Author: News Desk

തങ്ങളുടെ ക്ലാസിക് കാറായ 1983 ഷോർട്ട് വീൽബെയ്സ് റേഞ്ച് റോവർ സഫാരിയെ (1983 short-wheelbase Range Rover Safari) ഇലക്ട്രിക് കാറാക്കി ലൂണാസ് (Lunaz). 1983ൽ ഇറങ്ങിയ ജെയിംസ് ബോണ്ട് ചിത്രം ഒക്ടോപസിയിൽ ഉപയോഗിച്ച അതേ മോഡലാണിത്. ഈ ഓപ്പൺ ‍ടോപ്പ് മോഡലിന് അന്നേ ആരാധകർ ഏറെയാണ്. പല കമ്പനികളും അവരുടെ ക്ലാസിക് വാഹനങ്ങൾ ഇവിയിലേക്ക് മാറ്റി വിപണയിലെത്തിക്കാറുണ്ട്. ക്ലാസിക് വാഹനങ്ങൾക്ക് പേരു കേട്ട് ലൂണാസ് ജാഗ്വാർ XK 120, റോൾസ് റോയ്സ് ഫാന്റം വി പോലുള്ള ആഢംബര വാഹനങ്ങൾ ഇവിയാക്കി മുമ്പും വിപണിയിൽ തരംഗം സൃഷ്ടിച്ചിട്ടുണ്ട്.റൂഫ് ഇല്ലെങ്കിലും ബലവും സ്റ്റബിലിറ്റിയും ഉറപ്പാക്കാനായി ബോഡിയും ചെസിസും കൂടുതൽ മെച്ചപ്പെടുത്തിയിട്ടുണ്ട്. സ്ട്രക്ചറിൽ മാറ്റങ്ങൾ വരുത്തിയിട്ടുണ്ടെങ്കിലും 1983 മോഡൽ റേഞ്ച് റോവർ സഫാരിയുടെ എക്സ്റ്റീരിയൽ കോച്ച്‌വർക്ക് അതേ പോലെ തന്നെ നിലനിർത്തിയിട്ടുണ്ട്. ഡാർക് ബ്ലൂ മൊഹയർ നിറത്തിൽ കൺവെർട്ടിബിൾ ഹൂഡോടെ കൂടെ മായാ ബ്ലൂ നിറത്തിലാണ് റേഞ്ച് റോവർ സഫാരി വിപണിയിലെത്തിച്ചിരിക്കുന്നത്. അതേസമയം പഴയ…

പ്രവര്‍ത്തന വരുമാനത്തില്‍ വലിയ കുതിച്ചുചാട്ടവുമായി ഇപ്പോൾ മുന്നോട്ടുള്ള യാത്രയിലാണ്  കൊച്ചി മെട്രോ. 2022-23 സാമ്പത്തിക വര്‍ഷത്തില്‍ മുന്‍ വര്‍ഷത്തെ അപേക്ഷിച്ച് വരുമാനത്തില്‍ 145 ശതമാനത്തിലധികം വളര്‍ച്ചയാണ് നേടിയത്. വലിയ പ്രതികൂല സാഹചര്യങ്ങൾ  ഒന്നുമുണ്ടായില്ലെങ്കില്‍ രാജ്യത്തെ ആദ്യ മെട്രോ റെയിൽ എന്ന ഈ  ആശയം 2025 ഓഗസ്റ്റില്‍ രണ്ടാം ഘട്ടത്തിൽ കാക്കനാട് എത്തുമെന്നാണ് പ്രതീക്ഷ. തൃപ്പൂണിത്തുറയിലേക്കും അടുത്ത് തന്നെ മെട്രൊ എത്തുന്നതോടെ കൊച്ചി മെട്രൊയുടെ ഒന്നാം ഘട്ടമായ ആലുവ – തൃപ്പൂണിത്തുറ  റൂട്ടിന്‍റെ ദൈര്‍ഘ്യം 28.125 കിലോമീറ്ററാകും. സ്റ്റേഷനുകളുടെ എണ്ണം 25 ആകും. കാക്കനാട് വരെയാണ് രണ്ടാംഘട്ടം. 2025 ൽ പൂർത്തിയാക്കാൻ സാധിക്കുമെന്ന് പ്രതീക്ഷിക്കുന്ന രണ്ടാം ഘട്ടത്തിനായി സംസ്ഥാനത്തിന്റെ വിഹിതമായി  239 കോടി രൂപ ബജറ്റിൽ വകയിരുത്തിയിട്ടുണ്ട്.  സംസ്ഥാന സർക്കാരും കേന്ദ്ര നഗര വികസന മന്ത്രാലയവും സംയുക്തമായി രൂപവൽക്കരിച്ച കൊച്ചി മെട്രോ റെയിൽ ലിമിറ്റഡ് ആണ് കൊച്ചി മെട്രോയുടെ ചുമതല നിർവ്വഹിക്കുന്നത്. 5182 കോടി രൂപയാണ് കൊച്ചി മെട്രോ പദ്ധതിയുടെ ആകെ ചിലവ്.…

തെക്കൻ കേരള തീരത്ത് നിന്ന് വേർതിരിച്ചെടുക്കുന്ന ധാതുമണൽ സംസ്ക്കരിക്കുന്ന ഒരു കയറ്റുമതി അധിഷ്ഠിത യൂണിറ്റാണ് കൊച്ചിൻ മിനറൽസ് ആൻഡ് റൂട്ടൈൽ ലിമിറ്റഡ് CMRL. കേരളത്തിലെ സ്വകാര്യമേഖലയിലെ ഏക ഖനന സ്ഥാപനം. ടൈറ്റാനിയം സ്‌പോഞ്ച് ഉൽപാദനത്തിൽ ഉപയോഗിക്കുന്ന സിന്തറ്റിക് റൂട്ടൈൽ, വിവിധ ആപ്ലിക്കേഷനുകൾക്കുള്ള ഫെറിക് ക്ലോറൈഡ്, വ്യാവസായിക ആവശ്യങ്ങൾക്കായി ഫെറസ് ക്ലോറൈഡ്, സെമോക്സ് തുടങ്ങിയ മറ്റ് ഉൽപ്പന്നങ്ങൾ CMRL ഇങ്ങനെ ധാതു ഖനനത്തിലൂടെ നിർമ്മിക്കുന്നു. കൊച്ചി ആസ്ഥാനമായി 1989-ൽ സ്ഥാപിതമായ സ്വകാര്യ മേഖലയിലെ ഒരു പൊതു ലിസ്റ്റഡ് കെമിക്കൽ കമ്പനിയാണ് CMRL. കേരള സ്റ്റേറ്റ് ഇൻഡസ്ട്രിയൽ ഡെവലപ്‌മെൻ്റ് കോർപ്പറേഷൻ്റെ (KSIDC) സഹായത്തോടെ 1989-ൽ ഡോ. എസ്.എൻ. ശശിധരൻ കർത്തയാണ് കമ്പനി സ്ഥാപിച്ചത് . സിന്തറ്റിക് റൂട്ടൈൽ സ്‌പെയ്‌സിൽ ലിസ്റ്റ് ചെയ്യപ്പെട്ട ഏക ഇന്ത്യൻ സ്ഥാപനമാണ് CMRL. കൊച്ചി തുറമുഖത്ത് നിന്ന് ഏകദേശം 15 കിലോമീറ്റർ അകലെയുള്ള ആലുവ എടയാർ ഇൻഡസ്ട്രിയൽ ഡെവലപ്‌മെൻ്റ് ഏരിയയിലാണ് പ്ലാൻ്റ് സ്ഥിതി ചെയ്യുന്നത് . ഇവിടെ കടൽത്തീരത്ത് 100…

ഖത്തറിൽ പ്രതിസന്ധി നേരിട്ട് ടാറ്റാ ഗ്രൂപ്പ് (Tata Group) സ്ഥാപനമായ വോൾട്ടാസ് (Voltas). പലകാരണങ്ങൾ കൊണ്ട് വോൾട്ടാസിന് ലഭിക്കേണ്ട 750 കോടി രൂപയാണ് മുടങ്ങിയിരിക്കുന്നത്. ചില പ്രൊജക്ടുകളുടെ ബാങ്ക് ഗാരന്റിയിൽ കോൺട്രാക്ടർമാർ തിരിമറി നടത്തിയെന്നും കമ്പനി എംഡിയും സിഇഒയുമായ പ്രദീപ് ബക്ഷി പറഞ്ഞു. ഖത്തറിൽ ചില പ്രതിസന്ധികൾ നേരിടുന്നുണ്ടെന്നും കിട്ടാനുള്ള തുക കൃത്യസമയത്ത് കിട്ടുന്നില്ലെന്നും പ്രദീപ് പറഞ്ഞു. തുക ലഭിച്ചിട്ടില്ലെങ്കിലും പ്രൊജക്ടുകൾ കൃത്യമായി പൂർത്തിയാക്കി നൽകിയിട്ടുണ്ട്. നഷ്ടം കോടികൾ വിഷയത്തിൽ ഇടപെടണമെന്ന് ആവശ്യപ്പെട്ട് വോൾട്ടാസ് കേന്ദ്രസർക്കാരിനെയും ഖത്തറിലെ ഇന്ത്യൻ എംബസിയെയും സന്ദർശിച്ചു. മെക്കാനിക്കൽ, ഇലക്ട്രിക്കൽ, പ്ലംബിംഗ് നിർമാണ പ്രവർത്തനങ്ങൾ വോൾട്ടാസ് കരാറിന്റെ അടിസ്ഥാനത്തിൽ പൂർത്തിയാക്കിയിരുന്നു. ബന്ധപ്പെട്ട വകുപ്പുകൾക്ക് നൽകിയ ബില്ലുകൾ സർട്ടിഫൈ ചെയ്യാത്തതാണ് തുക വൈകാൻ കാരണമായി പറയുന്നത്. 750 കോടി രൂപയ്ക്ക് പുറമേ, 375 കോടി രൂപ ബാങ്ക് ഗാരന്റി ഇനത്തിൽ ലഭിക്കാനുണ്ടെന്നും വോൾട്ടാസ് പറഞ്ഞു. മിക്ക പ്രൊജക്ടുകളും ആറാം പാദത്തിലും ഏഴാം പാദത്തിലും ലഭിക്കുന്നതും തുക വൈകാൻ…

റേഷൻ കടകൾക്ക് മുന്നിൽ പ്രധാനമന്ത്രിയുടെ ഫോട്ടോയുള്ള ബാനറുകൾ സ്ഥാപിക്കണമെന്ന കേന്ദ്ര നിർദേശത്തോട് എതിർപ്പ് പ്രകടിപ്പിച്ച് കേരളം.  ബ്രാൻഡിംഗിന്റെ ഭാഗമായി പ്രധാനമന്ത്രിയുടെ ചിത്രമുള്ള ബാനറുകൾ റേഷൻ കടകളുടെ മുന്നിൽ സ്ഥാപിക്കണമെന്നും പ്രധാനമന്ത്രിയുടെ ചിത്രമുള്ള കവറുകൾ വിതരണം ചെയ്യണമെന്നും കേന്ദ്ര ഭക്ഷ്യ സെക്രട്ടറി, സംസ്ഥാന ഭക്ഷ്യ സെക്രട്ടറിയോട് നിർദേശിച്ചിരുന്നു. പ്രധാനമന്ത്രിയുടെ ചിത്രമുള്ള സെൽഫി പോയിന്റും റേഷൻ കടകൾക്ക് മുന്നിൽ വെക്കണമെന്ന് നിർദേശമുണ്ടായിരുന്നു. ഇതിനോട് മുഖം തിരിച്ചിരിക്കുകയാണ് കേരളം. ഇക്കാര്യം കേന്ദ്രത്തെ അറിയിക്കുമെന്നും വിഷയത്തിൽ തിരഞ്ഞെടുപ്പ് കമ്മീഷനെ സമീപിക്കുമെന്നും മുഖ്യമന്ത്രി പിണറായി വിജയൻ നിയമസഭയിൽ പറഞ്ഞു. ചോദ്യോത്തരവേളയിൽ പി. അബ്ദുൾ ഹമീദ് എംഎൽഎയുടെ ചോദ്യത്തിന് മറുപടി പറയുകയായിരുന്നു മുഖ്യമന്ത്രി. സംസ്ഥാനത്തെ 14,000ൽ അധികം റേഷൻ കടകളിൽ പ്രധാനമന്ത്രിയുടെ ഫോട്ടോ സ്ഥാപിച്ച് റിപ്പോർട്ട് നൽകാൻ എഫ്സിഐയേയും സംസ്ഥാന ഭക്ഷ്യ വകുപ്പിനെയും കേന്ദ്രം ചുമതലപ്പെടുത്തിയിരുന്നു. കൂടാതെ തിരഞ്ഞെടുത്ത 550 റേഷൻ കടകളിൽ പ്രധാനമന്ത്രിയുടെ ചിത്രമുള്ള സെൽഫി പോയിന്റുകൾ സ്ഥാപിക്കണമെന്നും നിർദേശിച്ചിരുന്നു. ഭക്ഷ്യധാന്യങ്ങൾ വിതരണം ചെയ്യുന്നതിന് കേന്ദ്രസർക്കാരിന്റെ ലോഗോ പതിപ്പിച്ച…

അയോധ്യയിൽ 100 കോടി രൂപയ്ക്ക് 5 സ്റ്റാർ ഹോട്ടൽ തുടങ്ങാൻ ഓൺലൈൻ ട്രാവൽ പ്ലാറ്റ്ഫോം ഈസ് മൈട്രിപ് (EaseMyTrip). അയോധ്യയിൽ 5 സ്റ്റാർ ഹോട്ടൽ തുടങ്ങി കൊണ്ട് ഹോസ്പിറ്റാലിറ്റി ബിസിനസിലേക്ക് ചുവടുവെക്കാനാണ് ഈസ്മൈട്രിപ്പിന്റെ ലക്ഷ്യം. അയോധ്യയിൽ രാമക്ഷേത്രത്തിന്റെ 1 കിലോമീറ്റർ ചുറ്റളവിലാണ് ഈസ്മൈട്രിപ്പ് ഹോട്ടൽ പണിയുന്നത് എന്നാണ് റിപ്പോർട്ട്. ഇതിനായി ജീവാനി ഹോസ്പിറ്റാലിറ്റി കമ്പനിയിൽ നിന്ന് 100 കോടി രൂപയുടെ നിക്ഷേപം സ്വീകരിക്കും.അയോധ്യയിൽ ഹോട്ടൽ തുടങ്ങാനുള്ള പ്രൊപ്പോസലിന് ഫെബ്രുവരി 11ന് നടന്ന ബോർഡ് മീറ്റിംഗിൽ അംഗീകാരം നൽകി. എക്സ്ചേഞ്ച് ഫയലിംഗിൽ ആണ് കമ്പനി ഇക്കാര്യം അറിയിച്ചത്.അയോധ്യയിലും ലക്ഷദ്വീപിലും മികച്ച സാധ്യതകൾ കാണുന്നുണ്ടെന്ന് ഈസ്മൈട്രിപ്പ് കോഫൗണ്ടർ പ്രശാന്ത് പിട്ടി പറഞ്ഞു. കമ്പനിയുടെ ഡിസംബർ പാദത്തിലെ വരുമാനത്തെ കുറിച്ച് സംസാരിക്കുമ്പോഴാണ് പിട്ടി ഇക്കാര്യം പറഞ്ഞത്. ഡിസംബർ പാദത്തിൽ കമ്പനിയുടെ വരുമാനം 9.6 % വർധിച്ച് 45.6 കോടി രൂപയായി. മറ്റ് കമ്പനികൾ വാങ്ങാനും ഈസ്മൈട്രിപ്പ് ലക്ഷ്യമിടുന്നുണ്ട്. ഇതിനായി 100 കോടി രൂപ കമ്പനി ബോർഡ്…

റിസർവ് ബാങ്കിന്റെ കടുത്ത അച്ചടക്ക നടപടിക്ക് വിധേയമായ പേടിഎം പേമന്റ്‌സ് ബാങ്കിന് പൂട്ട് വീഴുന്നു. Paytm-ന് എതിരായ നടപടിയിലൂടെ സാമ്പത്തിക മേഖലയിലെ സ്ഥാപനങ്ങൾക്ക് നിയമങ്ങൾ കർശനമായി പാലിക്കണമെന്ന മുന്നറിയിപ്പാണ് റിസർവ് ബാങ്ക് നൽകിയിരിക്കുന്നത്. ഇതോടെ ആശങ്കയിലായിരിക്കുന്നത് രാജ്യത്തെ മറ്റു ഫിനാൻഷ്യൽ സ്റ്റാർട്ടപ്പുകളും, ഫിൻടെക്ക് ഭീമന്മാരുമാണ് . കാരണം അച്ചടക്കത്തിന്റെ വാൾ ഏതു നിമിഷവും ആർ ബി ഐ തങ്ങൾക്കു നേരെയും ഓങ്ങാം എന്ന ഭീതി എല്ലാവരിലും വന്നു കഴിഞ്ഞു. പേടിഎം പേയ്‌മെൻ്റ് ബാങ്കിനെതിരെ റിസർവ് ബാങ്ക് ഓഫ് ഇന്ത്യ എടുത്ത നിയന്ത്രണ നടപടികളോട് പ്രതികരിച്ചുകൊണ്ട് ഒരു കൂട്ടം ഇന്ത്യൻ സ്റ്റാർട്ടപ്പ് സ്ഥാപകർ ഉ പ്രധാനമന്ത്രിയുടെ ഓഫീസ് (പിഎംഒ), ധനമന്ത്രാലയം, ആർബിഐ എന്നിവയ്ക്ക് കത്തയച്ചു. വിജയ് ശേഖർ ശർമ്മയുടെ പേ ടി എമ്മിന് ഏർപ്പെടുത്തിയ നിയന്ത്രണങ്ങൾ പുനഃപരിശോധിക്കണമെന്ന് അവർ ആവശ്യപെടുന്നു. Innov8, CapitalMind, Bharat Matrimony തുടങ്ങിയ പ്രമുഖ സ്റ്റാർട്ടപ്പുകളെ പ്രതിനിധീകരിക്കുന്ന സ്ഥാപകരുടെ നേതൃത്വത്തിൽ അയച്ച കത്ത്, Paytm പേയ്‌മെൻ്റ് ബാങ്കിൽ ആർബിഐയുടെ നടപടികളുടെ…

ഫ്രാൻസിന് പിന്നാലെ ഇന്ത്യയുടെ യുപിഐയ്ക്ക് (UPI) അംഗീകാരം നൽകി ശ്രീലങ്കയും മൗറീഷ്യസും. മൗറീഷ്യസിൽ റൂപേ (RuPay) കാർഡും ഉപയോഗിക്കാൻ അംഗീകാരം ലഭിച്ചു. ഇന്ത്യൻ സഞ്ചാരികൾക്ക് ഇനി ശ്രീലങ്കയിലും മൗറീഷ്യസിലും യുപിഐ സേവനങ്ങൾ ഉപയോഗിച്ച് തുടങ്ങാം. ഇന്ന് മുതൽ ഈ രാജ്യങ്ങളിൽ യുപിഐ സേവനങ്ങൾ ലഭ്യമായി തുടങ്ങുമെന്ന് വിദേശ കാര്യ മന്ത്രാലയം അറിയിച്ചു. ഫ്രാൻസിലും ശ്രീലങ്കയിലും മൗറീഷ്യസിലും യുപിഐ വരുന്നത് ഏറ്റവും കൂടുതൽ ഉപകരിക്കുന്നത് ഇന്ത്യക്കാർക്കായിരിക്കും. ശ്രീലങ്ക, മൗറീഷ്യസ്‍ എന്നിവിടങ്ങളിൽ താമസിക്കുന്ന ഇന്ത്യൻ പൗരന്മാർക്കും യാത്ര ചെയ്യുന്ന ഇന്ത്യക്കാർക്കും ഇനി പണം കൈയിൽ കരുതേണ്ട. ഈ രാജ്യങ്ങളിൽ നിന്ന് ഇന്ത്യയിലേക്ക് വരുന്നവർക്കും യുപിഐ സേവനം പ്രയോജനപ്പെടുത്താം.റൂപേ കാർഡ് വരുന്നതോടെ മൗറീഷ്യസിലുള്ള ബാങ്കുകൾക്ക് കാർഡ് അധിഷ്ഠിത സേവനങ്ങൾ നൽകാനാകും. ഇന്ത്യയിലും മൗറീഷ്യസിലും ഒരേ പോലെ റൂപേ കാർഡിന്റെ സേവനങ്ങൾ ഉപയോഗപ്പെടുത്താൻ സാധിക്കും. മറ്റു രാജ്യങ്ങളിൽ യുപിഐ സേവനം ലഭ്യമാകുന്നതോടെ വേഗതയേറിയ ഡിജിറ്റൽ പണമിടപാട് സാധ്യമാകുമെന്ന് വിദേശകാര്യ മന്ത്രാലയം പറഞ്ഞു. രാജ്യങ്ങൾ തമ്മിലുള്ള ഡിജിറ്റൽ കണക്ടിവിറ്റിയും…

അനുദിനമാണ് രാജ്യത്ത് ഊർജ ആവശ്യകത വർധിക്കുന്നത്. പുനരുപയോഗ ഊർജ സ്രോതസിലേക്ക് രാജ്യം മാറാനുള്ള കാരണവും ഇതാണ്. രാജ്യം ഏറ്റവും കൂടുതൽ ആശ്രയിക്കുന്ന പുനരുപയോഗ ഊർജ സ്രോതസാണ് സൗരോർജം. സോളാർവത്കരണം രാജ്യത്തിന്റെ ഊർജ ആവശ്യകതയുടെ നല്ലൊരു പങ്ക് നിവർത്തിച്ചു കൊടുക്കുന്നുണ്ട്. ഇത് തിരിച്ചറിഞ്ഞ് ആളുകളെ സൗരോർജത്തിലേക്ക് അടുപ്പിക്കാൻ കേന്ദ്ര-സംസ്ഥാന സർക്കാരുകൾ തന്നെ നിരവധി പദ്ധതികൾ നടപ്പാക്കുന്നുണ്ട്.2024-25 ഇടക്കാല ബജറ്റിൽ കേന്ദ്ര ധനമന്ത്രി നിർമലാ സീതാരാമൻ 1 കോടി വീടുകളിലേക്ക് പുരപ്പുറ സൗരോർജം ലഭ്യമാക്കാൻ പ്രധാൻ മന്ത്രി  സൂര്യോദയ യോജന പ്രഖ്യാപിച്ചു. വീടുകൾക്ക് മാസം 300 യൂണിറ്റ് വൈദ്യതി സൗജന്യമായി ലഭിക്കാൻ പദ്ധതി സഹായിക്കും. വർഷം 15000-18000 രൂപ വൈദ്യുതി ബില്ല് ലാഭിക്കാൻ ഇതുവഴി കുടുംബങ്ങൾക്ക് സാധിക്കും. വീടുകളിൽ ഉത്പാദിപ്പിക്കുന്ന സൗരോർജത്തിൽ മിച്ചം വരുന്നത്  കമ്പനികൾക്ക് വിൽക്കാൻ സാധിക്കും. വീടുകൾക്ക് മാത്രമല്ല സൗരോർജ പദ്ധതി ഉപകാരപ്രദമാകുന്നത്. സുസ്ഥിര ഗതാഗത സംവിധാനത്തിലേക്കുള്ള രാജ്യത്തിന്റെ മാറ്റം ത്വരിതപ്പെടുത്താനും സൗരോർജ പദ്ധതി സഹായിക്കും. സോളാർ പാനലിൽ ഉത്പാദിപ്പിക്കുന്ന വൈദ്യുതി…

കേക്കും ബ്രഡും ബിസ്കറ്റും മറ്റും ബേക്ക് ചെയ്യുന്ന വീഡിയോകൾക്ക് സോഷ്യൽ മീഡിയയിൽ എന്നും ആരാധകരുണ്ട്. മിക്കപ്പോഴും ഇത്തരം വീഡിയോകൾ വൈറലാകുകയും ചെയ്യും. വ്യവസായിക അടിസ്ഥാനത്തിൽ ബ്രഡ് ഉണ്ടാക്കുന്ന ഒരു വീഡിയോ ആണ് ഇത്തവണ വൈറൽ ആയത്. പ്ലാന്റ്ആഷിഷ് എന്ന ഇൻസ്റ്റാഗ്രാം പേജിൽ പോസ്റ്റ് ചെയ്ത വീഡിയോ കണ്ട് ആളുകൾ ‍‍ഞെട്ടിയെന്ന് മാത്രം. ബ്രഡ് ഉണ്ടാക്കാൻ മൈദയും യീസ്റ്റും പഞ്ചസാരയും മറ്റും ചേർത്ത് കുഴയ്ക്കുന്നതും മാവ് പാത്രങ്ങളിലാക്കി ബേക്ക് ചെയ്യുന്നതുമെല്ലാം വീഡിയോയിൽ കാണാം. എന്നാൽ ഇവയെല്ലാം വൃത്തിഹീനമായ സാഹചര്യങ്ങളിലാണെന്ന് മാത്രം. ബേക്ക് ചെയ്ത ബ്രഡ് നിലത്ത് വിരിച്ച പായയിൽ ആണ് വെച്ച് തണുപ്പിക്കുന്നത്. പായ ആളുകൾ ചവിട്ടി നടക്കുന്നത് കാണാം. പ്ലാന്റുകളിൽ ഇത്രയും മോശം സാഹചര്യത്തിലാണോ ഭക്ഷ്യോത്പന്നങ്ങൾ നിർമിക്കുന്നത്, വൃത്തിഹീനമായ ചുറ്റുപാടിൽ നിർമിച്ച ബ്രഡ് ആണോ ആളുകൾക്ക് കഴിക്കാൻ കൊടുക്കുന്നത് തുടങ്ങിയ കമന്റുകളാണ് വീഡിയോയ്ക്ക് കീഴിൽ. പോസ്റ്റ് ചെയ്ത് അധികം വൈകാതെ വീഡിയോ കണ്ടവരുടെ എണ്ണം റെക്കോർഡിലെത്തി. ഇതിന് മുമ്പ് മീൻ ഉണക്കുന്നതും…