Author: News Desk
ഗ്രാറ്റിവിറ്റിയിലും കുടുംബ പെന്‍ഷനിലും അടിമുടി മാറ്റം വരുത്താനൊരുങ്ങി LIC. കേന്ദ്ര ധനകാര്യ മന്ത്രാലയമാണ് എല്‍ഐസി ജീവനക്കാരുടെയും ഏജന്റുമാരുടെയും ക്ഷേമത്തിനായി വിവിധ മാറ്റങ്ങള്‍ക്ക് അംഗീകാരം നല്‍കിയത്. 2017-ലെ എല്‍ഐസി (ഏജന്‍സ്) റെഗുലേഷനില്‍ ഭേദഗതി വരുത്തുന്നതോടെ പുതിയ മാറ്റങ്ങള്‍ പ്രാബല്യത്തില്‍ വരും. 13 ലക്ഷത്തോളം എല്‍ഐസി ഏജന്റുമാര്‍ക്കും ഒരു ലക്ഷത്തോളം വരുന്ന സ്ഥിരം ജീവനക്കാര്‍ക്കും ക്ഷേമ പദ്ധതിയുടെ ആനുകൂല്യം ലഭിക്കുമെന്നാണ് കണക്കാക്കുന്നത്. ഏജന്റുമാരുടെയും ജീവനക്കാരുടെയും ക്ഷേമത്തിന് മുന്‍ഗണന നല്‍കുന്നത് വഴി എല്‍ഐസിയുടെ പ്രവര്‍ത്തനം കൂടുതല്‍ മെച്ചപ്പെടുത്താന്‍ സാധിക്കുമെന്നാണ് വിലയിരുത്തല്‍. മാറുന്നത് എന്തെല്ലാംനഗര-ഗ്രാമീണ ഭേദമില്ലാതെ രാജ്യത്ത് എല്‍ഐസിയുടെ പ്രവര്‍ത്തനം വിപുലീകരിക്കുക എന്ന ലക്ഷ്യത്തോടെയാണ് എല്‍ഐസി മാറ്റങ്ങള്‍ കൊണ്ടുവരുന്നത്. ഏജന്റുമാരുടെയും ജീവനക്കാരുടെയും ക്ഷേമം ഉറപ്പാക്കുന്നത് ഭാവിയില്‍ എല്‍ഐസിക്കും അനുകൂലമായി തീരുമെന്നാണ് കണക്കാക്കുന്നത്. ഗ്രാറ്റിവിറ്റി, റിന്യുവല്‍ കമ്മിഷന്‍, കുടുംബ പെന്‍ഷന്‍, ടേം ഇന്‍ഷുറന്‍സ് കവര്‍ എന്നിവയിലാണ് പ്രധാനമായും മാറ്റം വരാന്‍ പോകുന്നത്. മടങ്ങി വരുന്ന ഏജന്റുമാര്‍ക്ക് റിന്യുവല്‍ കമ്മിഷന്‍ എല്‍ഐസിയില്‍ നിന്ന് ഒരിക്കല്‍ പിരിഞ്ഞതിന് ശേഷം വീണ്ടും…
ലോകത്തിലെ ഏറ്റവും വലിയ സ്വകാര്യ മൊബൈൽ ഡാറ്റ ശൃംഖലയായ റിലയൻസ് ജിയോ, എയർ ഫൈബർ സേവനങ്ങൾക്ക് തുടക്കമിട്ടു . 8 മെട്രോ നഗരങ്ങളിൽ ഹോം എന്റർടെയ്ൻമെന്റ്, സ്മാർട്ട് ഹോം സേവനങ്ങൾ, അതിവേഗ ബ്രോഡ്‌ബാൻഡ് എന്നിവയ്‌ക്കായുള്ള അതിവേഗ ഇന്റർനെറ്റ് സേവനങ്ങൾ എന്നിവ JioAirFiberലൂടെ ആരംഭിച്ചു കഴിഞ്ഞു .ജിയോ എയർ ഫൈബർ, ജിയോ എയർ ഫൈബർ മാക്സ് എന്നിങ്ങനെ രണ്ടു പ്ലാനുകളിലാണ് സേവനം ലഭ്യമാവുക. ഏറ്റവും ജനപ്രിയമായ 16+ OTT ആപ്പുകൾ ഇതോടൊപ്പമുണ്ടാകും. ടിവി, ലാപ്‌ടോപ്പ്, മൊബൈൽ അല്ലെങ്കിൽ ടാബ്‌ലെറ്റ് എന്നിങ്ങനെയുള്ള ഏത് ഉപകരണത്തിലും ആപ്പുകൾ ഉപയോഗിക്കാനും കഴിയും. എന്താണ് JioAirFiber? കേബിളുകൾ വഴി ഇന്റർനെറ്റ് എത്തിക്കാൻ സാധിക്കാത്ത പ്രദേശങ്ങളിൽ തടസ്സമില്ലാതെ ഇന്റർനെറ്റ് സേവനങ്ങൾ ഉറപ്പാക്കുന്ന ഉപകരണമാണ് ജിയോ എയർ ഫൈബർ . വയറുകളില്ലാതെ വായുവിൽ ഫൈബർ പോലെയുള്ള വേഗത ജിയോ എയർഫൈബർ നൽകുന്നു. അത് പ്ലഗ് ഇൻ ചെയ്യുക, ഓണാക്കുക, അത്രമാത്രം. ട്രൂ 5G ഉപയോഗിച്ച് അൾട്രാ-ഹൈ-സ്പീഡ് ഇന്റർനെറ്റിലേക്ക് കണക്‌റ്റ് ചെയ്‌തിരിക്കുന്ന ഒരു…
‘ഞങ്ങൾ ഒരു യഥാർത്ഥ ഇന്ത്യൻ ബ്രാൻഡാണ്’ : നിലപാട് വ്യക്തമാക്കിയ boAt ശുഭ്നീത് സിംഗ് എന്ന കനേഡിയൻ ഗായകൻ ശുഭിന്റെ വരാനിരിക്കുന്ന ഇന്ത്യൻ പര്യടനത്തിൽ നിന്ന് തങ്ങളുടെ സ്പോൺസർഷിപ്പ് പിൻവലിച്ചു. ഖാലിസ്ഥാനെ പിന്തുണക്കുന്നതായി വ്യക്തമായ കനേഡിയൻ ഗായകന്റെ വിവാദ പ്രസ്താവനകൾ കാരണം മുംബൈയിലെ സംഗീത പരിപാടിയുടെ കരാർ റദ്ദാക്കുകയാണെന്ന് സോഷ്യൽ മീഡിയയിൽ പങ്കിട്ട ഒരു ഔദ്യോഗിക പ്രസ്താവനയിൽ അമൻ ഗുപ്തയുടെ നേതൃത്വത്തിലുള്ള ഉപഭോക്തൃ ഇലക്ട്രോണിക്സ് സ്റ്റാർട്ടപ്പ് ബ്രാൻഡ് boAt അറിയിച്ചു. ” സംഗീത സമൂഹത്തോടുള്ള ഞങ്ങളുടെ പ്രതിബദ്ധത അഗാധമാണ്. ഞങ്ങൾ ഒരു യഥാർത്ഥ ഇന്ത്യൻ ബ്രാൻഡാണ്. അതിനാൽ, ഈ വർഷം ആദ്യം ആർട്ടിസ്റ്റ് ശുഭ് നടത്തിയ പരാമർശങ്ങളെക്കുറിച്ച് അറിഞ്ഞപ്പോൾ, ആ ടൂർ സ്പോൺസർഷിപ്പ് പിൻവലിക്കാൻ ഞങ്ങൾ തീരുമാനിച്ചു.” കമ്പനി X ൽ പറഞ്ഞു. സെപ്റ്റംബർ 23 മുതൽ 25 വരെ മുംബൈയിലെ കോർഡെലിയ ക്രൂയിസിൽ ശുഭിന് സംഗീതകച്ചേരികൾ ഷെഡ്യൂൾ ചെയ്തിട്ടുണ്ട്. YouTube-ൽ ശുഭിന് ഏകദേശം 2.8 ദശലക്ഷം വരിക്കാരുണ്ട്, കൂടാതെ…
അതിവേഗം ഒന്നാം ഘട്ടം പൂർത്തിയായിക്കൊണ്ടിരിക്കുന്ന കേരള സർക്കാരിന്റെ അഭിമാന പദ്ധതിയായ വിഴിഞ്ഞം അന്താരാഷ്ട്ര കണ്ടെയ്‌നർ തുറമുഖത്തിന്റെ ലോഗോ മുഖ്യമന്ത്രി പിണറായി വിജയൻ അനാവരണം ചെയ്തു. വിഴിഞ്ഞം ഇന്റർനാഷണൽ സീ പോർട്ട് തിരുവനന്തപുരം എന്ന പേരിലായിരിക്കും ഇനി തുറമുഖം അറിയപ്പെടുക വിഴിഞ്ഞം തുറമുഖത്തേക്ക് അടുക്കുന്ന കണ്ടയ്നർ കപ്പലിന്റെ പ്രതീകമായ , സമുദ്ര പശ്ചാത്തലത്തിൽ ‘V’ ആകൃതിയിലുള്ള നീല നിറത്തിലുള്ള ലോഗോയാണ് അനാവരണം ചെയ്തത്. ഈ ലോഗോ കേരളത്തിന്റെ കീർത്തി മുദ്രയായി എന്നും തിളങ്ങി നിൽക്കട്ടെ എന്ന് മുഖ്യമന്ത്രി ആശംസിച്ചു. ഒക്ടോബറിൽ ആദ്യ കപ്പൽ തുറമുഖത്തു അടുക്കുന്നു എന്നത് ഓരോ മലയാളിക്കും അഭിമാനിക്കാവുന്ന കാര്യമാണെന്നും മുഖ്യമന്ത്രി പറഞ്ഞു. തിരുവനന്തപുരത്തു നടന്ന ചടങ്ങിൽ തുറമുഖ വകുപ്പ് മന്ത്രി അഹമ്മദ് ദേവർകോവിൽ അദ്ധ്യക്ഷത വഹിച്ചു. ചടങ്ങിൽ വെച്ച് കേരള സർക്കാർ സ്‌പെഷ്യൽ പർപ്പസ് കമ്പനിയായ വിഴിഞ്ഞം ഇന്റർനാഷനൽ സീ പോർട്ട് ലിമിറ്റഡിന്റെ ഔദ്യോഗിക വെബ്‌സൈറ്റ് പ്രകാശനം ധനകാര്യവകുപ്പ് മന്ത്രി കെ.എൻ ബാലഗോപാൽ നിർവ്വഹിച്ചു. കമ്പനിയുടെ…
പ്രതിവര്‍ഷ വിദേശ ധനകാര്യ ഇടപാടുകള്‍ ഒക്ടോബർ മുതൽ ഏഴു ലക്ഷം രൂപയിലും കുറവിലാക്കാന്‍ ശ്രദ്ധിക്കുക. ഒക്ടോബര്‍ ഒന്നിനു ശേഷം നടത്തുന്ന വിദേശ യാത്രയ്ക്ക് നിങ്ങളുടെ കൈയിൽ നിന്നും പണം കൂടുതല്‍ ചിലവായേക്കാം. കാരണം പുതുക്കി വർധിപ്പിച്ച ടി.സി.എസ് (tax collected at source) നിരക്ക് 20 ശതമാനമായി നിലവില്‍ വരുന്നത് ഒക്ടോബര്‍ ഒന്നു മുതലാണ്. വിദേശ യാത്രയ്ക്കു ഒപ്പം വിദേശത്തു നിന്നുള്ള എല്ലാത്തരം ധനകാര്യ ഇടപാടുകള്‍ നടത്തുന്നവരേയും ഈ പുതിയ നിയമം ബാധിക്കും. ഇന്ത്യക്കാരുടെ വിദേശത്തെ വിദ്യാഭ്യാസം, ചികിത്സാ ആവശ്യങ്ങള്‍ക്ക് ഒഴികെയുള്ള വിദേശത്തു വച്ചു നടത്തുന്ന ഇടപാടുകള്‍ക്ക് TCS ബാധകമാണ്. ഉറവിടത്തില്‍ നിന്നു തന്നെ നികുതി പിരിക്കുന്ന സംവിധാനമായ ടി.സി.എസ്. 2023-2024ലെ കേന്ദ്ര ബജറ്റിലാണ് അഞ്ചു ശതമാനത്തില്‍ നിന്നും 20% ലേക്ക് ഉയര്‍ത്തിയത്.പ്രതിവര്‍ഷം ഏഴു ലക്ഷം രൂപ വരെയുള്ള ഇടപാടുകള്‍ ഇതിന്റെ പരിധിയില്‍ പെടുക. ഏഴു ലക്ഷം രൂപയില്‍ കൂടുതല്‍ സാമ്പത്തിക ഇടപാടുകള്‍ വിദേശത്തു നടത്തിയാലാണ് 20 ശതമാനം ടി.സി.എസ് അടക്കേണ്ടി…
കേരളത്തിനായുള്ള രണ്ടാം വന്ദേഭാരത് 24-ാം തീയതി മുതൽ സർവീസ് ആരംഭിക്കുന്നു. ഞായറാഴ്ച മുതൽ ആഴ്ച്ചയിൽ ആറ് തവണ കാസർഗോഡ് കേന്ദ്രമാക്കി ട്രെയിൻ സർവീസ് നടത്തുമെന്നാണ് സൂചന. പുതിയ മാറ്റങ്ങളോടെയുള്ള ഓറഞ്ച് നിറത്തിലുള്ള ട്രെയിനായിരിക്കും ദക്ഷിണ റയിൽവേ കേരളത്തിനായി നൽകുക. കാസർകോട് നിന്ന് തിരുവനന്തപുരത്തേക്ക് ആലപ്പുഴ വഴിയാണ്പുതിയ വന്ദേഭാരത് സർവീസ് നടത്തുക. ട്രെയിനിന്റെ സമയക്രമവും തയ്യാറായതാണ് വിവരം. രാവിലെ ഏഴുമണിക്ക് കാസർകോട് നിന്ന് സർവീസ് ആരംഭിക്കുകയും തിരുവനന്തപുരത്ത് 3.05ന് എത്തിച്ചേരുകയും ചെയ്യും. തിരുവനന്തപുരത്ത് നിന്ന് 4.05ന് പുറപ്പെടുന്ന ട്രെയിൻ രാത്രി 11.55ന് കാസർകോട് തിരികെ എത്തും. തലസ്ഥാനത്തേക്ക് തന്നെ ട്രെയിൻ റൂട്ട് അനുവദിച്ച റെയിൽവേ മന്ത്രിക്കു നന്ദി പറഞ്ഞു കാസർഗോഡ് എം പി രാജ്‌മോഹൻ ഉണ്ണിത്താൻ: “അവസാനം ദക്ഷിണ റെയിൽവേക്കു ലഭിച്ച രണ്ടാമത് വന്ദേ ഭാരത് ട്രെയിൻ കാസർഗോഡ് നിന്ന് തന്നെ ആരംഭിക്കുന്നു… ആലപ്പുഴ വഴി തിരുവനന്തപുരത്തേക്കു 2023 സെപ്റ്റംബർ 24 ഞായറാഴ്ച രാവിലെ 11 ന് കന്നി യാത്ര…
250 സിസി മെഷീനിൽ പോലും പൾസർ പ്രേമികൾ തൃപ്തരല്ല എന്ന സൂചനയാണ് രാജീവ് ബജാജ് നൽകുന്നത്. പൾസർ ആരാധകർക്ക് സന്തോഷവാർത്തയുണ്ടെന്ന് രാജീവ് ബജാജ്സൂചനയും നൽകി, അതിന്റെ അർഥം കൂടുതൽ കരുത്തനായ പൾസർ വരുന്നു എന്നത് തന്നെ. ഈ സാമ്പത്തിക വർഷത്തിൽ എക്കാലത്തെയും വലിയ പൾസർ അവതരിപ്പിക്കാൻ കമ്പനി പദ്ധതിയിടുന്നതായി ബജാജ് ഓട്ടോ മാനേജിംഗ് ഡയറക്ടർ രാജീവ് ബജാജ് പറഞ്ഞു. എൻട്രി ലെവൽ 100 സിസി മോട്ടോർസൈക്കിൾ വ്യവസായം മൊത്തത്തിൽ സമ്മർദ്ദത്തിലാണ്. “ഈ ഉത്സവ സീസണിൽ എൻട്രി ലെവൽ ഉപഭോക്താക്കൾ അധിക താല്പര്യം പ്രകടിപ്പിക്കാത്തത് കൊണ്ടാണ് പ്രീമിയം സെഗ്മെന്റിലേക്കു ശ്രദ്ധ നല്കാൻ കാരണം. 1.7 ലക്ഷം രൂപയ്ക്ക് മുകളിൽ വിലയുള്ള പ്രീമിയം മോട്ടോർസൈക്കിൾ വിൽപ്പന സംബന്ധിച്ച് കമ്പനി മികച്ച വളർച്ച കൈവരിക്കുന്നതായി രാജീവ് ബജാജ് പറഞ്ഞു. മിഡ്-മാർക്കറ്റ് സെഗ്‌മെന്റ് (125-200 സിസി) അടുത്ത കാലത്തായി വളരെ ശക്തമായി വളരുന്നു. പൾസർ ഒരു നല്ല പ്രൊഡക്റ്റാണ്. അത് നന്നായി ആളുകൾ സ്വീകരിക്കുന്നുണ്ട്. മിഡ്…
Apple ന്റെ മുൻനിര ഐഫോണുകൾക്കായി ആപ്പിൾ iOS 17 ഓപ്പറേറ്റിംഗ് സോഫ്‌റ്റ്‌വെയർ പുറത്തിറക്കുന്നു. iPhone 15 മുതൽ iPhone SE വരെയുള്ളവക്ക് പുതിയ പ്ലാറ്റ്‌ഫോമിലേക്ക് അപ്ഡേറ്റ് ചെയ്യാം. പുതിയ iOS 17 ആപ്പിൾ ഫോണുകളിൽ iMessage, FaceTime, പുതിയ വിഡ്‌ജെറ്റുകൾ എന്നിവയുമായി ബന്ധപ്പെട്ട പുതിയ ഫീച്ചറുകൾ ലഭ്യമാക്കും Apple ന്റെ ഏറ്റവും പുതുതായി ലോഞ്ച് ചെയ്ത iPhone 15 സീരീസ് ബുക്ക് ചെയ്തവരുടെ കൈകളിലെത്തുന്നതിനു മുന്നേ തന്നെ മുൻനിര ഐഫോണുകൾക്കായി ആപ്പിൾ iOS 17 ഓപ്പറേറ്റിംഗ് സോഫ്‌റ്റ്‌വെയർ പുറത്തിറക്കുന്നു. iPhone 15 മുതൽ iPhone SE വരെയുള്ളവക്ക് പുതിയ പ്ലാറ്റ്‌ഫോമിലേക്ക് അപ്ഡേറ്റ് ചെയ്യാം. iOS 17 ആപ്പിൾ ഫോണുകളിൽ iMessage, FaceTime, പുതിയ വിഡ്‌ജെറ്റുകൾ എന്നിവയുമായി ബന്ധപ്പെട്ട പുതിയ ഫീച്ചറുകൾ അവതരിപ്പിക്കും. iOS 17: പിന്തുണയ്‌ക്കുന്ന iPhone-കൾiPhone 15iPhone 15 PlusiPhone 15 ProiPhone 15 Pro MaxiPhone 14iPhone 14 PlusiPhone 14 ProiPhone 14 Pro MaxiPhone…
വിവിധ രാജ്യങ്ങളിലെ സർക്കാർ അംഗീകൃത തിരിച്ചറിയൽ രേഖ അടിസ്ഥാനമാക്കിയുള്ള വെരിഫിക്കേഷന് സംവിധാനം അവതരിപ്പിച്ച് ഇലോൺ മസ്കിന്റെ എക്സ്.കോം. എക്സ് പ്രീമിയം ഉപഭോക്താക്കൾക്ക് വേണ്ടിയാണ് ഈ സംവിധാനം. വ്യാജ X അക്കൗണ്ടുകൾ തടയുന്നതിന്റെ ഭാഗമായാണ് ഈ നീക്കം. പ്ലാറ്റ്‌ഫോമിലെ ആൾമാറാട്ടം തടയാനും ഉപഭോക്താക്കൾക്ക് “മുൻഗണന” പോലുള്ള കൂടുതൽ ആനുകൂല്യങ്ങൾ നൽകാനും എക്സ് പ്രീമിയം ലക്ഷ്യമിടുന്നു. ഈ ഓപ്ഷൻ നിലവിൽ വ്യക്തിഗത ഉപയോക്താക്കൾക്ക് മാത്രമേ ലഭ്യമാകൂ, ബിസിനസുകൾക്കോ ഓർഗനൈസേഷനുകൾക്കോ നിലവിൽ ലഭ്യമല്ല. ഐഡി സ്ഥിരീകരണ സംവിധാനം നിലവിൽ നിരവധി രാജ്യങ്ങളിൽ ലഭ്യമാണ്, യൂറോപ്യൻ യൂണിയൻ, യൂറോപ്യൻ ഇക്കണോമിക് ഏരിയ (ഇഇഎ), യുകെ എന്നിവ പോലുള്ള കൂടുതൽ രാജ്യങ്ങളിലും സംവിധാനം ഉൾപ്പെടുത്തുന്നതിനായി ഉടൻ വിപുലീകരിക്കുമെന്ന് X അറിയിച്ചു. ഇസ്രായേൽ ആസ്ഥാനമായുള്ള Au10tix എന്ന കമ്പനിയുമായി സഹകരിച്ചു X രംഗത്തെത്തിച്ചതാണ് ഐഡന്റിറ്റി വെരിഫിക്കേഷൻ. ആൾമാറാട്ടം തടയാൻ അക്കൗണ്ട് ഓതന്റിക്കേഷനിലാണ് എക്സ് ശ്രദ്ധ ചെലുത്തുന്നത്. ഇതിന് പുറമെ പ്രായമനുസരിച്ചുള്ള ഉള്ളടക്കമാണോ ഉപഭോക്താക്കൾക്ക് ലഭ്യമാകുന്നത് എന്ന് ഉറപ്പുവരുത്തുക, അപകടകരമായ/സ്പാം അക്കൗണ്ടുകളിൽ…
അന്താരാഷ്ട്ര ബഹിരാകാശ നിലയത്തിൽ നിന്ന് മടങ്ങിയെത്തിയ ബഹിരാകാശ സഞ്ചാരി സുൽത്താൻ അൽ നെയാദിക്ക് വീരോചിതമായ സ്വീകരണം നൽകി യുഎഇ . യുഎഇ ബഹിരാകാശ സഞ്ചാരിയുടെ വിജയകരമായ നാട്ടിലേക്കുള്ള വരവ് വീക്ഷിക്കാൻ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമും UAE പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാനും എത്തിയിരുന്നു . യുഎസിൽ നിന്നു പുതിയ അബുദാബി അന്താരാഷ്ട്ര വിമാനത്താവളത്തിൽ എത്തിയ സുൽത്താൻ അൽ നെയാദിയെ ഭരണാധികാരികൾ സ്വാഗതം ചെയ്തു. അൽ നെയാദിമടങ്ങിയെത്തിയതിന്റെ ബഹുമാനാർത്ഥം, അൽ ഫുർസാൻ എയറോബാറ്റിക് ടീം വിമാനത്താവളത്തിന് മുകളിലൂടെ ഒരു ഫ്ലൈപാസ്റ്റ് നടത്തി. സുൽത്താന്റെ ദൗത്യം രാജ്യത്തിന്റെ ശാസ്ത്ര പുരോഗതിയിലെ ശ്രദ്ധേയമായ നാഴികക്കല്ല് മാത്രമല്ല, രാജ്യത്തിന്റെ നിക്ഷേപ മുൻഗണനയുടെ പ്രതിഫലനവുമാണെന്ന് ഷെയ്ഖ് മുഹമ്മദ് ബിൻ റാഷിദ് പറഞ്ഞു. ബഹിരാകാശ പര്യവേഷണ മേഖലയിൽ യുഎഇ വലിയ മുന്നേറ്റം നടത്തിയതായി ഷെയ്ഖ് മുഹമ്മദ് എടുത്തുപറഞ്ഞു. സുൽത്താൻ അൽ നെയാദിയുടെ തിരിച്ചുവരവ് യുഎഇയുടെ…