യാത്രക്കാരുടെ കാത്തിരിപ്പിന് വിരാമമിട്ട് ബെംഗളൂരു–മുംബൈ റൂട്ടിൽ ആദ്യ വന്ദേഭാരത് സ്ലീപ്പർ ട്രെയിൻ സർവീസിന് റെയിൽവേ ബോർഡ് അംഗീകാരം നൽകി. നവംബർ 1 മുതൽ സർവീസ് ആരംഭിക്കാൻ നിശ്ചയിച്ചിരിക്കുന്ന ട്രെയിൻ ദക്ഷിണ പശ്ചിമ റെയിൽവേയാണ് (SWR) നിയന്ത്രിക്കുക. നിലവിൽ രണ്ട് നഗരങ്ങൾക്കുമിടയിലുള്ള മറ്റ് ട്രെയിൻ യാത്രകൾക്ക് 22 മുതൽ 24 മണിക്കൂർ വരെ സമയം എടുക്കുമ്പോൾ, പുതിയ വന്ദേഭാരത് സ്ലീപ്പർ ഏകദേശം 16 മണിക്കൂറിനുള്ളിൽ ലക്ഷ്യസ്ഥാനത്തെത്തും.
എസ്.എം.വി.ടി ബെംഗളൂരു (SMVT Bengaluru) – മുംബൈ സി.എസ്.എം.ടി (CSMT Mumbai) റൂട്ടിൽ 27652/27651 എന്നീ നമ്പറുകളിലാണ് ട്രെയിൻ ഓടുക. തിങ്കളാഴ്ച ഒഴികെ ബെംഗളൂരുവിൽ നിന്ന് വൈകുന്നേരം 07:45-ന് പുറപ്പെടുന്ന ട്രെയിൻ പിറ്റേന്ന് ഉച്ചയ്ക്ക് 11:55-ന് മുംബൈയിലെത്തും. ചൊവ്വാഴ്ച ഒഴികെ മുംബൈയിൽ നിന്ന് രാത്രി 08:10-ന് പുറപ്പെട്ട് അടുത്ത ദിവസം ഉച്ചയ്ക്ക് 12:00 മണിയോടെ ബെംഗളൂരുവിലുമെത്തും. അനന്തപൂർ, ഗുണ്ടയ്ക്കൽ, റായ്ച്ചൂർ, യാദ്ഗിർ, കലബുറഗി, സോളാപൂർ, പൂനെ, കല്യാൺ എന്നീ പ്രധാന സ്റ്റേഷനുകളിലാണ് വന്ദേഭാരത് സ്ലീപ്പറിന് സ്റ്റോപ്പുകൾ അനുവദിച്ചിട്ടുള്ളത്.
Railway Board approves the Bengaluru-Mumbai Vande Bharat Sleeper Express. Check out the 16-hour overnight schedule, intermediate stops, and route details.
