എഞ്ചിനീയറിംഗ് പഠനവും അഭിനയമോഹവും മാറ്റിവെച്ച്, ഭാര്യ ദിവ്യയ്ക്കൊപ്പം ഇന്ത്യയിലെ ഏറ്റവും വേഗത്തിൽ വളരുന്ന ദക്ഷിണേന്ത്യൻ റെസ്റ്റോറന്റ് ശൃംഖലയായ ‘ദ രാമേശ്വരം കഫേ’ കെട്ടിപ്പടുത്ത വിജയഗാഥയാണ് രാഘവേന്ദ്ര റാവുവിന്റേത്. സിനിമാ മോഹവുമായി അലയുന്നതിനിടയിൽ ഹോട്ടലുകളിലും ധാബകളിലും ജോലി ചെയ്ത് നേടിയ അനുഭവസമ്പത്താണ് രാഘവേന്ദ്രയ്ക്ക് പിന്നീട് സ്വന്തമായി ഇത്തരമൊരു സംരംഭം തുടങ്ങാൻ പ്രചോദനമായത്.
തുടർന്ന് ഐ.ഐ.എം ബിരുദധാരിയായ ഭാര്യ ദിവ്യയും ഒപ്പം ചേർന്നതോടെ, 2021ൽ ബെംഗളൂരുവിൽ ആരംഭിച്ച ചെറിയൊരു കട ഇന്ന് ഹൈദരാബാദും മുംബൈയും കടന്ന് വലിയ വളർച്ച കൈവരിച്ചു. ബാഹ്യ നിക്ഷേപങ്ങളുടെ സഹായമില്ലാതെ സ്വന്തം കാലിൽ നിന്ന ഈ സംരംഭം 2024-25 സാമ്പത്തിക വർഷത്തിൽ 17.8 കോടി രൂപയുടെ വരുമാനമാണ് നേടിയത്. പരമ്പരാഗത രുചികളും മികച്ച ഗുണനിലവാരവും മുറുകെപ്പിടിച്ച് മുന്നേറുന്ന ഈ കഫേ, ഈ വർഷം ദുബായിലേക്ക് തങ്ങളുടെ ആദ്യ അന്താരാഷ്ട്ര ഔട്ട്ലെറ്റ് വ്യാപിപ്പിക്കാനുള്ള തയ്യാറെടുപ്പിലാണ്
Discover the inspiring success story of Raghavendra Rao and Divya Raghavendra Rao, who built Rameshwaram Cafe into a premier South Indian restaurant chain
