Alcodex Technologies, പരിസ്ഥിതിയെ മലിനീകരണത്തിൽ നിന്ന് രക്ഷിക്കാനൊരു സ്റ്റാർട്ടപ്പ്
കൊച്ചി ആസ്ഥാനമായി പ്രവർത്തിക്കുന്ന സ്റ്റാർട്ടപ്പ് കമ്പനി Alcodex technologies നെ പരിചയപ്പെടാം ചാനൽ അയാം ഡോട് കോമിന്റെ Anybody can startup എന്ന സെഗ്മെന്റിൽ.
Company : Alcodex technologies
Startup: Envitus
Solution: Realtime Environment Monitoring Solutions
Technology: Internet of Things (IoT)
Team : Arjun Varma – CEO
Sajil Peethambaran – CTO
Anees Alappatt- Chief Software Architect
Abdul Khadar – Director
Clients :LNT,ECC,TATA PROJECTS, BELL, CASE INETRNATIONAL,BAJAJ ELECTRICALS
കമ്പനിയുടെ പ്രധാനപ്പെട്ട ബ്രാൻഡുകളിലൊന്നാണ് Envitus. Envitus എന്നത് ഒരു റിയൽടൈം എൻവയോൺമെന്റ് മോണിറ്റിംഗ് സൊല്യൂഷൻ ആണ്. അതായത്, പ്രകൃതിയിലുണ്ടാകുന്ന പലവിധത്തിലുള്ള മലിനീകരണങ്ങളെ കണ്ടെത്തി, അവയുടെ തോത് കണക്കാക്കി, അവയ്ക്ക് പരിഹാരം മുന്നോട്ടുവെയ്ക്കുകയാണ് alcodex ചെയ്യുന്നത്.
Envitus എന്ന ഒരൊറ്റ ബ്രാൻഡിനുള്ളിൽ തന്നെ 4 വ്യത്യസ്ത verticals അഥവാ സെഗ്മെന്റുകൾ ഉണ്ട്. വായു, വെള്ളം, മണ്ണ്, ആവാസവ്യവസ്ഥ എന്നിങ്ങനെയാണവ. വായുവിനായുള്ള സെഗ്മെന്റിൽ ഇൻഡോർ, ഔട്ട്ഡോർ വേർട്ടിക്കൽസ് ഉൾക്കൊള്ളുന്നു. പുറത്തുള്ള വായുവിന്റെ മലിനീകരണത്തോത് അളക്കാനുള്ളതാണ് outdoor verticals. ബിൽഡിംഗ്സിലും മറ്റുമുള്ള വായുവിന്റെ മലിനീകരണത്തോത് അളക്കാനും അതുണ്ടാക്കുന്ന ആരോഗ്യപ്രശ്നങ്ങൾ എന്താണെന്ന് അറിയുന്നതിനുമുള്ള സംവിധാനമാണ് ഇൻഡോർ സൊല്യൂഷൻസ്. വെള്ളത്തിൽ എത്രത്തോളം മലിനീകരണത്തോതുണ്ടെന്ന് കണ്ടെത്താനുള്ള സംവിധാനമാണ് വാട്ടർ വേർട്ടിക്കലിൽ ഉള്ളത്.
മണ്ണിലെ വെള്ളത്തിന്റെ അളവ്, വളക്കൂറ് എന്നിവ എത്രത്തോളമുണ്ടെന്ന് അളക്കാനുള്ള സംവിധാനമാണ് സോയിൽ വേർട്ടിക്കൽ. മഴ, കാലാവസ്ഥ, ചൂട്, കാറ്റിന്റെ വേഗത,ദിശ എന്നിവ ഉൾക്കൊള്ളുന്ന സംവിധാനമാണ് ആവാസവ്യവസ്ഥ അഥവാ ഹാബിറ്റാറ്റ്.
2013ൽ തുടക്കമിട്ടെങ്കിലും 2016 ആയപ്പോഴാണ് കമ്പനിയ്ക്ക് മികച്ച മാർക്കറ്റ് ഓഫറുകൾ വന്നുതുടങ്ങിയത്.ഇന്ത്യയിലെ നാഗ്പൂർ സ്മാർട്ട്സിറ്റിയിലാണ് കമ്പനി ആദ്യമായി പ്രവർത്തനം ആരംഭിച്ചത്.ശേഷം ഗുജറാത്തിലെ ഭാവ്നഗർ, റായ്പൂർ, ഝാൻസി, പട്ന അങ്ങനെ ഒരുപാട് സ്മാർട്സിറ്റികളിൽ പ്രവർത്തിച്ചു. LNT,ECC,TATA PROJECTS, BELL, CASE INETRNATIONAL,BAJAJ ELECTRICALS ഇവരൊക്കെയാണ് സ്ഥാപനത്തിന്റെ പ്രധാന കസ്റ്റമേഴ്സ്
.ഒരു പ്ലഗ് ആന്റ് പ്ലേ മോഡിലാണ് ഈ പ്ലാറ്റ്ഫോം വികസിപ്പിച്ചിരിക്കുന്നത്. അതായത് വ്യത്യസ്ത രീതികളിൽ പ്രവർത്തിക്കുന്ന സെൻസറുകൾ, വിവിധ തരത്തിലുള്ള മാലിന്യങ്ങളെ അളക്കുന്ന സെൻസറുകൾ എന്നിവയെല്ലാം സംയോജിപ്പിച്ചുകൊണ്ടുള്ള പ്ലാറ്റ്ഫോമാണ് Alcodex technologies. അതിൽ വ്യത്യസ്തമായ ആശയവിനിമയ രീതികളുമുണ്ട്.
ലോറ, എൻബിഐഒടി,തുടങ്ങിയ ആശയവിനിമയ രീതികളെ പിന്തുണയ്ക്കുന്ന പ്ലാറ്റ്ഫോമായാണ് Alcodexനെ വികസിപ്പിച്ചിരിക്കുന്നത്. കഴിഞ്ഞ രണ്ടുവർഷങ്ങളായി ഇന്ത്യ കൂടാതെ, ഖത്തറിലേക്കും വിയറ്റ്നാമിലേക്കുമുള്ള കയറ്റുമതിയും കമ്പനി നടത്തുന്നുണ്ട്. ഭാവിയിൽ ഒരു ഗ്ലോബൽ കമ്പനിയായി മാറുന്നതിനായി കൂടുതൽ റീസെല്ലേഴ്സും ഡിസ്ട്രിബ്യൂട്ടേഴ്സുമായി സഹകരിക്കാൻ പദ്ധതിയുണ്ട്. ഒരു സ്മാർട്ട് സിറ്റിയുടെ ഏതൊരു പ്രത്യേക ആവശ്യത്തിനുമുള്ള പരിഹാരം കണ്ടെത്താൻ കഴിയുന്ന രീതിയിലാണ് പ്ലാറ്റ്ഫോം വികസിപ്പിച്ചിരിക്കുന്നത്. ഇതിനോടൊപ്പം തന്നെ ഒരു CLOUD PLATFORM കൂടി വികസിപ്പിച്ചിട്ടുണ്ട് Alcodex.
വിവിധ മേഖലകളിലെ സ്റ്റാർട്ടപ്പ് സംരംഭങ്ങളെ പരിചയപ്പെടുത്തുകയാണ് ചാനൽ അയാം ഡോട് കോമിന്റെ Anybody can startup എന്ന
സെഗ്മെന്റിലൂടെ. സ്റ്റാർട്ടപ്പിന്റെ വിശദാംശങ്ങൾ, സൊല്യൂഷൻ, ടെക്നോളജി, വളർച്ചയുടെ പാത എന്നിവ വിശദീകരിക്കാൻ സ്റ്റാർട്ടപ്പ് ഫോണ്ടേഴ്സിന് അവസരമൊരുക്കുകയാണ് ചാനൽ അയാം ഡോട് കോമിന്റെ Anybody can startup.
