രാജ്യം നിലവിൽ പ്രതിവർഷം ഏകദേശം 6 ദശലക്ഷം ടൺ ഹൈഡ്രജൻ ഉപയോഗിക്കുന്നുണ്ട്. നയത്തിന്റെ ആദ്യഭാഗം അനുസരിച്ച്, പുനരുപയോഗ ഊർജ്ജസ്രോതസുകളിൽ നിന്ന് ഹൈഡ്രജൻ ഉല്പാദിപ്പിക്കാം. വിൻഡ് എനർജി, സോളാർ എനർജി മുഖേന വൈദ്യുതി ഉൽപ്പാദിപ്പിക്കാനുള്ള ശേഷി സജ്ജീകരിക്കാൻ കമ്പനികൾക്ക് സ്വാതന്ത്ര്യമുണ്ട്. 2025-ന് മുമ്പ് സജ്ജീകരിക്കുന്ന ശേഷിയുടെ കാര്യത്തിൽ, ഏതെങ്കിലും കമ്പനി ഉത്പാദിപ്പിക്കുന്ന അധിക ഗ്രീൻ ഹൈഡ്രജന്റെ സംഭരണത്തിന് 30 ദിവസം വരെ സർക്കാർ അനുവദിക്കും. ഗ്രീൻ ഹൈഡ്രജൻ ഉല്പാദനം ത്വരിതപ്പെടുത്തുന്നതിന് ഇലക്‌ട്രോലൈസർ-നിർമ്മാണ ശേഷി ലക്ഷ്യമിട്ട് ഒരു പിഎൽഐ സ്കീം കൊണ്ടുവരാനും സർക്കാർ പദ്ധതിയിടുന്നു. പുനരുൽപ്പാദിപ്പിക്കാവുന്ന സ്രോതസ്സുകളിൽ നിന്ന് ഉത്പാദിപ്പിക്കുന്ന വൈദ്യുതി ഉപയോഗിച്ച് ഗ്രീൻ ഹൈഡ്രജൻ നിർമ്മിക്കാൻ ഇലക്ട്രോലൈസറുകൾ ഉപയോഗിക്കുന്നു. അതിന്15,000 കോടി മുതൽ 20,000 കോടി വരെ നിക്ഷേപം ആവശ്യമായി വന്നേക്കാം. ഹൈഡ്രജൻ ഊർജ്ജ സ്രോതസ്സായി ഉപയോഗിക്കുന്നതിനുള്ള ഒരു റോഡ് മാപ്പ് തയ്യാറാക്കുന്നതിനായി സർക്കാർ 2021 ലാണ് ദേശീയ ഹൈഡ്രജൻ മിഷന് തുടക്കമിട്ടത്