നടി നീന ഗുപ്തയുടെയും വെസ്റ്റ് ഇൻഡീസ് ക്രിക്കറ്റ് ഇതിഹാസം സർ വിവ് റിച്ചാർഡ്സിന്റെയും മകളാണ് മസാബ. 2009-ലാണ് മസാബ ഗുപ്ത ഹൗസ് ഓഫ് മസാബ സ്ഥാപിച്ചത്. വ്യത്യസ്തവും വിചിത്രമായ പ്രിന്റുകൾക്ക് മസാബ ഫാഷൻ ശ്രദ്ധേയമാണ്. 2017ൽ ഫോർബ്‌സ് അണ്ടർ 30 ലിസ്റ്റിലും അവർ ഇടം നേടിയിരുന്നു. സൗന്ദര്യം, ഫാഷൻ ആഭരണങ്ങൾ, ആക്സസറികൾ, പുരുഷന്മാരുടെ വസ്ത്രങ്ങൾ, നീന്തൽ വസ്ത്രങ്ങൾ തുടങ്ങി നിരവധി സെഗ്‌മെന്റുകളിലേക്ക് ഹൗസ് ഓഫ് മസാബ കടന്നിട്ടുണ്ട്. ബ്യൂട്ടി ഇ-കൊമേഴ്‌സ് ഭീമനായ നൈകയുമായി സഹകരിച്ച് ബ്യൂട്ടി ഉൽപ്പന്നങ്ങളുടെ ഒരു നിരയും മസാബ ഗുപ്ത അവതരിപ്പിച്ചു. ലൈഫ്‌സ്‌റ്റൈൽ, അപ്പാരൽസ്, ബ്യൂട്ടി, ആക്‌സസറീസ് കമ്പനി കഴിഞ്ഞ മൂന്ന് വർഷത്തിനിടെ യഥാക്രമം 16 കോടി, 20 കോടി, 14 കോടി രൂപ വരുമാനം നേടി. എന്നിരുന്നാലും 2021 സാമ്പത്തിക വർഷത്തിലെ വരുമാനത്തെ COVID-19 ബാധിച്ചു. 2022 സാമ്പത്തിക വർഷത്തിലെ വരുമാനം 30 കോടി രൂപയിലെത്തുമെന്ന് ഹൗസ് ഓഫ് മസാബ പ്രതീക്ഷിക്കുന്നു.