അമേരിക്കൻ രാഷ്ട്രീയ നേതാവും ഒഹായോ ഗവർണർ സ്ഥാനാർത്ഥിയുമായ വിവേക് രാമസ്വാമിയുടെ സഹസ്ഥാപകത്വത്തിലുള്ള ‘അറ്റ്ലസ് അറ്റോമിക്സ്’ (Atlas Atomics) എന്ന ആണവ സ്റ്റാർട്ടപ്പ് വൻ ഫണ്ടിംഗ് സമാഹരിച്ചതായി റിപ്പോർട്ട്. പുതിയ സീരീസ് എ (Series A) ഫണ്ടിംഗ് റൗണ്ടിലൂടെ കമ്പനി ഏകദേശം 400 മില്യൺ ഡോളറാണ് പുതിയ നിക്ഷേപമായി സമാഹരിച്ചത്.
ഈ നിക്ഷേപത്തോടെ കമ്പനിയുടെ മൊത്തത്തിലുള്ള വിപണി മൂല്യം 1.9 ബില്യൺ ഡോളറായി ഉയർന്നതായാണ് വിവരം. പ്രമുഖ വെഞ്ച്വർ ക്യാപിറ്റൽ സ്ഥാപനമായ ജനറൽ കാറ്റലിസ്റ്റാണ് ഈ നിക്ഷേപ റൗണ്ടിന് നേതൃത്വം നൽകിയിരിക്കുന്നത്. കൂടാതെ, പ്രശസ്ത നിക്ഷേപ സ്ഥാപനമായ ആൻഡ്രീസൻ ഹോറോവിറ്റ്സും ഈ ഫണ്ടിംഗ് റൗണ്ടിൽ പങ്കാളികളായിട്ടുണ്ട്. ആധുനിക ആണവ സാങ്കേതികവിദ്യയിലും ഊർജ്ജ മേഖലയിലും വലിയ മാറ്റങ്ങൾ ലക്ഷ്യമിടുന്ന സ്റ്റാർട്ടപ്പിന്റെ ഈ മുന്നേറ്റം ആഗോളതലത്തിൽ ഏറെ ശ്രദ്ധ ആകർഷിച്ചിട്ടുണ്ട്.
Vivek Ramaswamy’s nuclear startup Atlas Atomics has raised $400 million in a Series A funding round led by General Catalyst and Andreessen Horowitz, boosting its valuation to $1.9 billion.
