിർബന്ധിതരായേക്കാം. മുൻപ് 8GB RAM നൽകിയിരുന്ന ബജറ്റ് ലാപ്ടോപ്പുകളിലും ഫോണുകളിലും വില പിടിച്ചുനിർത്താൻ വീണ്ടും 4GB അല്ലെങ്കിൽ 6GB RAM നൽകുന്ന രീതി തിരികെ വരും. ചിപ്പ് വിലയിലെ നഷ്ടം നികത്താൻ ക്യാമറയുടെ ഗുണനിലവാരം കുറയ്ക്കുക, AMOLED ഡിസ്‌പ്ലേയ്ക്ക് പകരം സാധാരണ LCD നൽകുക, പ്ലാസ്റ്റിക് ബോഡി ഉപയോഗിക്കുക എന്നിവയും മൊബൈൽ നിർമാണ കമ്പനികൾ  സ്വീകരിക്കുമോ  എന്ന  ഭീതിയിലാണ് വിപണി. 

AI boom creates a severe shortage of memory chips, causing prices for SSDs, RAM, smartphones, and laptops to surge rapidly across the tech market