കേരള സ്റ്റാർട്ടപ്പ് മിഷന്റെ ഏഞ്ചൽ ഇൻവെസ്റ്റേഴ്സ് മീറ്റായ സീഡിംഗ് കേരളയുടെ ഏഴാമത് എഡിഷൻ ഫെബ്രുവരി 2, 3 തീയതികളിൽ നടക്കും. ഏഞ്ചൽ നിക്ഷേപകരെയും HNI കളെയും പ്രമുഖ നിക്ഷേപകരെയും സ്റ്റാർട്ടപ്പുകളിൽ ഇൻവെസ്റ്റ് ചെയ്യാനായി ആകർഷിക്കുക എന്നതാണ് സീഡിംഗ് കേരളയുടെ ലക്ഷ്യം. സർക്കാർ പ്രതിനിധികൾ, ഇന്ത്യൻ സ്റ്റാർട്ടപ്പ് ഇക്കോസിസ്റ്റത്തിലെ പ്രമുഖ നിക്ഷേപകർ എന്നിവർ സീഡിംഗ് കേരളയിൽ പങ്കെടുക്കും.ഇന്ത്യയിലെ ഏറ്റവും വലിയ എയ്ഞ്ചൽ നിക്ഷേപക സമ്മിറ്റായ സീഡിംഗ് കേരളയിൽ തിരഞ്ഞെടുക്കപ്പെട്ട നൂറ്റമ്പതോളം പ്രതിനിധികളും, 100 എച്ച്എൻഐകൾ, 10 മുൻനിര ഫണ്ടുകളുടെ പ്രതിനിധികൾ, 14 ഏഞ്ചൽ നെറ്റ്‌വർക്കുകൾ, 30 കോർപ്പറേറ്റ് ഹൗസുകൾ, ഫാമിലി ഓഫീസുകൾ, തിരഞ്ഞെടുത്ത മുപ്പതോളം സ്റ്റാർട്ടപ്പ് ഫൗണ്ടേഴ്സ് എന്നിവരും പങ്കെടുക്കും.