Author: News Desk

ട്രെയിനുകൾ ഇന്ത്യയുടെ ഏറ്റവും പ്രധാന യാത്രാമാർഗമാണ്. വികാസ് ഭാരത് 2047 എന്ന ലക്ഷ്യത്തോടെ ഇന്ത്യൻ റെയിൽവേ ആധുനികവൽക്കരണത്തിന്റേയും പുരോഗതിയുടേയും പുതിയ യുഗത്തിലേക്കുള്ള പ്രവർത്തനങ്ങളിലാണ്. എന്നാൽ ഈ ഘട്ടത്തിലും റെയിൽവേയ്ക്ക് വമ്പൻ നഷ്ടമുണ്ടാക്കി വെയ്ക്കുന്ന ട്രെയിനുകളും രാജ്യത്തുണ്ട്. അക്കൂട്ടത്തിൽ പെടുന്നതാണ് തേജസ് എക്സ്പ്രസ്സുകൾ. ഇന്ത്യൻ റെയിൽവേയുടെ കണക്കനുസരിച്ച് കഴിഞ്ഞ മൂന്ന് വർഷത്തിനിടെ തേജസ് എക്സ്പ്രസ്സുകൾക്ക് 62.88 കോടി രൂപയുടെ നഷ്ടമാണ് ഉണ്ടായത്. ഡൽഹി-ലഖ്‌നൗ, അഹമ്മദാബാദ്-മുംബൈ തേജസ് എക്സ്പ്രസ്സുകളുടെ നഷ്ടക്കണക്കാണ് റെയിൽവേ പുറത്തുവിട്ടിരിക്കുന്നത്. 2019ൽ ഇന്ത്യൻ റെയിൽവേ ഈ ട്രെയിനുകൾ പ്രവർത്തിപ്പിക്കുന്നതിനുള്ള ഉത്തരവാദിത്വം ഐആർസിടിസിക്ക് കൈമാറിയെങ്കിലും യാത്രക്കാരുടെ അഭാവം മൂലം രണ്ട് ട്രെയിനുകളും കനത്ത നഷ്ടം നേരിടുകയാണ്. തേജസ് എക്‌സ്പ്രസ്സുകളിൽ പ്രതിദിനം 200 മുതൽ 250 വരെ സീറ്റുകൾ ഒഴിഞ്ഞുകിടക്കുന്നതായും ഇത് വരുമാനത്തെ സാരമായി ബാധിക്കുന്നുവെന്നും റെയിൽവേ കണക്കുകൾ വ്യക്തമാക്കുന്നു. സീന്യൂസ് റിപ്പോർട്ട് അനുസരിച്ച് യാത്രക്കാരുടെ എണ്ണം കുറവായതിനാൽ ഡൽഹി-ലഖ്‌നൗ തേജസ് എക്‌സ്പ്രസിൽ 27.52 കോടി രൂപയുടെ നഷ്ടം സംഭവിച്ചു. ഇതേ റൂട്ടിൽ തേജസ്സിനേക്കാളും…

മെറ്റാ മേധാവി സക്കർബർഗിനു പിന്നാലെ സ്മാർട്ട് ഫോണുകൾക്ക് ബദൽ സംവിധാനം പ്രഖ്യാപിച്ച് ഓപ്പൺ എഐ സിഇഒ സാം ആൾട്ട്മാൻ. കീബോർഡുകൾ, ടച്ച്‌സ്‌ക്രീനുകൾ തുടങ്ങിയ പരമ്പരാഗത ഇന്റർഫേസുകളെ മറികടക്കുന്ന കൃത്രിമബുദ്ധിയുമായി കൂടുതൽ സ്വാഭാവിക രീതിയിൽ സംവദിക്കാൻ അനുവദിക്കുന്ന എഐ പവർ ഉപകരണമാണ് മൊബൈൽ ഫോണുകൾക്കും സ്മാർട്ട് ഫോണുകൾക്കും പകരമായി വരിക എന്ന് സാം ആൾട്ട്മാൻ പറയുന്നു. ഓപ്പൺ എഐ ഇത്തരത്തിലുള്ള ഒരു ഡിവൈസിന്റെ നിർമാണപ്രവർത്തനങ്ങളിലേക്ക് കടക്കുകയാണ്. AI ഇടപെടലുകൾക്കായി പ്രത്യേകം നിർമിച്ച ഹാർഡ്‌വെയർ ആകും പുതിയ ഉപകരണത്തിന്റെ സവിശേഷത. ഈ ഡിവൈസിനായി ആപ്പിളിലെ പ്രശസ്തനായ മുൻ ചീഫ് ഡിസൈൻ ഓഫീസർ ജോണി ഐവുമായി സഹകരിക്കാനും സാം ആൾട്ട്മാന് പദ്ധതിയുണ്ട്. ഐഫോണിന് ശേഷമുള്ള സാങ്കേതിക ഉപകരണങ്ങളിലെ ഏറ്റവും വലിയ പരിണാമം എന്നാണ് സാം ആൾട്ട്മാൻ പദ്ധതിയെ വിശേഷിപ്പിച്ചത്. പ്രൊജക്റ്റ് യാഥാർത്ഥ്യമായാൽ നിലവിലുള്ള സ്മാർട്ട്‌ഫോണുകളിൽ നിന്നും കമ്പ്യൂട്ടറുകളിൽ നിന്നും മാറ്റം ഉണ്ടാകുമെന്നും AI മുമ്പത്തേക്കാൾ കൂടുതൽ ആക്‌സസ് ചെയ്യാവുന്നതാകുമെന്നും ആൾട്ട്മാൻ പറഞ്ഞു. ഇത് വെയറബിൾ ഡിവൈസ്…

കൊച്ചി മെട്രോയുടെ രണ്ടാം ഘട്ട വിപുലീകരണത്തിന്റെ ഭാഗമായി പേ പാർക്ക് സംവിധാനം ഒരുക്കാൻ പദ്ധതിയിട്ട് കൊച്ചി മെട്രോ റെയിൽ ലിമിറ്റഡ് (KMRL). ഇതിനായി 140 കോടി രൂപയാണ് ചിലവ് പ്രതീക്ഷിക്കുന്നത്. ഏഴ് സ്റ്റേഷനുകൾക്ക് സമീപത്ത് പേ പാർക്കിങ്ങിനായി സ്ഥലം ഏറ്റെടുക്കാനുള്ള ശ്രമങ്ങൾ സജീവമാണ്. ജവഹർലാൽ നെഹ്റു സ്റ്റേഡിയം മുതൽ കാക്കനാട് ഇൻഫോപാർക്ക് വരെയുള്ള രണ്ടാം ഘട്ട മെട്രോ പിങ്ക് ലൈൻ എന്ന പേരിലാണ് അറിയപ്പെടുന്നത്. രണ്ടാം ഘട്ട വിപുലീകരണത്തിന്റെ ദൈർഘ്യം 11.20 കിലോമീറ്ററാണ്. പേ-ആൻഡ്-പാർക്ക് പദ്ധതിക്ക് ഏകദേശം 140 കോടി രൂപ ആവശ്യമാണെന്ന് മെട്രോ ഏജൻസി മാനേജിംഗ് ഡയറക്ടർ ലോക്നാഥ് ബെഹ്റ പറഞ്ഞു. ഭൂമി ഏറ്റെടുക്കലിനായാണ് പ്രധാനമായും പണം ആവശ്യം വരിക. മെട്രോ പേ പാർക്ക് സംബന്ധിച്ച നിർദേശം സംസ്ഥാന സർക്കാരിന് സമർപ്പിച്ചിട്ടുണ്ട്. സർക്കാർ ഇക്കാര്യത്തിൽ ഗൗരവമായ പരിഗണന ഉറപ്പാക്കിയിട്ടുണ്ട്-അദ്ദേഹം പറഞ്ഞു. ചിലവ് കുറയ്ക്കുന്നതിനും സ്ഥലപരിമിതി പരിഹരിക്കുന്നതിനുമായി രണ്ടാം ഘട്ട മെട്രോ പദ്ധതിയിലെ ഒൻപത് സ്റ്റേഷനുകൾ ഒന്നാം ഘട്ടമായ ആലുവ-തൃപ്പൂണിത്തുറ പദ്ധതിയിൽ…

രാജ്യാന്തര തലത്തിൽ സംഘടിപ്പിക്കുന്ന കൊച്ചി ഹാക്കത്തോണിന് തുടക്കമായി. നെറ്റ് സ്ട്രാറ്റം (Netstratum) ടെക്നോളജീസിന്റെ നേതൃത്വത്തിലാണ് രണ്ട് ദിവസം നീളുന്ന ഹാക്കത്തോൺ നടത്തുന്നത്. 36 മണിക്കൂർ നീണ്ടു നിൽക്കുന്ന കോഡിങ് മത്സരത്തിൽ ഒന്നാം സ്ഥാനം നേടുന്നവർക്ക് ഒരു ലക്ഷം രൂപ സമ്മാനത്തുകയായി നൽകും. യുവതലമുറയ്ക്ക് സാങ്കേതിക വിദ്യയുടെ സാധ്യതകൾ പ്രയോജനപ്പെടുത്താൻ പ്രചോദനം നൽകുകയാണ് കൊച്ചി ഹാക്കത്തോണിലൂടെ ലക്ഷ്യമിടുന്നത്. വിദ്യർത്ഥികൾ, ഉദ്യോഗാർത്ഥികൾ, സാങ്കേതിക മേഖലയിൽ താത്പര്യമുള്ളവർ തുടങ്ങിയവരാണ് ഹാക്കത്തോണിന്റെ ഭാഗമാകുന്നത്. നെറ്റ് സ്ട്രാറ്റം  ടെക്നോളജീസിന്റെ  എഐ പ്ലാറ്റ്ഫോമായ ബ്ലൂ മെഷാണ് ഹാക്കത്തോണിന്റെ സ്പോൺസർ. മൂന്ന് ഘട്ടങ്ങളിലായുള്ള മത്സരത്തിൽ ഐഡിയേഷൻ, 36 മണിക്കൂർ നീണ്ടുനിൽക്കുന്ന കോഡിങ്, പ്രസന്റേഷൻ എന്നീ ഘട്ടങ്ങൾക്ക് ശേഷമാണ് വിജയികളെ തിരഞ്ഞെടുക്കുക. കൂടുതൽ വിവരങ്ങൾക്കായി www.kochihackathon.com എന്ന വെബ്സൈറ്റ് സന്ദർശിക്കുക. Kochi Hackathon 2024 kicks off with top tech minds competing for a ₹1 lakh grand prize. Stay tuned for live updates on AI innovations and…

മസ്കിന്റെ ഇന്ത്യൻ സ്വപ്നങ്ങൾക്ക് പ്രതീക്ഷയേകി മോഡിയുമായുള്ള കൂടിക്കാഴ്ച. അമേരിക്കൻ സന്ദർശനത്തിനിടെ കഴിഞ്ഞ ദിവസം പ്രധാനമന്ത്രി നരേന്ദ്ര മോഡി ടെസ്‌ല-സ്പേസ് എക്സ് മേധാവി ഇലോൺ മസ്കുമായി കൂടിക്കാഴ്ച നടത്തിയിരുന്നു. സ്റ്റാർലിങ്ക്, ഇന്ത്യയുമായുള്ള സാങ്കേതിക സഹകരണം, ഇലക്ട്രിക്ക് വാഹന വ്യവസായം, എഐ നിക്ഷേപ സാധ്യതകൾ തുടങ്ങിയ വിഷയങ്ങളാണ് ഇരുവരും ചർച്ച ചെയ്തത്. നവീകരണം, ബഹിരാകാശ പര്യവേക്ഷണം, കൃത്രിമബുദ്ധി, സുസ്ഥിര വികസനം എന്നിവയിൽ ഇന്ത്യൻ, യുഎസ് സ്ഥാപനങ്ങൾ തമ്മിലുള്ള സഹകരണം ശക്തിപ്പെടുത്തുന്നതിനെക്കുറിച്ചും മോഡിയും മസ്‌കും ചർച്ച ചെയ്തു. ഇന്ത്യയിൽ തന്റെ ബിസിനസ് സാമ്രാജ്യം വികസിപ്പിക്കാനുള്ള മസ്‌കിന്റെ അഭിലാഷങ്ങൾ കണക്കിലെടുക്കുമ്പോൾ ഈ ചർച്ചയ്ക്ക് ഏറെ പ്രാധാന്യമുണ്ട്. സ്റ്റാർലിങ്ക് സാറ്റലൈറ്റ് ഇന്റർനെറ്റ് സേവനം ഇന്ത്യൻ വിപണിയിൽ അവതരിപ്പിക്കുന്നതുമായി ബന്ധപ്പെട്ടുള്ളതാണ് പ്രധാന ചർച്ചാവിഷയം. ഇന്ത്യൻ ഗവൺമെന്റിന്റെ ഭാഗത്തു നിന്നും ആദ്യ ഘട്ടത്തിൽ മസ്കിന് അനുകൂലമായ നിലപാടല്ല ഉണ്ടായിരുന്നതെങ്കിലും പിന്നീട് സ്റ്റാർലിങ്ക് ഇന്ത്യയിലേക്ക് എത്തുന്നതിന്റെ കടമ്പകൾ ഏതാണ്ട് മറികടന്ന മട്ടാണ്. മോഡിയുമായുള്ള കൂടിക്കാഴ്ച സ്റ്റാർലിങ്കിന്റെ വരവിന്റെ ആക്കം കൂട്ടും എന്നുറപ്പാണ്. മസ്ക്…

വൻ വിപണിസാധ്യതയുള്ള മേഖലയാണ് കുങ്കുമപ്പൂവ് കൃഷിയും വ്യവസായവും. കിലോയ്ക്ക് ലക്ഷങ്ങൾ വില വരുന്നത് കൊണ്ടുതന്നെ ചുവന്ന സ്വർണം എന്നാണ് കുങ്കുമപ്പൂവ് അറിയപ്പെടുന്നത് തന്നെ. തണുപ്പ് കൂടുതലുള്ള കാലാവസ്ഥയിലേ കുങ്കുമപ്പൂവ് കൃഷി സാധ്യമാകുള്ളൂ. എന്നാലിപ്പോൾ കാലാവസ്ഥ പ്രതികൂലമെങ്കിലും വീട്ടിനുള്ളിലും ചുവന്ന സ്വർണം വിളയിക്കാം എന്ന് തെളിയിച്ചിരിക്കുകയാണ് മഹാരാഷ്ട്രയിലെ കർഷകൻ. മഹാരാഷ്ട്ര സ്വദേശിയായ ഹർഷ് പട്ടേൽ നന്ദുർബാറിലെ ചൂടുള്ള കാലാവസ്ഥയിലും എയ്റോപോണിക്സ് എന്ന കൃഷിരീതി ഉപയോഗിച്ചാണ് കുങ്കുമപ്പൂവ് കൃഷി ചെയ്യുന്നത്. മണ്ണ് ഇല്ലാത്ത കൃഷിരീതിയാണ് എയ്റോപോണിക്സ്. 15×15 ഫൂട്ടുള്ള മുറിയിൽ നിയന്ത്രിത താപനിലയും ഇൻസുലേറ്റഡ് ചുമരുകളും ഒരുക്കിയാണ് ഹർഷിന്റെ കുങ്കുമകൃഷി. മുറി ഇൻസുലേറ്റ് ചെയ്യാൻ തെർമോക്കോൾ ഉപയോഗിക്കാം. എന്നാൽ കശ്മീരിലേതിനു സമാനമായ അന്തരീക്ഷം മുറിയിൽ ഉണ്ടാക്കണമെങ്കിൽ കൃത്യമായ മെഷിനറികൾ, കോൾഡ് സ്റ്റോറേജ്, ഹുമിഡിഫയർ തുടങ്ങിയവ വേണം. മുളപൊട്ടുന്ന കാലത്ത് 15-20 ഡിഗ്രി സെൽഷ്യസ്, പൂവിടുന്ന കാലത്ത് 5-7 ഡിഗ്രി എന്ന തരത്തിൽ വേണം താപനില ക്രമീകരിക്കാൻ. പൂവുകളിൽ ഒരു ഘട്ടത്തിലും ഫങ്കസുകൾ പോലുള്ളവ വരുന്നില്ല…

ഹാസ്യതാരവും ടെലിവിഷൻ അവതാരകനുമാണ് കൃഷ്ണ അഭിഷേക്. കോമഡി സർക്കസ്, കോമഡി നൈറ്റ്സ് ബച്ചാവോ, ദി കപിൽ ശർമ ഷോ, ദി ഗ്രേറ്റ് ഇന്ത്യൻ കപിൽ ഷോ തുടങ്ങിയ പരിപാടികളിലൂടെയാണ് അദ്ദേഹം ശ്രദ്ധേയനായത്. അടുത്തിടെ ഒരു യൂട്യൂബ് ചാനലിനു നൽകിയ അഭിമുഖത്തിൽ ഫാഷൻ രംഗത്തോട്, പ്രത്യേകിച്ച് വില കൂടിയ വസ്ത്രങ്ങളും ഷൂസുകളും വാങ്ങുന്നതിനോടുള്ള അഭിനിവേശത്തെക്കുറിച്ച് കൃഷ്ണ സംസാരിച്ചിരുന്നു. താരത്തിന്റെ പക്കലുള്ള ഡിസൈനർ വസ്ത്രങ്ങളുടേയും വിലകൂടിയ ഷൂസുകളുടേയും വൻ ശേഖരം കണ്ട് കണ്ണുതള്ളിയിരിക്കുകയാണ് ആരാധകർ. ബോളിവുഡ് താരം ഗോവിന്ദയുടെ സഹോദരീപുത്രനാണ് കൃഷ്ണ. ചെറുപ്പത്തിൽ ഗോവിന്ദയുടെ വസ്ത്രങ്ങളായിരുന്നു താൻ അധികവും ഉപയോഗിച്ചിരുന്നത് എന്നും അദ്ദേഹത്തിൽ നിന്നും പ്രചോദനം ഉൾക്കൊണ്ടാണ് ആഢംബര ഫാഷൻ രംഗത്തോടുള്ള തന്റെ ഭ്രമം ആരംഭിച്ചതെന്നും കൃഷ്ണ പറയുന്നു. ലൈഫ് സ്റ്റൈൽ ഇന്ത്യയുടെ കണക്ക് പ്രകാരം 40 കോടി രൂപയോളമാണ് കൃഷ്ണയുടെ ആസ്തി. റിയൽ എസ്റ്റേറ്റ് രംഗത്തും കൃഷ്ണയ്ക്ക് വൻ നിക്ഷേപമുണ്ട്. മുംബൈയിൽ മാത്രം അദ്ദേഹത്തിന് ജുഹു, അന്ധേരി എന്നിവിടങ്ങളിലായി രണ്ട് ഫ്ലാറ്റുകളുണ്ട്. അലിബാഗിലെ…

ലോകത്തിലെ ഏറ്റവും വലിയ മനുഷ്യസംഗമം എന്നാണ് ഉത്തർപ്രദേശിലെ പ്രയാഗ് രാജിൽ നടക്കുന്ന മഹാകുംഭമേള അറിയപ്പെടുന്നത്. കോടിക്കണക്കിന് ഭക്തർ എത്തുന്ന കുംഭമേളയിൽ സ്റ്റാളുകളുമായി ലക്ഷക്കണക്കിന് ചെറുകിട കച്ചവടക്കാരുമുണ്ട്. അക്കൂട്ടത്തിൽ ഒരു ‘ചായ് വാലയാണ്’ ശുഭം പ്രജാപത്. ശുഭം വെറുമൊരു ചായ് വാലയല്ല. ഇത്തരം കച്ചവടക്കാർ എത്ര പണം സമ്പാദിക്കുന്നുണ്ടാകാം എന്ന കൗതുകത്തിൽ നിന്നാണ് വ്‌ളോഗർ ആയ ശുഭം ചായക്കച്ചവടത്തിനായി കുംഭമേളയ്ക്കെത്തിയത്. ഇപ്പോൾ ചായ വിറ്റ് ഒറ്റ ദിവസം കൊണ്ട് 5000 രൂപ ലാഭമുണ്ടാക്കാനായി എന്നാണ് ശുഭം പറയുന്നത്. മാഡ്കാപ് എലൈവ് എന്ന ഇൻസ്റ്റഗ്രാം പേജിലാണ് ശുഭം താൻ കുംഭമേളയിൽ ചായ വിൽപന നടത്തുന്ന വീഡിയോ പങ്കുവെച്ചിരിക്കുന്നത്. ചായയ്‌ക്കൊപ്പം കുടിവെള്ളവും വിൽപ്പനയ്ക്കായി ഒരുക്കിയിരുന്നു. മഹാകുംഭമേളയ്ക്കിടെ കണ്ടെയ്‌നറിൽ ചായയുമായി നടന്നായിരുന്നു ശുഭമിന്റെ ചായ വിൽപന. ഒരു കപ്പിന് 10 രൂപ എന്ന നിരക്കിലായിരുന്നു ചായ വിറ്റത്. ഒറ്റ ദിവസം 7000 രൂപയുടെ ചായയും വെള്ളവും വിൽപന നടത്തിയതായും ഇതിൽ 5000 രൂപ ലാഭം ലഭിച്ചെന്നും ശുംഭം…

രാജ്യത്തെ പ്രമുഖ സ്ട്രീമിങ് പ്ലാറ്റ്ഫോമുകളായ ജിയോ സിനിമയും ഡിസ്നി പ്ലസ് ഹോട്ട്സ്റ്റാറും ലയിച്ചുള്ള പുതിയ പ്ലാറ്റ്‌ഫോമായ ജിയോ ഹോട്ട്‌സ്റ്റാർ (JioHotstar) പ്രവർത്തനമാരംഭിച്ചു. റിലയൻസ് ഇൻഡസ്ട്രീസിന്റേയും വാൾട്ട് ഡിസ്നി കമ്പനിയുടേയും സംയുക്ത സംരംഭമായാണ് ജിയോ ഹോട്ട്‌സ്റ്റാർ എത്തിയിരിക്കുന്നത്. പുതിയ പ്ലാറ്റ്ഫോമിലൂടെ രണ്ട് ഒടിടി പ്ലാറ്റ്‌ഫോമുകളിലേയും കണ്ടൻറുകൾ ഉപയോക്താക്കൾക്കായി ലഭ്യമാക്കും. ജിയോ സിനിമയിലും ഡിസ്‌നി പ്ലസ് ഹോട്ട്‌സ്റ്റാറിലുമായി ഏകദേശം 50 കോടി ഉപയോക്താക്കളാണ് ഉള്ളത്. മൂന്ന് ലക്ഷം മണിക്കൂർ ഉള്ളടക്കമാണ് ജിയോ ഹോട്ട്‌സ്റ്റാറിൽ ഉണ്ടാകുക. സബ്‌സ്‌ക്രിപ്‌ഷൻ ഇല്ലാതെ തന്നെ ഉപയോക്താക്കൾക്ക് ഉള്ളടക്കം സൗജന്യമായി കാണാൻ ജിയോ ഹോട്ട്‌സ്റ്റാർ അവസരമൊരുക്കുന്നുണ്ട്. സിനിമകൾക്കും ഷോകൾക്കും തത്സമയ കായിക മത്സരങ്ങൾക്കും പുറമേ രാജ്യാന്തര സ്ട്രീമിങ് പ്ലാറ്റ്ഫോമുകളിൽ നിന്നുള്ള ഉള്ളടക്കങ്ങളും ഇത്തരത്തിൽ ഉപയോക്താക്കൾക്ക് കാണാനാകും. പണമടച്ച് സബ്സ്ക്രിപ്ഷ്ൻ എടുക്കുന്നവർക്ക് പരസ്യങ്ങൾ ഇല്ലാതെ ഉള്ളടക്കങ്ങൾ ആസ്വദിക്കാം. സബ്സ്ക്രൈബേർസിന് ഉയർന്ന റെസലൂഷനിൽ ഷോകൾ സ്ട്രീം ചെയ്യാനുമാകും. 149, 249, 349 രൂപ എന്നിങ്ങനെ നിരവധി സബ്‌സ്‌ക്രിപ്‌ഷൻ പ്ലാനുകൾ ഉപയോക്താക്കൾക്കായി ലഭ്യമാകുമെന്ന് കമ്പനി പ്രതിനിധി…

Fuselage Innovations Fuselage Innovations, is an agri-tech start-up company, with expertise in the development of technologies based on Unmanned Aerial Vehicles (UAV) IoT and AI. Fuselage Innovations addresses the issues with farmers regarding post-natural calamity issues and the need to increase the efficiency and sustainability of the farming business by deploying the most advanced solution for mapping and diagnostics of farmland through dedicated UAVs/drones. CONNECT Linkedin Facebook Instagram X-twitter Wordpress Founders Devan Chandrasekharan Founder Devika ChandrasekharanFounder Services OF Axnol Digital Solutions Axnol provides end-to-end services across a wide variety of technologies and business verticals. Our differentiators are our successful track…