സ്റ്റുഡന്റ് ഫെയർ കൊച്ചിയിൽ

യുഎസ് യൂണിവേഴ്സിറ്റി പോസ്റ്റ് ഗ്രാജുവേറ്റ് സ്റ്റുഡന്റ് ഫെയർ 2024ന് (U.S. University Post Graduate Student Fair) വേദിയാകാൻ കൊച്ചി. കലൂർ ബാനർജി റോഡിലുള്ള ഗോകുലം പാർക്ക് കൺവെൻഷൻ സെന്ററിൽ ഫെബ്രുവരി 17-ന് വൈകീട്ട് 3 മണി മുതൽ 7 മണിവരെയാണ് സ്റ്റുഡന്റ് ഫെയർ സംഘടിപ്പിക്കുന്നത്.

യുഎസ് ഡിപാർട്ട്മെന്റ് ഓഫ് കൊമേഴ്സ്, ഇന്റർനാഷണൽ ട്രേഡ് അഡ്മിനിസ്ട്രേഷൻ, യുഎസ് കൊമേർഷ്യൽ സർവീസ് ഇൻ ഇന്ത്യ എന്നിവരുമായി സഹകരിച്ച് യുഎസ് കോൺസുലേറ്റ് ആണ് സ്റ്റുഡന്റ് ഫെയർ സംഘടിപ്പിക്കുന്നത്.
യുഎസിൽ ബിരുദാനന്തര ബിരുദം, ഡോക്ടറൽ പ്രോഗ്രാം ചെയ്യാൻ ആഗ്രഹിക്കുന്ന വിദ്യാർഥികൾക്ക് സ്റ്റുഡന്റ് ഫെയറിൽ പങ്കെടുക്കാം. ഫെയറിൽ യുഎസിലെ ഉന്നത വിദ്യാഭ്യാസ മേഖലയിൽ നിന്നുള്ള 18 വിദഗ്ധർ പങ്കെടുക്കും. യുഎസ് ഹയർ എജ്യുക്കേഷൻ, സ്റ്റുഡന്റ് വിസ എന്നീ വിഷയങ്ങളിൽ സെക്ഷനുകൾ സംഘടിപ്പിക്കും. പ്രവേശനം സൗജന്യമാണ്.
പങ്കെടുക്കാൻ ആഗ്രഹിക്കുന്നവർ https://www.odepc.net/events/edu-expo-2024/ എന്ന ലിങ്കിൽ രജിസ്റ്റർ ചെയ്യണം. 

^{the US University Post Graduate Student Fair 2024 in Kochi, where students aspiring for higher education in the US can explore opportunities for postgraduate programs.}