Author: News Desk

2025 സാമ്പത്തിക വർഷത്തിൽ 11110 കോടി രൂപ (1.3 ബില്യൺ ഡോളർ) ടേർൺ ഓവർ നേടി ക്വിക്ക് കൊമേഴ്‌സ് യൂണികോൺ സെപ്‌റ്റോ (Zepto). 2024 സാമ്പത്തിക വർഷത്തിലെ 4454 കോടി രൂപയിൽ നിന്ന് 150% വർധനയാണ് വിറ്റുവരവിന്റെ കാര്യത്തിൽ സെപ്റ്റോയുടെ നേട്ടം. അച്ചടക്കത്തോടു കൂടിയുള്ള വിപുലീകരണം, അഗ്രസ്സീവ് എക്സിക്യൂഷൻ തുടങ്ങിയവയാണ് സെപ്റ്റോയുടെ പ്രകടനത്തിനു പിന്നിലെ കാരണങ്ങളായി ചൂണ്ടിക്കാണിക്കപ്പെടുന്നത്. 2021 ജൂലൈ മാസത്തിൽ ആദിത് പാലിച്ച (Aadit Palicha) കൈവല്യ വോഹ്റ (Kaivalya Vohra) എന്നിവർ ചേർന്നു സ്ഥാപിച്ച് ബെംഗളൂരു ആസ്ഥാനമായി പ്രവർത്തിക്കുന്ന ക്വിക്ക് കൊമേഴ്സ് കമ്പനിയാണ് സെപ്റ്റോ. 2024 ഓഗസ്റ്റ് മാസം വരെയുള്ള കണക്ക് പ്രകാരം കമ്പനിയുടെ മൂല്യം 5 ബില്യൺ ഡോളറിലധികമാണ്. 2023 ഓഗസ്റ്റ് മാസത്തിലാണ് സെപ്റ്റോ യൂണിക്കോൺ നേട്ടത്തിലെത്തിയത്. നിലവിൽ ഇന്ത്യയിലെ പത്ത് മെട്രോപൊളിറ്റൻ പ്രദേശങ്ങളിലായി 250ലധികം ഡാർക്ക്-സ്റ്റോറുകളാണ് സെപ്റ്റോയ്ക്കുള്ളത്. Quick commerce unicorn Zepto achieves a massive 150% revenue surge, hitting ₹11,110 crore…

അതിസമ്പന്നരുടെ ഇഷ്ടരാജ്യമായി യുഎഇ. നിക്ഷേപ കുടിയേറ്റ അഡ്വൈസർമാരായ ഹെൻലിയുടെ(Henley) പ്രൈവറ്റ് വെൽത്ത് മൈഗ്രേഷൻ റിപ്പോർട്ട് പ്രകാരം (Henley Private Wealth Migration Report 2025) 9800ത്തിലേറെ മില്യണേർസാണ് ഈ വർഷം യുഎഇയിലേക്ക് കുടിയേറുക. റിപ്പോർട്ട് അനുസരിച്ച് ഓരോ മണിക്കൂറിലും ശരാശരി ഒരു മില്യണേറെങ്കിലും യുഎയിലേക്ക് താമസം മാറും. ഏറ്റവും കൂടുതൽ അതിസമ്പന്നരെ സ്വാഗതം ചെയ്യുന്ന രാജ്യങ്ങളുടെ പട്ടികയിൽ തുടർച്ചയായി മൂന്നാം വർഷമാണ് യുഎഇ ഒന്നാമതെത്തുന്നത്. റിപ്പോർട്ട് പ്രകാരം പ്രതിമാസം 817ഉം പ്രതിദിനം 27ഉം പുതിയ മില്യണേർസാണ് രാജ്യത്തെത്തുക. നികുതി സൗഹൃദ നയങ്ങൾ, ദീർഘകാല റെസിഡെൻസി ഓപ്ഷനുകൾ, നിക്ഷേപക സൗഹൃദ നിയമങ്ങൾ, ലോകോത്തര നിലവാരത്തിലുള്ള അടിസ്ഥാന സൗകര്യങ്ങൾ എന്നിവയാണ് യുഎഇയിലേക്കുള്ള മില്യണേർസിന്റെ ഒഴുക്കിന് കാരണമായി ചൂണ്ടിക്കാണിക്കപ്പെടുന്നത്. 2025 ആകുമ്പോഴേക്കും 63 ബില്യൺ ഡോളറിന്റെ സ്വകാര്യ സമ്പത്ത് യുഎഇയിലേക്ക് എത്തുമെന്നും റിപ്പോർട്ട് വ്യക്തമാക്കുന്നു. The UAE is set to welcome over 9,800 millionaires in 2025, topping the list for…

ബെംഗളൂരു–ചെന്നൈ എക്സ്പ്രസ് വേയിൽ (Bengaluru-Chennai Expressway) കർണാടകയിലെ നിർമാണം പൂർത്തിയായ 71 കിലോമീറ്റർ ദൂരത്തിൽ ടോൾ പിരിവ് ആരംഭിക്കും. ഏഴ് മാസങ്ങൾക്കു മുൻപാണ് അതിവേഗപാതയുടെ ഭാഗമായ ഹൊസ്കോട്ടെ-ബേതമംഗല (Hoskote-Bethamangala) ഭാഗം പൂർണമായി ഗതാഗതത്തിനു തുറന്നുനൽകിയത്. ഇതിനുപിന്നാലെയാണ് പാതയുടെ ടോൾ നിരക്കുകൾ ദേശീയപാത അതോറിറ്റി (NHAI) അന്തിമമാക്കിയിരിക്കുന്നത്. എക്സ്പ്രസ് വേയുടെ മികവ് സാധാരണ യാത്രക്കാരെ ആകർഷിക്കുന്നുവെങ്കിലും ടോൾ നിരക്കുകൾ ആവേശം കെടുത്തും. ഹൊസ്കോട്ടിനടുത്തുള്ള ഹെഡിഗെനബലെയിൽ (Hedigenabele) നിന്ന് കെജിഎഫിന് (KGF) സമീപമുള്ള സുന്ദർപാളയയിലേക്ക് (Sundarapalaya) കാർ-ജീപ്പിലൂടെ യാത്ര ചെയ്യുന്നവർ ഒരു യാത്രയ്ക്ക് 185 രൂപയും റൗണ്ട് ട്രിപ്പിന് 275 രൂപയും ടോൾ നൽകണം. അതേസമയം എതിർദിശയിൽ – സുന്ദർപാളയ മുതൽ ഹെഡിഗെനബലെ വരെ – ടോൾ നിരക്ക് കൂടുതലാണ്. ഒരു യാത്രയ്ക്ക് 190 രൂപയും റൗണ്ട് ട്രിപ്പിന് 280 രൂപയുമാണ് നിരക്ക്. ഹെഡിഗെനബെലെ, അഗ്രഹാര, കൃഷ്ണരാജപുര, സുന്ദർപാളയ എന്നിവിടങ്ങളിലായി നാല് പ്ലാസകളാണ് ഉള്ളത്. ഓരോ ഇടങ്ങളിലും ദൂരത്തെ അടിസ്ഥാനമാക്കിയായിരിക്കും ടോൾ ഈടാക്കുക. ജില്ലാ…

ഐഡിയ ഹൗസ് കോവർക്കിംഗ് എന്ന സ്റ്റാർട്ടപ്പ് അവരുടെ പുതിയ വർക്ക് സൈറ്റിൽ ടഫൻഡ് ഗ്ലാസ് പാനൽസ് ഇറക്കുകയാണ്. പതിവുതെറ്റിക്കാതെ അവരെത്തി. കേരളത്തിലെ മുഴുവൻ സാധനങ്ങളും ഇറക്കാൻ കരാറെടുത്തിട്ടുള്ള ട്രേഡ് യൂണിയൻകാർ. മണലും മെറ്റലും ചുടുകട്ടയും ഇരുമ്പ് കമ്പിയും ലോഡിഗും അൺലോഡിംഗ് ചെയ്ത അതേ കാലത്ത് നിന്ന് ലവലേശം മുന്നോട്ട് പോകാത്ത ട്രേഡ് യൂണിയൻകാർ അങ്ങേയറ്റം സ്കിൽസെറ്റ് വേണ്ട, പ്രത്യേക വൈദഗ്ധ്യവും പരിശീലനവും വേണ്ട സാധനങ്ങളും ഇറക്കുമെന്ന് വാശിപിടിക്കും, അതിന്റെ പേരിൽ സംരംഭകനെ ആക്രിമിക്കും, വേണ്ടിവന്നാൽ സംരംഭവും സാധനങ്ങളും തകർക്കും. അതാണ് ശീലം. ഐഡിയ ഹൗസ് കോവർക്കിംഗ് ഓഫീസിലും അത് തന്നെ സംഭവിച്ചു. പുതിയ ടഫൻഡ് ഗ്ലാസ് പാനൽസ് കൈകാര്യം ചെയ്ത് ശീലമുള്ള തൊഴിലാളികളെ സംരംഭകർ നിർമ്മാണ സ്ഥലത്ത് എത്തിച്ചിരുന്നു. പരിശീലനം കിട്ടിയ, ടഫൻഡ് ഗ്ലാസ് പൊട്ടാതെ സുരക്ഷിതമായി ഇറക്കാനുള്ള ഗ്ലാസ് ക്യാച്ചറുകൾ പോലുള്ള എക്യുപ്മെൻസുമുള്ള സ്ക്കിൽഡ് ആയ തൊഴിലാളികളോട്, മാറിനിൽക്കാനും ഇതേക്കുറിച്ച് യാതൊരു ഗ്രാഹ്യവുമില്ലാത്ത ഞങ്ങൾ ഇറക്കി കൊള്ളാമെന്നും അവർ ആക്രോശിക്കുന്നു.…

ഡിജിറ്റൽ പ്ലാറ്റ്ഫോമുകൾ ഉത്പന്നങ്ങൾ വിൽക്കാൻ ഏറെ സഹായിക്കുന്നതായി ടാറ്റ സ്റ്റീൽ (Tata Steel) ചീഫ് ഇൻഫർമേഷൻ ഓഫീസർ (CIO) ജയന്ത ബാനർജി (Jayanta Banerjee). ക്വിക്ക് കൊമേഴ്സ് പ്ലാറ്റ്ഫോമുകളിലെപ്പോലെ ടാറ്റ സ്റ്റീലീന് 10 മിനിറ്റിനുള്ളിൽ സ്റ്റീൽ എത്തിക്കാൻ കഴിയില്ലെങ്കിലും 72 മണിക്കൂറിനുള്ളിൽ എത്തിക്കാൻ സാധിക്കുമെന്ന് അദ്ദേഹം ദേശീയ മാധ്യമത്തിന് നൽകിയ അഭിമുഖത്തിൽ പറഞ്ഞു. ഇത്തരത്തിൽ കുറഞ്ഞ സമയം കൊണ്ട് സ്റ്റീൽ എത്തിച്ച് ഈ മേഖലയിലെ സെപ്‌റ്റോ, സൊമാറ്റോ അല്ലെങ്കിൽ ബ്ലിങ്കിറ്റ് ആയി ടാറ്റ സ്റ്റീൽ മാറുകയാണെന്നും അദ്ദേഹം കൂട്ടിച്ചേർത്തു. എട്ട് വർഷങ്ങൾക്ക് മുമ്പാണ് ടാറ്റ സ്റ്റീൽ ഡിജിറ്റൽ യാത്ര ആരംഭിച്ചത്. നിലവിൽ 600 AI ഉപകരണങ്ങളും 11.2 പെറ്റാബൈറ്റിനടുത്ത് ഡാറ്റ ശേഖരവും കമ്പനിക്കുണ്ട്. ഏഴ് ദിവസത്തിന് പകരം 72 മണിക്കൂറിനുള്ളിൽ ഉൽപ്പന്നം ലഭ്യമാകുന്നതിലേക്ക് ഇതെത്തിച്ചു. നിലവിൽ ഉൽപ്പന്നത്തിന്റെ തരം അനുസരിച്ച് സ്റ്റീൽ ഡെലിവറി മൂന്ന് മുതൽ ഏഴ് ദിവസം വരെ എടുക്കും. ഭാവിയിൽ ഇത് ഇതിലും കുറഞ്ഞ സമയമാക്കുമെന്നും അദ്ദേഹം വ്യക്തമാക്കി…

മലേഷ്യൻ കൺസ്ട്രക്ഷൻ ഭീമൻമാരായ എവർസെൻഡായ് എഞ്ചിനീയറിംഗ് (Eversendai Engineering) ആന്ധ്രാപ്രദേശിൽ നിക്ഷേപത്തിന് ഒരുങ്ങുന്നു. ബുർജ് ഖലീഫ (Burj Khalifa), പെട്രോണസ് ടവർസ് (Petronas Towers), സ്റ്റാച്യു ഓഫ് യൂണിറ്റി (Statue of Unity), ചെന്നൈ ഡിഎൽഎഫ് ഡൗൺ ടൗൺ (DLF Downtown Chennai) തുടങ്ങിയ ആഗോള ലാൻഡ്‌മാർക്കുകളിലെ സ്ട്രക്ചറൽ സ്റ്റീൽ എഞ്ചിനീയറിങ്ങിന് അടക്കം പേരുകേട്ട കമ്പനിയാണ് എവർസെൻഡായ്. ആന്ധ്രയിൽ നിർമാണകേന്ദ്രം ആരംഭിക്കുന്നതുമായി ബന്ധപ്പെട്ട് മുഖ്യമന്ത്രി ചന്ദ്രബാബു നായിഡുവുമായി കമ്പനി ചർച്ച നടത്തി. ചന്ദ്രബാബു നായിഡുവിന്റെ സിംഗപ്പൂർ സന്ദർശനത്തിനിടെയായിരുന്നു ചർച്ച. ആന്ധ്രാപ്രദേശിൽ വൻ നിക്ഷേപങ്ങൾ കൊണ്ടുവരാനായാണ് ചന്ദ്രബാബു നായിഡു സിംഗപ്പൂരിലേക്ക് ഔദ്യോഗിക സന്ദർശനം നടത്തിയത്. അടിസ്ഥാന സൗകര്യ വികസനം, വ്യാവസായിക വികസനം തുടങ്ങിയവയിൽ ശ്രദ്ധ കേന്ദ്രീകരിച്ചുള്ള നിരവധി ഉന്നതതല യോഗങ്ങളിൽ ആന്ധ്ര മുഖ്യമന്ത്രി പങ്കെടുത്തു. ആന്ധ്രാപ്രദേശിൽ ലോകോത്തര ഉൽ‌പാദന സൗകര്യവും സംയോജിത പരിശീലന കേന്ദ്രവും സ്ഥാപിക്കുമെന്ന് ചർച്ചയ്ക്ക് ശേഷം എവർസെൻഡായ് പ്രതിനിധി അറിയിച്ചു. വിശാഖപട്ടണത്തും കൃഷ്ണപട്ടണത്തുമാണ് 2,00,000 ചതുരശ്ര മീറ്റർ വിസ്തൃതിയിലുള്ള സൗകര്യം…

അക്കാഡമിക് രംഗത്ത് മികവു പുലർത്തുന്നവരും സാമ്പത്തികമായി പിന്നോക്കം നിൽക്കുന്നവരുമായ വിദ്യാർത്ഥികൾക്ക് സ്‌കോളർഷിപ്പുമായി ആസ്റ്റർ ഡിഎം ഹെൽത്ത്‌കെയർ (Aster DM Healthcare) ചെയർമാൻ ഡോ. ആസാദ് മൂപ്പൻ (Dr. Azad Moopen). ഡോ. മൂപ്പൻസ് ലെഗസി സ്കോളർഷിപ്പ് ആൻഡ് ഫെലോഷിപ്പ്സ് പ്രോഗ്രാം (Dr. Moopen’s Legacy Scholarship and Fellowships Programme) എന്ന പേരിലുള്ള സ്‌കോളർഷിപ്പാണ് പ്രഖ്യാപിച്ചിരിക്കുന്നത്. വയനാട്ടിലെ ഡോ. മൂപ്പൻസ് മെഡിക്കൽ കോളേജ് (Dr. Moopen’s Medical College), ഡോ. മൂപ്പൻസ് നഴ്സിങ് കോളേജ് (Dr. Moopen’s Nursing College), ഡോ. മൂപ്പൻസ് കോളേജ് ഓഫ് ഫാർമസി (Dr. Moopen’s College of Pharmacy) എന്നിവിടങ്ങളിൽ പ്രവേശനം നേടുന്ന വിദ്യാർഥികളെ സഹായിക്കുന്നതിനായാണ് ഡോ. മൂപ്പൻസ് ലെഗസി സ്കോളർഷിപ്പ് എന്ന പദ്ധതി. അടുത്ത അഞ്ചുവർഷത്തിനിടെ 125 വിദ്യാർത്ഥികൾക്ക് സ്‌കോളർഷിപ്പ് സ്‌കീമിലൂടെ പ്രയോജനം ലഭിക്കും. അഞ്ചുപേർക്ക് എംബിബിഎസ്, 10 പേർക്ക് ബിഎസ് സി നഴ്‌സിംഗ്, 10 പേർക്ക് ബിഫാം എന്നിങ്ങനെ 25 പേർക്കാണ് പ്രതിവർഷം…

കർണാടകയിൽ വമ്പൻ നിക്ഷേപവുമായി വിപ്രോ ഇൻഫ്രാസ്ട്രക്ചർ എഞ്ചിനീയറിംഗ് (WIN). പ്രിന്റഡ് സർക്യൂട്ട് ബോർഡുകൾകളുടെ (PCB) അടിസ്ഥാന വസ്തുക്കൾ നിർമ്മിക്കുന്നതിതിനായി വിപ്രോ ഇലക്ട്രോണിക് മെറ്റീരിയൽസ് (Wipro Electronic Materials) എന്ന പുതിയ ബിസിനസ് വിഭാഗം പ്രഖ്യാപിച്ചിരിക്കുകയാണ് കമ്പനി. ഇതുമായി ബന്ധപ്പെട്ട് 500 കോടി രൂപയുടെ നിക്ഷേപമാണ് കർണാടകയിലെ പുതിയ സൗകര്യത്തിനായി വിപ്രോ ചിലവഴിക്കുന്നത്. 2026 മുതൽ പ്ലാന്റിൽ ഉത്പാദനം ആരംഭിക്കും. 350 തൊഴിലവസരങ്ങൾ സൃഷ്ടിക്കുന്ന പ്ലാന്റ്, 6 ദശലക്ഷത്തിലധികം കോപ്പർ ക്ലാഡ് ലാമിനേറ്റുകളും (copper-clad laminates) അനുബന്ധ പ്രീപ്രെഗ് മെറ്റീരിയലുകളും (prepreg materials) ഉത്പാദിപ്പിക്കും. ഇന്ത്യയുടെ ഇലക്ട്രോണിക്സ് നിർമ്മാണ മേഖലയിൽ ഇത്തരത്തിലുള്ള ആദ്യ നിക്ഷേപമാണ് വിപ്രോ ഇലക്ട്രോണിക് മെറ്റീരിയൽസെന്നും കർണാടക സർക്കാരിന്റെയും മെയ്റ്റിയുടെയും (MeitY) പിന്തുണ പദ്ധതിക്ക് ഏറെ ഗുണം ചെയ്തതായും വിൻ സിഇഒയും എംഡിയുമായ പ്രതീക് കുമാർ (Pratik Kumar) പറഞ്ഞു. Wipro Infra announces a ₹500 crore investment in Karnataka for a new PCB materials…

ഇന്ത്യൻ ഐടി രംഗത്തെ ‘ഷോലേ കാലം’ കഴിഞ്ഞെന്ന് ടെക് മഹീന്ദ്ര (Tech Mahindra) മുൻ സിഇഒയും മാനേജിംഗ് ഡയറക്ടറുമായിരുന്ന സി.പി. ഗുർനാനി (CP Gurnani). ടാറ്റ കൺസൾട്ടൻസി സർവീസസ് (TCS) വരും വർഷങ്ങളിൽ 12000 ജീവനക്കാരെ പിരിച്ചുവിടുമെന്ന പ്രഖ്യാപനത്തോട് പ്രതികരിക്കുകയായിരുന്നു അദ്ദേഹം. ‘എത്ര ആള്’ എന്ന ഷോലേയിലെ ഗബ്ബർ സിങ്ങിന്റെ കണക്കുകൂട്ടൽ പോലെ ആളെണ്ണം മാത്രം നോക്കി ഐടി വ്യവസായത്തിന് മുന്നോട്ടു പോകാനാകില്ല എന്ന് ഗുർനാനി വ്യക്തമാക്കി. ഇതിനു പകരം ഐടി വ്യവസായം നിലവിൽ സങ്കീർണ്ണവും മൂല്യാധിഷ്ഠിതവും സാങ്കേതികമായി പുരോഗമിച്ചതുമായ അന്തരീക്ഷത്തിലാണ് പ്രവർത്തിക്കുന്നത്. മനുഷ്യശക്തിയുടെ അളവുകോലുകൾ മാത്രം ആധിപത്യം പുലർത്തുന്ന യുഗത്തിന്റെ അന്ത്യമാണിതെന്ന് അദ്ദേഹം പറഞ്ഞു. കൂടുതൽ തൊഴിലാളികളുണ്ട് എന്നതുകൊണ്ടുമാത്രം കമ്പനികൾക്ക് ഇനി ഐടി വ്യവസായത്തിൽ നേട്ടമുണ്ടാക്കാനാകില്ല. മാൻപവറിൽ ശ്രദ്ധ കേന്ദ്രീകരിക്കുന്നതിനു പകരം ഔട്ട്പുട്ടും ഔട്ട്കമ്മും അടിസ്ഥാനമാക്കിയുള്ള പ്രൈസിങ് മോഡലിലേക്കുള്ള മാറ്റമാണ് ആവശ്യമെന്നും അദ്ദേഹം കൂട്ടിച്ചേർത്തു. With TCS set to lay off 12,000, former Tech Mahindra CEO…

ക്യാപ്റ്റൻ കൂൾ (Captain Cool) എന്നാണ് മുൻ ഇന്ത്യൻ ക്രിക്കറ്റ് ടീം ക്യാപ്റ്റൻ മഹേന്ദ്ര സിങ് ധോനി (M.S. Dhoni) അറിയപ്പെട്ടിരുന്നത്. ഏതു സമ്മർദ ഘട്ടത്തിലും കൂളായി നിൽക്കുന്ന ആറ്റിറ്റ്യൂഡാണ് ധോനിയെ ആ പേരിനും പെരുമയ്ക്കും അർഹനാക്കിയത്. അതേ ആറ്റിറ്റ്യൂഡും കൂൾനെസ്സും തന്നെയാണ് ലോക വനിതാ ചെസ് ചാംപ്യനും ഇന്ത്യയുടെ അഭിമാനവുമായ ദിവ്യ ദേശ്മുഖിനും (Divya Deshmukh) ഉള്ളത്. വെറും 19 വയസ്സിലാണ് ദിവ്യയുടെ നേട്ടമെന്നതും അഭിമാനവും കൂൾനെസ്സുമെല്ലാം ഇരട്ടിയാക്കുന്നു. നാഗ്പൂരിലെ ഡോക്ടർ ദമ്പതികളുടെ മകളായി ജനിച്ച ദിവ്യയുടെ ചെസ് ലോകത്തേക്കുള്ള വരവ് യാദൃശ്ചികമായിരുന്നു. നാലാം വയസ്സിൽ സഹോദരിക്കൊപ്പം ബാഡ്മിന്റൺ കോർട്ടിലെത്തിയ ദിവ്യയ്ക്ക് നെറ്റിന്റെ ഉയരക്കൂടുതൽ കാരണം കളത്തിലിറങ്ങാനായില്ല. പകരം ദിവ്യയുടെ പിതാവ് മകളെ തൊട്ടടുത്തുള്ള ചെസ് അക്കാഡമിയിൽ ചേർത്തു. 15 വർഷങ്ങൾക്കിപ്പുറം ചെസ്സിലെ ലോക ചാംപ്യൻ്റെ തുടക്കമായി അത്. 2020 ചെസ് ഒളിംപ്യാഡിൽ സ്വർണം നേടിയ ഇന്ത്യൻ ടീമംഗമായിരുന്നു ദിവ്യ. ഇതാണ് ദിവ്യയുടെ ശ്രദ്ധേയ നേട്ടങ്ങളിൽ ആദ്യത്തേത്. പിന്നീട് 2021ൽ…