Author: News Desk

സാമ്പത്തിക പ്രതിസന്ധിയിൽ കഴിയുന്ന വോഡഫോൺ ഐഡിയ (Vodafone Idea) നല്ലൊരു നിക്ഷേപകനു വേണ്ടി കാത്തിരിക്കുകയാണെന്ന് ഭാരതി എന്റർപ്രൈസസ് ചെയർപേഴ്സൺ സുനിൽ മിത്തൽ. ക്ഷമാശീലനായ നിക്ഷേപകനെയാണ് ആവശ്യമെന്ന് ദാവോസിൽ നടന്ന ലോക ഇക്കണോമിക് ഫോറത്തിൽ പങ്കെടുക്കവേ സുനിൽ മിത്തൽ പറഞ്ഞു. കമ്പനിയെ മുന്നോട്ട് നയിക്കാൻ 9 ബില്യൺ ഡോളർ മൂലധനം ആവശ്യമാണെന്ന് മിത്തൽ വ്യക്തമാക്കി. എന്നാൽ കഴിഞ്ഞ രണ്ട്-മൂന്ന് വർഷങ്ങളായ സ്ഥിതി വിചാരിച്ചത് പോലെയല്ലെന്നും മിത്തൽ പറഞ്ഞു. വോഡഫോൺ ഐഡിയയുടെ ഭാവിയോർത്ത് ദുഖമുണ്ടെന്ന് പറഞ്ഞാണ് മിത്തൽ ഇക്കാര്യം പറഞ്ഞത്. എയർടെല്ലിന്റെ ഉടമയാണ് മിത്തൽ. 5ജി നെറ്റ്‍വർക്കിന് ആവശ്യമായ ഓപ്പൺറാനും (OpenRAN) അനുബന്ധ സാങ്കേതിക വിദ്യകളും വിന്യസിപ്പിക്കാനുള്ള ഫണ്ടിനായി യുഎസ് ഇന്റർനാഷണൽ ഡെവലപ്മെന്റ് ഫിനാൻസ് കോർപ്പറേഷനെ വോഡഫോൺ സമീപിച്ചിരുന്നു. എന്നാൽ ഫണ്ട് ലഭിക്കാത്തത് വോഡഫോണിന് തിരിച്ചടിയായി. ഡിഎഫ്സിയുമായി വീണ്ടും ചർച്ച നടത്തുകയാണ് വോഡഫോൺ. 33.1% ഓഹരിയുള്ള കേന്ദ്രസർക്കാരാണ് വോഡഫോണിന്റെ ഏറ്റവും വലിയ ഓഹരിയുടമകൾ. എന്നാൽ കേന്ദ്രസർക്കാരിൽ നിന്ന് നിലവിൽ കാര്യമായ പിന്തുണയൊന്നും ലഭിക്കുന്നില്ലെന്ന് മിത്തൽ…

അന്താരാഷ്‌ട്ര പേയ്‌മെന്റുകൾക്കായി യുപിഐ വിപുലീകരിക്കാൻ google. വിദേശത്തേക്ക് യാത്ര ചെയ്യുന്ന ഉപയോക്താക്കൾക്ക് അന്താരാഷ്ട്ര പേയ്‌മെന്റ് ഗേറ്റ്‌വേകൾ ഒഴിവാക്കി ഗൂഗിൾ പേ വഴി UPI സേവനം നൽകാൻ വഴിയൊരുക്കുകയാണ് ഗൂഗിൾ. യുപിഐയുടെ ഉപയോഗം മറ്റ് രാജ്യങ്ങളിലേക്ക് വ്യാപിപ്പിക്കുന്നതിന് നാഷണൽ പേയ്‌മെന്റ് കോർപ്പറേഷൻ ഓഫ് ഇന്ത്യയുമായി ഗൂഗിൾ ധാരണാപത്രം ഒപ്പുവച്ചു. യുപിഐ യുടെ Google Pay ഉപയോഗിച്ച് വിദേശ രാജ്യങ്ങളിൽ നേരിട്ടു പേയ്‌മെന്റുകൾ നടത്താൻ ഇത് ഇന്ത്യൻ യാത്രക്കാരെ സഹായിക്കും ഇതോടെ ഇന്ത്യക്കാർക്ക് വിദേശങ്ങളിൽ അന്താരാഷ്ട്ര ഡെബിറ്റ്/ക്രെഡിറ്റ്/ഫോറെക്സ് കാർഡുകളുടെ ആവശ്യം വേണ്ടി വരില്ല. ഇൻഡ്യയിലേത് പോലെ സുരക്ഷിതമായി തൽക്ഷണം പണമയക്കാൻ സാധിക്കും ഇനി വിദേശത്തെ ഇടപാടുകളിലും .ഇത് ഒരു അന്താരാഷ്‌ട്ര പേയ്‌മെന്റ് രീതി എന്ന നിലയിൽ യുപിഐയുടെ വളർച്ച ത്വരിതപ്പെടുത്താനും വിദേശ കറൻസി, ക്രെഡിറ്റ്, ഫോറെക്‌സ് കാർഡുകൾ എന്നിവ വഴി മാത്രം ഇടപാടുകൾ പരിമിതപ്പെടുത്തിയിരിക്കുന്ന ഇന്ത്യൻ ഉപഭോക്താക്കളിലേക്ക് വിദേശ വിൽപ്പനക്കാർക്ക് പ്രവേശനം നൽകാനും സഹായിച്ചേക്കാം. നിലവിൽ, സിംഗപ്പൂർ, ഓസ്‌ട്രേലിയ, കാനഡ, ഹോങ്കോംഗ്, ഒമാൻ, ഖത്തർ,…

ഷാർജ വിമാനത്താവളത്തിൽ കഴിഞ്ഞ വർഷമെത്തിയത് റെക്കോർഡ് യാത്രക്കാർ. വിമാന സർവീസിൽ കഴിഞ്ഞ വർഷം മാത്രം 12.5% വർധനവുണ്ടായതായി എയർപോർട്ട് അധികൃതർ പറഞ്ഞു. 98,000 വിമാനങ്ങളാണ് കഴിഞ്ഞ വർഷം ഷാർജ വിമാനത്താവളത്തിൽ നിന്ന് പറന്നുയർന്നത്. ആഗോള ട്രാവൽ മാപ്പിൽ ഷാർജ വിമാനത്താവളത്തിന് സുപ്രധാന സ്ഥാനം നേടി കൊടുക്കുന്നതാണ് നേട്ടം. 2023ൽ മാത്രം ഷാർജ വിമാനത്താവളത്തിലെത്തിയ യാത്രക്കാരുടെ എണ്ണം 15.3 മില്യൺ ആണ്. യാത്രക്കാരുടെ എണ്ണത്തിൽ മുൻവർഷത്തെ അപേക്ഷിച്ച് 17.4% വളർച്ച രേഖപ്പെടുത്തിയിട്ടുണ്ട്. കയറ്റുമതിയിലും ഇറക്കുമതിയിലും സമാന വർധവുണ്ടായിട്ടുണ്ട്. ഏകദേശം 141,000 ടൺ ചരക്കാണ് കഴിഞ്ഞ വർഷം ഷാർജാ വിമാനത്താവളത്തിലെത്തിയത്. ഷാർജ വിമാനത്താവളത്തിന്റെ കണക്കനുസരിച്ച് ഏറ്റവും വലിയ അന്താരാഷ്ട്ര യാത്രാ കേന്ദ്രം ഇന്ത്യയാണ്. ഷാർജ വിമാനത്താവളത്തിൽ നിന്ന് ഏകദേശം 3.4 മില്യൺ യാത്രക്കാരാണ് ഇന്ത്യയിലേക്ക് പറന്നത്. രണ്ടാം സ്ഥാനം സൗദിക്കാണ്. ഏറ്റവും കൂടുതൽ പേർ പോയ നഗരം ദോഹയും.   കൂടുതൽ യാത്രക്കാരെ ലക്ഷ്യം വെച്ച് പുതുതായി 7 റൂട്ടുകളിലേക്കും ഷാർജ വിമാനത്താവളത്തിൽ നിന്ന്…

ആരാധകർ കാത്തിരുന്ന സുരേഷ് ഗോപിയുടെ മകൾ ഭാഗ്യയുടെ വിവാഹദിനത്തിലെയും മറ്റും ചിത്രങ്ങൾ പുറത്തുവന്നപ്പോൾ ആദ്യം എല്ലാവരുടെയും കണ്ണ് പതിഞ്ഞത് ഭാഗ്യയുടെ വസ്ത്രങ്ങളിലാണ്. ഗുരുവായൂരിൽ പ്രധാനമന്ത്രി നരേന്ദ്ര മോദിയടക്കം പങ്കെടുത്ത ചടങ്ങളിലായിരുന്നു ഭാഗ്യയുടെയും ശ്രേയസിന്റെയും വിവാഹം. കേരളത്തനിമ ചോരാത്ത ഭാഗ്യയുടെ സിംപിൾ ലുക്കിന് പിന്നിലാണ് സോഷ്യൽ മീഡിയ ഇപ്പോൾ.എലഗന്റും ട്രഡീഷണലുമായ ഭാഗ്യയുടെ ലുക്കിന് പിന്നിൽ മലയാളികളുടെ പ്രിയ ഡിസൈനർ ശോഭ വിശ്വനാഥനാണ്.വിവാഹ തലേന്ന് ധരിച്ച കസവ് ധാവണയും വിരുന്നിലെ സെറ്റ് സാരിയും ശോഭയുടെ കരവിരുതിൽ വിരിഞ്ഞതാണ്. വിവാഹദിനത്തിൽ ശ്രേയസ്‍ ധരിച്ച മുണ്ടും തോൾ മുണ്ടും ഡിസൈൻ ചെയ്തതും ശോഭ തന്നെ. മുഴുവനായും കസവ് കൊണ്ട് നെയ്ത ശംഖിന്റെ ചിത്രമാണ് തോൾ മുണ്ടിന്റെ ഹൈലൈറ്റ്. വിവാഹദിനത്തിലെ മുണ്ടിലും കാണാം കസവ് കര. വിവാഹത്തിന് മുമ്പ് ധരിച്ച ധാവണിയിലും സിംപ്ലിസിറ്റി കാണാം. പ്ലെയിൻ ധാവണിയുടെ ബോർഡറിൽ മാത്രമാണ കസവുള്ളത്. വിവാഹത്തിന് ഭാഗ്യ ധരിച്ചത് റാണി പിങ്ക് നിറത്തിലുള്ള കസവ് സാരിയാണ്. ഇത് റെഡിമെയ്ഡ് സാരിയാണ്. അടുത്ത…

കമ്പനിയിൽ നിന്ന് വീണ്ടും ജീവനക്കാരെ പിരിച്ചുവിട്ട് ഗൂഗിൾ. ആഗോള പരസ്യ ടീമിൽ നിന്നുള്ള ജീവനക്കാരെയാണ് വെട്ടിക്കുറയ്ക്കുന്നതെന്ന് ആൽഫബെറ്റിന്റെ ഉടമസ്ഥതയിലുള്ള ഗൂഗിൾ പറഞ്ഞു. എത്ര ജീവനക്കാരെ പിരിച്ചുവിടുമെന്ന കാര്യത്തിൽ ഗൂഗിൾ വ്യക്തത വരുത്തിയിട്ടില്ല. വലിയ കസ്റ്റമർ സെയിൽ വിഭാഗത്തിൽ നിന്നുള്ള പിരിച്ചുവിടൽ ഭാവിയിലെ വളർച്ചയ്ക്ക് കമ്പനിയെ സഹായിക്കുമെന്നാണ് ഗൂഗിൾ കരുതുന്നത്. ഗൂഗിൾ പ്ലാറ്റ് ഫോമിൽ പരസ്യം ചെയ്യാൻ ചെറുകിട -ഇടതരം ബിസിനസുകൾക്ക് കൂടുതൽ അവസരം സൃഷ്ടിക്കുകയാണ് ലക്ഷ്യം വെക്കുന്നത്. ചെറുകിട ബിസിനസ് പരസ്യ ടീമിലേക്ക് കൂടുതൽ ആളുകളെ ഈ വർഷം ഗൂഗിൾ ജോലിക്കെടുക്കുമെന്നാണ് പ്രതീക്ഷിക്കുന്നത്. അതേസമയം ജനറേറ്റീവ് എഐ കൂടുതൽ മേഖലകളിൽ ഉൾപ്പെടുത്തുമോയെന്ന് ഗൂഗിൾ വ്യക്തമാക്കിയിട്ടില്ല. ചില്ലറ കച്ചവടക്കാരെ സഹായിക്കാൻ ഗൂഗിൾ ക്ലൗഡ് പുതിയൊരു എഐ ടൂൾ പുറത്തിറക്കിയിരുന്നു. ഇതിന് പിന്നാലെയാണ് പിരിച്ചുവിടൽ. കമ്പനിയുടെ വോയ്സ് അസിസ്റ്റന്റ് യൂണിറ്റ്, പിക്സൽ, നെസ്റ്റ്, ഫിറ്റ്ബിറ്റ് എന്നിവയ്ക്ക് പിന്നിൽ പ്രവർത്തിക്കുന്ന ഹാർഡ് വെയർ ടീം, ഒഗ്മെന്റഡ് റിയാലിറ്റി ടീം എന്നിവയിൽ ജീവനക്കാരെ വെട്ടിക്കുറയ്ക്കുമെന്ന് ഗൂഗിൾ കഴിഞ്ഞ…

കൊച്ചിയുടെ വികസനത്തിന് 4,000 കോടി രൂപയുടെ പദ്ധതികൾ ഉദ്ഘാടനം ചെയ്ത് പ്രധാനമന്ത്രി നരേന്ദ്ര മോദി. വെല്ലിംഗ്ടൺ ഐലൻഡിൽ നടന്ന ചടങ്ങിലാണ് കപ്പൽ നിർമാണ വ്യവസായ മേഖലയിലെ അടിസ്ഥാന സൗകര്യ വികസനത്തിനും മറ്റുമാണ് 4,000 കോടി രൂപയുടെ വികസന പദ്ധതികൾ. കൊച്ചി കപ്പൽശാലയുടെ കപ്പൽ അറ്റകുറ്റപ്പണി കേന്ദ്രം, രണ്ടാമത്തെ ഡ്രൈഡോക്ക്, ഇന്ത്യൻ ഓയിൽ കോർപ്പറേഷന്റെ എൽപിജി ഇറക്കുമതി ടെർമിനൽ എന്നിവ പ്രധാനമന്ത്രി രാജ്യത്തിന് സമർപ്പിച്ചു. ഗവർണർ ആരിഫ് മുഹമ്മദ് ഖാൻ, മുഖ്യമന്ത്രി പിണറായി വിജയൻ എന്നിവരും ചടങ്ങിൽ പങ്കെടുത്തു.രാജ്യത്തിനുള്ള സമ്മാനമായാണ് പ്രധാനമന്ത്രി പദ്ധതികൾ സമർപ്പിച്ചത്. ഇന്ത്യയുടെ അടിസ്ഥാന സൗകര്യ വികസന രംഗത്ത് നാഴികക്കല്ലാകുന്ന പദ്ധതി കൊച്ചിയുടെ വികസനക്കുതിപ്പിന് പുതുവേഗം നൽകും. കൊച്ചിയാകും കപ്പൽ റിപ്പയറിംഗ് കേന്ദ്രം 970 കോടി രൂപ ചെലവിലാണ് കൊച്ചിയിൽ അന്താരാഷ്ട്ര കപ്പൽ അറ്റകുറ്റപ്പണി കേന്ദ്രം നിർമിച്ചത്. വെല്ലിംഗ്ടൺ ഐലൻഡിലെ കൊച്ചിൻ പോർട്ട് അതോറിറ്റിയുടെ 42 ഏക്കർ ഭൂമിയാണ് ഇതിനായി പാട്ടത്തിനെടുത്തത്. കപ്പൽ റിപ്പയറിംഗിനുള്ള ആഗോള കേന്ദ്രമായി ഇതുവഴി കൊച്ചിയെ…

ഇന്ത്യയിൽ നിന്നുള്ള വിനോദ സഞ്ചാരികളെ കാത്തിരിക്കുകയാണ് ഇന്ത്യൻ രൂപയ്ക്ക് മൂല്യക്കൂടുതലുള്ള ചില രാജ്യങ്ങൾ. മികച്ച ടൂറിസം ഡെസ്റ്റിനേഷനുകളായ നേപ്പാൾ, ഇൻഡോനേഷ്യ, വിയറ്റ്നാം, കമ്പോഡിയ, പരാഗ്വേ തുടങ്ങിയ കൊച്ചു രാജ്യങ്ങളിലേക്ക് ഇന്ത്യക്കാർക്ക് വിനോദ യാത്ര തികച്ചും സുരക്ഷിതവും, ആദായകരവുമാണ്. യൂറോയുടെയും ഡോളറിന്‍റെയുമൊക്കെ മൂല്യം കൂടുന്നതനുസരിച്ച്‌ കൂടുതല്‍ ഇന്ത്യന്‍ രൂപ കൂടുതൽ ചിലവാകുമെന്നതാണ് വിദേശ രാജ്യങ്ങളിലെത്തുന്ന ഇന്ത്യക്കാരെ വലയ്ക്കുന്നത്. ഇന്ത്യന്‍ രൂപയെക്കാള്‍ മൂല്യം കുറവുള്ള കറന്‍സിയുള്ള രാജ്യങ്ങളില്‍ രൂപ വിലപ്പെട്ടതാണ്. ഇത്തരം മിക്കവാറും രാജ്യങ്ങളിൽ ജീവിതച്ചിലവും കുറവായിരിക്കും. ഇത്തരമിടങ്ങളിലേക്ക് കുറഞ്ഞ ചെലവില്‍ യാത്ര പോകാനാകും. നേപ്പാള്‍:ഇന്ത്യന്‍ സഞ്ചാരികള്‍ക്ക് വളരെ കുറഞ്ഞ ചെലവില്‍ ഏറ്റവും എളുപ്പം പോയി വരാവുന്ന രാജ്യമാണ് നേപ്പാള്‍. ഒരു ഇന്ത്യന്‍ രൂപ 1.60 നേപ്പാളീസ് രൂപയ്ക്ക് തുല്യമാണ്. മാത്രമല്ല, നേപ്പാളില്‍ താമസസൗകര്യത്തിനും ഭക്ഷണത്തിനുമൊന്നും അധികം പണം ചെലവാകില്ല. സാഹസിക സഞ്ചാരികള്‍ക്ക് ഒട്ടേറെ ട്രെക്കിങ് റൂട്ടുകള്‍ ഇവിടെയുണ്ട്. എവറസ്റ്റ് ബേസ് ക്യാംപ്, എവറസ്റ്റ് കൊടുമുടിയുടെ ആസ്ഥാനമായ സാഗര്‍മാതാ നാഷനല്‍ പാര്‍ക്ക്,…

ഇലോൺ മസ്കിന്റെ ടെസ്ലയിൽ നിന്ന് വരുന്ന ഒപ്റ്റിമസ് ഹ്യൂമനോയ്ഡ് റോബോട്ടിന്റെ കഴിവുകൾ നേരത്തെ തന്നെ സാമൂഹിക മാധ്യമങ്ങളി‍ൽ ചർച്ച ചെയ്തതായിരുന്നു. ഇപ്പോൾ ഒപ്റ്റിമസ് പുതിയ കാര്യങ്ങൾ ചെയ്യുന്ന വീ‍ഡിയോ പുറത്തുവിട്ടിരിക്കുകയാണ് ഇലോൺ മസ്ക്. മേശയിൽ വെച്ച് റോബോട്ട് ടീ ഷർട്ട് മടക്കുന്ന വീഡിയോ ആണ് ഇലോൺ മസ്ക് പങ്കുവെച്ചിരിക്കുന്നത്. തനിക്ക് ഇതിലും വേഗത്തിൽ തുണി മടക്കാൻ കഴിയുമെന്നാണ് വീഡിയോ ഷെയർ ചെയ്തു കൊണ്ട് ഇലോൺ മസ്ക് പറഞ്ഞത്. റോബോട്ട് സ്വന്തമായല്ല തുണി മടക്കുന്നതെന്നും നിർദേശങ്ങൾക്കനുസരിച്ച് പ്രവർത്തിക്കുകയാണെന്നും മസ്ക് പറയുന്നുണ്ട്. അധികം വൈകാതെ ഇത്തരം പ്രവർത്തനങ്ങളെല്ലാം റോബോട്ടിന് സ്വയം ചെയ്യാൻ സാധിക്കുമെന്നും മസ്ക് പറയുന്നുണ്ട്. ഇതിന് മുമ്പും ഒപ്റ്റിമസ് ചെയ്യുന്ന വിവിധ പ്രവർത്തനങ്ങളുടെ വീഡിയോ ടെസ്ല പങ്കുവെച്ചിട്ടുണ്ട്. റോബോട്ട് മുട്ട പുഴുങ്ങുന്നതും ഡാൻസ് കളിക്കുന്നതും ഇതിന് മുമ്പത്തെ വീഡിയോകളിൽ കാണാം. അപകടകരമായ സാഹചര്യങ്ങളിൽ മനുഷ്യന് പകരം ഉപയോഗിക്കുക എന്ന ലക്ഷ്യത്തോടെയാണ് ടെസ്ല ഒപ്റ്റിമസ് റോബോട്ടിനെ അവതരിപ്പിച്ചത്. നിലവിൽ റോബോട്ടിന്റെ സന്ധികൾ, കൈകാലുകൾ എന്നിവ…

ദേശീയ സ്റ്റാർട്ടപ്പ് റാങ്കിങ്ങിൽ മൂന്ന് തവണയായി ടോപ് പെര്‍ഫോമര്‍ പുരസ്ക്കാരം കരസ്ഥമാക്കി വരുന്ന കേരളം ഇതാദ്യമായാണ് ദേശീയ സ്റ്റാര്‍ട്ടപ്പ് രംഗത്തെ പരമോന്നത പുരസ്ക്കാരമായ ബെസ്റ്റ് പെര്‍ഫോര്‍മര്‍ സ്വന്തമാക്കിയത്. എങ്ങിനെ? സ്റ്റാര്‍ട്ടപ്പുകള്‍, വിദ്യാര്‍ത്ഥികള്‍, വനിതാ സംരംഭകര്‍ എന്നിവര്‍ക്ക് നല്‍കി വരുന്ന സ്ഥാപിതമായ പിന്തുണ, സ്റ്റാര്‍ട്ടപ്പുകള്‍ക്ക് നിക്ഷേപകരുമായി നേരിട്ട് ബന്ധപ്പെടാനുള്ള അവസരമൊരുക്കുന്ന ഇഗ്നൈറ്റ് കാലിക്കറ്റ് പോലുള്ള പരിപാടികള്‍, ഗ്രാമീണ മേഖലകളില്‍ ആശാവഹമായ മാറ്റം കൊണ്ടു വരാന്‍ ശ്രമിക്കുന്ന സ്റ്റാര്‍ട്ടപ്പുകള്‍ക്കുള്ള പ്രോത്സാഹനം എന്നിവയാണ് കേരളത്തെ ബെസ്റ്റ് പെര്‍ഫോര്‍മര്‍ പുരസ്ക്കാരത്തിലേക്ക് എത്തിച്ചത്. 2022 ല്‍ കേന്ദ്രം നിര്‍ദ്ദേശിച്ച ഏഴ് പരിഷ്കരണ മേഖലകളിലും കേരളം ഒന്നാമതെത്തിയിരുന്നു.വിഭവശേഷി വികസനം, നിക്ഷേപ നേതൃത്വം, സംഭരണ നേതൃത്വം, സുസ്ഥിര വികസനം, ഇന്‍കുബേഷന്‍, മെന്‍റര്‍ഷിപ്പ് സേവനങ്ങള്‍, നൂതനത്വം, മികച്ച സ്ഥാപനം എന്നീ മേഖലകളിലാണ് കേരളത്തിന്‍റെ മികവ് അംഗീകരിക്കപ്പെട്ടിട്ടുള്ളത്. രാജ്യത്തെ സ്റ്റാർട്ടപ് മേഖലയിൽ കേരളത്തിന്റെ വിഹിതം വെറും 10% ആണെങ്കിലും മേഖലയിലെ നൈപുണ്യ, അടിസ്ഥാന സംവിധാന വൈവിധ്യവൽക്കരണം കേരളത്തെ രാജ്യത്തെ ഒന്നാമതാക്കി മാറ്റിയിരിക്കുന്നു. മൊത്തം 5000…

മലിനവെള്ളം ശുദ്ധിയാക്കാൻ നാനോപൊടി (nanopowder) വികസിപ്പിച്ച് കേരള സർവകലാശാല. വൈദ്യുതിയില്ലാതെ സൂര്യപ്രകാശം മാത്രം ഉപയോഗിച്ച് വെള്ളം ശുദ്ധിയാക്കുന്ന നാനോ പൊടിയാണ് കേരള സർവകലാശാലയിലെ ഗവേഷകർ വികസിപ്പിച്ചിരിക്കുന്നത്. വെള്ളം ശുദ്ധീകരിക്കുമ്പോൾ പ്രകൃതിക്ക് ദോഷം ചെയ്യുന്ന ഉപോത്പന്നങ്ങളുണ്ടാകുന്നില്ല എന്നതാണ് നാനോപൊടി ഉപയോഗിക്കുന്നതിന്റെ ഏറ്റവും വലിയ നേട്ടം. ഹരിത കെമിസ്ട്രി എന്ന രീതിയിലാണ് നാനോപൊടി വികസിപ്പിച്ചിരിക്കുന്നത്. വെള്ളം വൃത്തിയാക്കാൻ നാനോപൗഡർ വെള്ളം ശുദ്ധീകരിക്കുന്ന വേളയിൽ നാനോ പദാർഥങ്ങളുടെ വേഗത നിയന്ത്രിക്കുന്നതിൽ അതിസൂക്ഷ്മ സുഷിരങ്ങളുടെ (nanopores) പങ്ക് അടിസ്ഥാനമാക്കിയാണ് പഠനം നടത്തിയത്. നാനോ പോറുകളുള്ള നാനോപൗഡറിന്റെ രൂപത്തിൽ സെമി കണ്ടക്ടറായ ഇൻഡിയം സൾഫൈഡ് മാറ്റുമ്പോൾ മികച്ച രീതിയിൽ വെള്ളം ശുദ്ധീകരിക്കാൻ സാധിക്കും.  80 ഡിഗ്രി സെൽഷ്യസിൽ കുറഞ്ഞ താപനിലയിലാണ് നാനോമെറ്റീരിയൽ നിർമിച്ചിരിക്കുന്നതെന്ന് ഗവേഷകർ പറയുന്നു. രാസ പ്രവർത്തനങ്ങൾ നടക്കുമ്പോൾ പരിസ്ഥിതിക്ക് ഹാനികരമായ വാതകങ്ങൾ പുറന്തള്ളുന്നില്ല എന്നുറപ്പിക്കാൻ ഇതുവഴി സാധിക്കും. മലിന ജലത്തിൽ നാനോ പൗഡർ ഉപയോഗിച്ചതിന് ശേഷം 2-3 മണിക്കൂർ വരെ സൂര്യപ്രകാശത്തിൽ വെക്കും. നാനോപൗഡർ ഉപയോഗിച്ച്…