Author: News Desk

കേരളാ ഓട്ടോ മൊബൈൽസ് ലിമിറ്റഡിന്റെ EV സ്വപ്നങ്ങളെ കൈപിടിച്ചുയർത്താൻ വാഹന ബാറ്ററി വിതരണ കമ്പനിയായ ARENQ. ഇനി കന്യാകുമാരി മുതൽ കാശ്‌മീർ വരെ കേരളാ ഓട്ടോ മൊബൈൽസ് ലിമിറ്റഡിന്റെ (KAL) ഇ ഓട്ടോകൾ വിപണിയിൽ ലഭിക്കും. കേരള സർക്കാരിന്റെ പൊതുമേഖല സ്ഥാപനമായ കേരള ഓട്ടോമൊബൈൽസ് ലിമിറ്റഡിന്റെ ഇ-ഓട്ടോകളുടെ ഇന്ത്യയിലെ വിതരണം ഏറ്റെടുത്ത് ആരെൻഖ് (ARENQ) രാജ്യമൊട്ടാകെ വിതരണ കേന്ദ്രങ്ങൾ ആരംഭിച്ചു. രാജ്യത്തെവിടെയും നിരത്തുകളിൽ EV അറ്റകുറ്റ പണികൾക്കും, സർവീസിങ്ങിനും 24/7 അടിയന്തിര സേവനമടക്കം ARENQ ഉറപ്പു വരുത്തിയിട്ടുണ്ട്. ReadyAssist എന്ന സ്റ്റാർട്ടപ്പാണ് ഓട്ടോമോട്ടീവ് സർവീസ് സൊല്യൂഷൻ നൽകുന്നത്. പൂനെ ആസ്ഥാനമായി ബാറ്ററി രംഗത്ത് പ്രവർത്തിക്കുന്ന ആരെൻഖുമായി സഹകരിച്ചുകൊണ്ടാണ് കെഎഎൽ നിർമിക്കുന്ന വാഹനങ്ങളുടെ വിതരണം ഇപ്പോൾ ഇന്ത്യയിലുടനീളം നടത്തി വരുന്നത്. കൂടാതെ ഇലക്ട്രിക് ഓട്ടോകൾ നിർമിക്കാൻ ആവശ്യമായ ബാറ്ററികൾ, മോട്ടോർ, മോട്ടോർ കൺട്രോളറുകൾ എന്നിവ ആരെൻഖ് ആണ് കെഎഎല്ലിന് നൽകുന്നത്. ഇപ്പോൾ തന്നെ ചണ്ഡീഗഡ്, മഹാരാഷ്ട്ര, മധ്യപ്രദേശ് എന്നിവിടങ്ങളിൽ കെ എ എല്ലിന്റെ…

Apple  ഐഫോൺ 15 സീരീസ് ഫോണുകൾക്ക് കടുത്ത വെല്ലുവിളിയുയർത്തി Google പിക്സൽ 8, പിക്സൽ 8 പ്രോ സ്മാർട്ട്ഫോണുകൾ ഇന്ത്യയിൽ അവതരിപ്പിച്ചു. ഈ രണ്ട് പുതിയ 5ജി ഫോണുകളും പുതിയ ഗൂഗിൾ ഫ്ലാഗ്ഷിപ്പ് ചിപ്‌സെറ്റും മികച്ച ക്യാമറകളുമായാണ് വരുന്നത്. ഏഴ് വർഷത്തെ സുരക്ഷാ അപ്ഗ്രേഡുകളും ഒഎസ് അപ്ഡേറ്റുമാണ് ഈ ഫോണുകൾക്ക് ലഭിക്കുക. പുതിയ പിക്സൽ ഫോണുകൾ ഐഫോൺ 15 സീരീസ്, സാംസങ് ഗാലക്സി എസ്23 സീരീസ് ഫോണുകളുമായി മത്സരിക്കും.വില ഒരു ലക്ഷം കടക്കുന്ന Google Pixel 8 Pro   ഡിസൈനിന്റെ കാര്യത്തിൽ മുൻതലമുറ മോഡലിൽ നിന്നും വലിയ മാറ്റങ്ങളില്ല. ഗൂഗിളിന്റെ ടെൻസർ ജി3 ചിപ്‌സെറ്റാണ് പ്രോയുടെ കരുത്ത്.6.7 ഇഞ്ച് ക്യുഎച്ച്ഡി+ 120 ഹെർട്സ് LTPO ഒഎൽഇഡി ഡിസ്‌പ്ലയുമായിട്ടാണ് Google Pixel 8 Pro സ്മാർട്ട്ഫോൺ വരുന്നത്. പിക്‌സൽ 8 പ്രോ സ്മാർട്ട്ഫോണിന് 1,06,999 രൂപയാണ് വില. ഗൊറില്ല ഗ്ലാസ് വിക്ടസ് 2 പ്രൊട്ടക്ഷനുള്ള ഡിസ്പ്ലെയിൽ  10.5 മെഗാപിക്സലിന്റെ സെൽഫി ക്യാമറയും നൽകിയിട്ടുണ്ട്. പിന്നിൽ OiS ഉള്ള 50 മെഗാപിക്സൽ…

സാമൂഹിക മാധ്യമങ്ങൾ വഴി വ്യാജ സന്ദേശങ്ങൾ പ്രചരിക്കുന്നതിന് മൂക്കു കയറിടാൻ കേന്ദ്ര സർക്കാർ. തെറ്റായ സന്ദേശങ്ങൾ നീക്കം ചെയ്തില്ലെങ്കിൽ ഫെയ്‌സ് ബുക്ക് (Facebook), യൂട്യൂബ് (Youtube), എക്‌സ് (X), വാട്‌സാപ്പ് (Whatsapp) അടക്കമുള്ള സാമൂഹിക മാധ്യമങ്ങൾക്ക് മേൽ പിടിമുറുകും. വ്യാജവും അപകീർത്തിയുണ്ടാക്കുന്നതും അസഭ്യമായതുമായ ഉള്ളടക്കം സാമൂഹിക മാധ്യമങ്ങളിൽ പ്രചരിക്കുന്നത് തടയിടാൻ നിയമം കടുപ്പിക്കാനാണ് നീക്കം. ഇതിനായി ഐടി സ്റ്റാൻഡിങ് കമ്മിറ്റി പാർലമെന്റിന്റെ ശീതകാല സമ്മേളനത്തിൽ നിർദേശം മുന്നോട്ടു വെക്കുമെന്ന് ഔദ്യോഗിക കേന്ദ്രങ്ങൾ പറയുന്നു. ആർക്കെല്ലാം ബാധകം? നിയമസഭാ, ലോക്സഭാ തിരഞ്ഞെടുപ്പുകൾ അടുത്തതിന് പിന്നാലെയാണ് സാമൂഹിക മാധ്യമങ്ങളിലെ വ്യാജ പ്രചരണങ്ങൾ തടയാൻ ഐടി നിയമങ്ങൾ കടുപ്പിക്കാനുള്ള തീരുമാനം. തെരഞ്ഞെടുപ്പുകൾ നടക്കാനിരിക്കുന്ന വേളയിൽ വ്യാജ പ്രചരണങ്ങൾ തടയാൻ എന്തെല്ലാം മാർഗങ്ങൾ സ്വീകരിച്ചെന്ന് സാമൂഹിക മാധ്യമങ്ങളോട് സ്റ്റാൻഡിങ് കമ്മിറ്റി ചോദിച്ചിരുന്നു. ഇൻസ്റ്റാഗ്രാം (Instagram), സ്‌നാപ്പ് ചാറ്റ് (Snapchat), കൂ (koo), ഷെയർചാറ്റ് (sharechat), ഡെയ്‌ലി ഹണ്ട് (DailyHunt), ഫെയ്‌സ്ബുക്ക്, വാട്‌സാപ്പ് അടക്കമുള്ള സാമൂഹിക മാധ്യമങ്ങളോട് അടുത്ത…

ആറുമാസം കൊണ്ട് 10,000 കിലോമീറ്റർ, 3 ലക്ഷം കോടിയുടെ റോഡ് നിർമാണ പദ്ധതിയുമായി കേന്ദ്ര സർക്കാർ. ആറുമാസത്തെ കാലാവധിയിൽ ഇത്രയും വലിയ പദ്ധതി നടപ്പാക്കാനൊരുങ്ങുന്നത് ആദ്യമായിട്ടായിരിക്കും. വരാനിരിക്കുന്ന പൊതുതെരഞ്ഞെടുപ്പിന് മുന്നോടിയായി റോഡ് നിർമാണം പൂർത്തിയാക്കാനാണ് തീരുമാനം. അടുത്ത വർഷം അവസാനത്തോടെ മൊത്തം 12,500 കിലോമീറ്റർ ദൈർഘ്യത്തിൽ റോഡ് നിർമിക്കാനാണ് കേന്ദ്ര ഗതാഗത ഹൈവേ മന്ത്രാലയത്തിന്റെ തീരുമാനം. കഴിഞ്ഞ വർഷം പണിതതിനേക്കാൾ ദൈർഘ്യത്തിൽ റോഡ് നിർമിക്കാനാണ് സർക്കാരിന്റെ ശ്രമം. റോഡ് നിർമാണത്തിന് കഴിഞ്ഞ വർഷം കേന്ദ്ര ധനമന്ത്രാലയം 2.58 ലക്ഷം കോടി അനുവദിച്ചിരുന്നു. അതിൽ 1.12 ലക്ഷം കോടി ഇതുവരെ ചെലവായി കഴിഞ്ഞു. വേഗത കുറച്ച് മഴ രാജ്യത്തിന്റെ അടിസ്ഥാന വികസനത്തിന്റെ വേഗത കൂട്ടാനായി റോഡ് നിർമാണ പദ്ധതികളിൽ സർക്കാർ കൂടുതൽ ശ്രദ്ധിക്കുകയാണ്. ഭാരത് മാലയിൽ ഉൾപ്പെടുത്തി ഹൈവേകളടക്കം നിരവധി റോഡ് നിർമാണ പദ്ധതികൾ സർക്കാർ പൂർത്തിയാക്കി കഴിഞ്ഞു. ഈ വർഷം കൂടുതൽ റോഡുകൾ നിർമിക്കാൻ അനുമതിയും കൊടുക്കുന്നുണ്ട്. റോഡ് നിർമാണത്തിനുള്ള കരാർ…

നിലവിലെ വന്ദേഭാരതിനൊപ്പം കിടപിടിക്കുന്ന പുതിയ വന്ദേഭാരത് പുഷ് പുൾ ട്രെയിൻ ഈ മാസം റെയിൽവേ പുറത്തിറക്കും. 22 നോൺ എസി കോച്ചുകളും ഇരുവശത്തും എൻജിനുകളുമുള്ള പുഷ് പുൾ വന്ദേഭാരത് ട്രെയിൻ ദീർഘ ദൂര റൂട്ടുകളെയും ഉദ്ദേശിച്ചായിരിക്കും എത്തുക. ചെന്നൈ ഐസിഎഫിൽ (ICF) നിർമാണത്തിലിരിക്കുന്ന നിർദ്ദിഷ്ട പദ്ധതി അന്തിമ ഘട്ടത്തിലാണ്. കുറഞ്ഞ ടിക്കറ്റ് നിരക്കുമായി സാധാരണക്കാരെ ലക്ഷ്യമിട്ടാണ് റെയിൽവേ പുതിയ ട്രെയിൻ അവതരിപ്പിക്കുന്നത്.  ഇതിനു പിന്നാലെ വന്ദേഭാരത് സ്ലീപ്പർ ട്രെയിനുകളും പുറത്തിറക്കുന്നുണ്ട്. വന്ദേ ഭാരത് ട്രെയിൻ്റെ പകുതി ചിലവ് മാത്രമാണ് പുതിയ ട്രെയിനിൻ്റെ നി‍ർമാണച്ചെലവ് എന്നാണ് റെയിൽവേ വൃത്തങ്ങൾ പുറത്തുവിടുന്ന വിവരം. നി‍ർമാണഘട്ടത്തിലുള്ള ട്രെയിനിൻ്റെ കൂടുതൽ വിവരങ്ങളും പുറത്തുവന്നിട്ടുണ്ട് ഇരുവശത്തും എൻജിനുകളുള്ള , 22 കോച്ചുകളുള്ള, പുഷ് പുൾ വന്ദേഭാരത് ട്രെയിനിന് പെട്ടെന്ന് വേഗമാർജിക്കാനും നിർത്താനും സാധിക്കും. പൂർണമായും നോൺ എസി കോച്ചുകളുള്ള ട്രെയിനിൽ ടിക്കറ്റ് നിരക്കുകളും സാധാരണ സ്ലീപ്പർ ക്ളാസിലേത് മാത്രമാകും. ഓറഞ്ചും ചാരനിറവും ചേ‍ർന്ന ട്രെയിനിൽ വന്ദേഭാരതിനു സമാനമായ സൗകര്യങ്ങൾ…

കഴിഞ്ഞ ദിവസം ആകാശത്ത് ‘പറക്കും മനുഷ്യ’നെ കണ്ട് അന്തം വിട്ട് നിൽക്കുകയാണ് കേരളം. കൊച്ചിക്കായലിന്റെ മുകളിൽ കൂടി അപ്പൂപ്പൻ താടി പോലെ പറന്ന് നടക്കുന്ന മനുഷ്യൻ. അപ്പോൾ മുതൽ കേൾക്കുന്നതാണ് ജെറ്റ് സ്യൂട്ട് എന്ന്, മനുഷ്യനെ ആകാശത്ത് പറക്കാൻ സഹായിക്കുന്ന പ്രത്യേക കുപ്പായമാണത്. അതെ ജെറ്റ് സ്യൂട്ട് ധരിച്ചാൽ ശരിക്കും അവഞ്ചേഴ്‌സിലെ അയൺ മാനെ പോലെ പറക്കാം. ആ സ്യൂട്ട് എവിടെ കിട്ടും, എത്രയാകും വില? കൊച്ചിക്കായലിൽ പറന്ന്കേരള പൊലീസിന്റെ സൈബർ സുരക്ഷാ സമ്മേളനമായ കൊക്കൂണിലായിരുന്നു ജെറ്റ് സ്യൂട്ടിന്റെ പ്രദർശന പറക്കൽ. കേരള ഗവർണർ ആരിഫ് മുഹമ്മദ് ഖാൻ (Arif Muhammad Khan), എഡിജിപി ഇന്റലിജൻസ് മനോജ് എബ്രഹാം എന്നിവരടക്കമുള്ള വേദിയുടെ മുന്നിലായിരുന്നു പ്രദർശന പറക്കൽ. യു.കെയിൽ നിന്ന് വന്ന ഗ്രാവിറ്റി ജെറ്റ് സ്യൂട്ട് പൈലറ്റ് പോൾ റോബർട്ട് ജോൺസാണ് കൊച്ചിക്കായലിന് മുകളിൽ ജെറ്റ് സ്യൂട്ട് ധരിച്ച് പറന്നത്. മണിക്കൂറിൽ 120 കിലോമീറ്റർ വേഗത്തിൽ പറക്കാനുള്ള ശേഷി ഈ ജെറ്റ് സ്യൂട്ടിനുണ്ട്.…

അതിവേഗം കുതിച്ചു കൊണ്ടിരിക്കുകയാണ് ഇന്ത്യൻ സമ്പദ് വ്യവസ്ഥ. ആ കുതിപ്പിന് ഇനിയും വേഗത കൊണ്ടുവരികയാണ് സ്റ്റാർട്ടപ്പുകൾ. ഇന്ത്യയിൽ സ്റ്റാർട്ടപ്പുകളുടെ വളർച്ച സമ്പദ് വ്യവസ്ഥയ്ക്കും വളമാണ്. 5 ലക്ഷം കോടി സാമ്പത്തിക വളർച്ച എന്ന ഇന്ത്യയുടെ ലക്ഷ്യത്തിലേക്കെത്താൻ സ്റ്റാർട്ടപ്പുകൾ എങ്ങനെയാണ് ഇന്ധനമാകുക? ഇന്ന് ലോകത്തെ തന്നെ സംരംഭങ്ങൾക്ക് പറ്റിയ ഏറ്റവും മികച്ച മൂന്നാമത്തെ ഇക്കോസിസ്റ്റം ഇന്ത്യയുടേതാണ്. എൻട്രപ്രണർമാരെ കൈയയഞ്ഞ് സഹായിക്കാൻ സർക്കാരും മുൻപന്തിയിലുണ്ട്. കേന്ദ്ര സർക്കാർ കൊണ്ടുവന്ന സ്റ്റാർട്ടപ്പ് ഇന്ത്യ സ്‌കീമും മറ്റും അതിനുള്ള ഉദാഹരണമാണ്. ഇ-കൊമേഴ്‌സ് (e-commerce), സാസ് (SaaS), ഡി2സി (D2C), ഓട്ടോടെക്ക് (Autotech), ഫിൻടെക് (Fintech) എന്നിവയുടെ ഫണ്ടിങ്ങിൽ എച്ച് 1 സിവൈ23 ആയപ്പോഴേക്കും 89% മുന്നേറ്റമുണ്ടാക്കാൻ ഇന്ത്യയ്ക്ക് കഴിഞ്ഞിട്ടുണ്ട്. കേന്ദ്ര സർക്കാരിന് കീഴിലുള്ള ഡിപാർട്ട്‌മെന്റ് ഫോർ പ്രമോഷൻ ഓഫ് ഇൻഡസ്ട്രി ആൻഡ് ഇന്റേർനൽ ട്രെയ്ഡിന്റെ (DPIIT) അംഗീകാരം ലഭിച്ച സ്റ്റാർട്ടപ്പുകൾ 92,683 എണ്ണമുണ്ട്. കഴിഞ്ഞ വർഷം ഫണ്ടിങ് വഴി ഇന്ത്യൻ സ്റ്റാർട്ടപ്പുകൾ നേടിയത് എത്രയാണെന്നോ, 350 കോടി…

ഇന്ത്യയിലെ ഐ ടി ഓഹരി രംഗത്ത് വൻതോതിൽ നിക്ഷേപം നടത്തി വിദേശ നിക്ഷേപ സ്ഥാപനങ്ങൾ. രണ്ടാം പാദത്തിലെ ജൂലായ്‌-സെപ്‌റ്റംബര്‍ ത്രൈമാസത്തില്‍ വിദേശ നിക്ഷേപക സ്ഥാപനങ്ങള്‍ ഇന്ത്യയിൽ ഐടി ഓഹരികള്‍ വാങ്ങാനായി 7000 കോടി രൂപ നിക്ഷേപിച്ചതായാണ് കണക്ക്.  ക്യു2വില്‍ വിദേശ നിക്ഷേപക സ്ഥാപനങ്ങള്‍ ഏറ്റവും കൂടുതല്‍ നിക്ഷേപം നടത്തിയ മേഖലകളിലൊന്ന്‌ ഐടിയാണ്‌. TCS, HCL കമ്പനികളുടെ ഓഹരികൾക്കായിരുന്നു ജൂലായ് മുതൽ ഡിമാൻഡ് ഉയർന്നത്.   രണ്ടാം ത്രൈമാസത്തില്‍ ഏറ്റവും ഉയര്‍ന്ന നേട്ടം രേഖപ്പെടുത്തിയത്‌ IT കൺസൾട്ടിങ് സ്ഥാപനമായ എംഫാസിസ്‌ ആണ്‌-25.41 ശതമാനം. എല്‍&ടി ടെക്‌നോളജി സര്‍വീസസ്‌, പെര്‍സിസ്റ്റന്റ്‌ സിസ്റ്റംസ്‌ എന്നിവയുടെ ഓഹരികളും നേട്ടമുണ്ടാക്കി. ഏപ്രില്‍-ജൂണ്‍ ത്രൈമാസത്തില്‍ ഐടി ഓഹരികളില്‍ അറ്റവില്‍പ്പന നടത്തിയ വിദേശ നിക്ഷേപക സ്ഥാപനങ്ങള്‍ രണ്ടാം ത്രൈമാസത്തില്‍ അവ വാങ്ങാന്‍ താല്‍പ്പര്യം കാട്ടി. 2023ല്‍ ആഗോള ഐടി മേഖല 4.1 ശതമാനം വളര്‍ച്ച രേഖപ്പെടുത്തുമെന്നാണ്‌ ഗാര്‍ട്‌ണേഴ്‌സിന്റെ പ്രവചനം. ഇത്‌ ഐടി ഓഹരികളുടെ ഡിമാന്റ്‌ ഉയര്‍ത്തി. ജൂലായ്‌-സെപ്‌റ്റംബര്‍ ത്രൈമാസത്തില്‍ നിഫ്‌റ്റി ഐടി സൂചികയിലെ പത്ത്‌…

അബുദാബി ഇൻവെസ്റ്റ്‌മെന്റ് അതോറിറ്റിയുടെ (ADIA) പൂർണ്ണ ഉടമസ്ഥതയിലുള്ള നിക്ഷേപ ഉപസ്ഥാപനം എഡിഐഎ പ്രൈവറ്റ് ഇക്വിറ്റീസ് റിലയൻസ് ഇൻഡസ്ട്രീസ് ലിമിറ്റഡിന്റെ അനുബന്ധ സ്ഥാപനമായ റിലയൻസ് റീട്ടെയിൽ വെഞ്ച്വേഴ്‌സ് ലിമിറ്റഡിൽ (RRVL) 4,966.80 കോടി രൂപ നിക്ഷേപിക്കുമെന്ന് പ്രഖ്യാപിച്ചു. ഈ നിക്ഷേപത്തോടെ ആർആർവിഎല്ലിന്റെ പ്രീ-മണി ഇക്വിറ്റി മൂല്യം 8.381 ലക്ഷം കോടി രൂപയിലേക്കുയരും എന്നാണ് ADAIയുടെ കണക്ക്കൂട്ടൽ. അതുവഴി ഇക്വിറ്റി മൂല്യത്തിൽ രാജ്യത്തെ മികച്ച നാല് കമ്പനികളിൽ ഒന്നായി ആർആർവിഎല്ലിനെ മാറ്റും. എഡിഐഎയുടെ ഈ നിക്ഷേപത്തിലൂടെ ആർ‌ആർ‌വി‌എല്ലിലെ 0.59% ഉടമസ്ഥത എ‌ഡി‌ഐഎയുടെ സ്വന്തമാകും. റിലയൻസ് റീട്ടെയിൽ വെഞ്ച്വേഴ്‌സ് ലിമിറ്റഡിലെ നിക്ഷേപകർ എന്ന നിലയിൽ അബുദാബി ഇൻവെസ്റ്റ്മെന്റ് അതോറിറ്റിയുമായുള്ള ബന്ധം കൂടുതൽ ആഴത്തിലാക്കുന്നതിൽ സന്തോഷമുണ്ടെന്ന് റിലയൻസ് റീട്ടെയിൽ വെഞ്ച്വേഴ്‌സ് ലിമിറ്റഡിന്റെ എക്‌സിക്യൂട്ടീവ് ഡയറക്ടർ ഇഷ മുകേഷ് അംബാനി പറഞ്ഞു. ഈ നിക്ഷേപം, ഇന്ത്യൻ സമ്പദ്‌വ്യവസ്ഥയിലും ബിസിനസ്സ് തന്ത്രത്തിലും നിർവ്വഹണ ശേഷിയിലും റിലയൻസിലുള്ള വിശ്വാസത്തിന്റെ തെളിവാണെന്ന് ഇഷ വ്യക്തമാക്കി. അഭൂതപൂർവമായ വേഗതയിൽ വികസിച്ചുകൊണ്ടിരിക്കുന്ന ഒരു വിപണിയിൽ റിലയൻസ്…

2 മണിക്കൂർ യാത്ര കൊണ്ട് ദുബായിയെയും, ഇന്ത്യയിലെ മുംബൈയെയും തീവണ്ടി മാർഗം ബന്ധിപ്പിക്കുവാനുള്ള ശ്രമങ്ങളിലാണ് ദുബായ്. 1934 കിലോമീറ്റർ അകലത്തിൽ ഇടയ്ക്കു സമുദ്രവുമുള്ള രണ്ട് പ്രധാന നഗരങ്ങളെ എങ്ങനെ ഈ റെയിൽ ബന്ധിപ്പിക്കും?യു‌ഇ‌എ ആസ്ഥാനമായുള്ള നാഷണൽ അഡ്വൈസർ ബ്യൂറോ ലിമിറ്റഡ് എന്ന നിർമാണ കമ്പനിക്കു അതിനുള്ള ഉത്തരമുണ്ട്. ആഴക്കടലിനടിയിലൂടെ. രണ്ടു നഗരങ്ങളെ അൾട്രാ സ്പീഡ് ഫ്ലോട്ടിംഗ്ട്രെയിനിന്റെ സാങ്കേതിക മികവ് കൂട്ടിച്ചേർക്കുമെന്നാണ് പ്രതീക്ഷ. 2019-ൽ ദുബായിയിലെ ഫുജൈറയിൽ നിന്ന് ഇന്ത്യയിലെ മുംബൈയിലേക്കു പോകുന്ന ഒരു ട്രെയിൻ ലൈനിന്റെ നിർമ്മാണം UAE കമ്പനി NBL ആരംഭിച്ചു. ലണ്ടൻ, പാരീസ് നഗരങ്ങളെ ബന്ധിപ്പിക്കുന്ന യൂറോസ്റ്റാർ ട്രെയിൻ സർവീസ് മാതൃകയിലാണ് സ്പീഡ് ഫ്ലോട്ടിംഗ്ട്രെയിൻ. ഒരു പത്തു നില കെട്ടിടത്തിന്റെ ഉയരത്തിനൊത്ത ആഴത്തിലാകും ട്രെയിൻ സർവീസ് നടത്തുക.സമുദ്രത്തിൽ രണ്ട് വളഞ്ഞ കോൺക്രീറ്റ് ഫ്ലോട്ടിംഗ് ട്യൂബുകൾ സ്ഥാപിച്ചാണ് National Advisor Bureau Limited തങ്ങളുടെ അണ്ടർവാട്ടർ ട്രെയിൻ ഓടിക്കുക. തീവണ്ടിക്ക് രണ്ടു ഭാഗത്തേക്കും സർവീസ് നടത്തുന്നതിന് ട്യൂബുകൾ കൊണ്ടുള്ള 2…