ലോകത്തിലെ ഏറ്റവും വലിയ ഡിജിറ്റൽ വർക്കർ സർവീസസ് സെന്റർ കൊച്ചിയിൽ ആരംഭിക്കുന്നതിന് കേരള സോഫ്റ്റ്‌വെയർ കമ്പനിയായ ക്ലൗഡ് പാഡ്. മൂന്ന് വർഷത്തിനുള്ളിൽ 750 കോടി രൂപ നിക്ഷേപിക്കുന്നതിന് ക്ലൗഡ് പാഡ് പദ്ധതിയിടുന്നു. ബിസിനസ് പ്രക്രിയകൾ ഓട്ടോമേറ്റ് ചെയ്യുന്നതിനുള്ള ഡിജിറ്റൽ വർക്കർ സേവനങ്ങളുടെ വലിയ സാധ്യതകൾ പ്രയോജനപ്പെടുത്തും.
യുഎസ്, യുകെ, യൂറോപ്പ് എന്നിവിടങ്ങളിൽ നിന്നുള്ള 300-ലധികം എന്റർപ്രൈസ് ക്ലയന്റുകൾക്കായി ഡിജിറ്റൽ ട്രാൻസ്ഫോർമേഷൻ സേവനങ്ങളെ ഏകോപിപ്പിക്കും. 2025 ഓടെ 500 ഐടി പ്രൊഫഷണലുകൾക്കും ഒരു ലക്ഷം ഡിജിറ്റൽ വർക്കേഴ്സിനും ജോലി നൽകാനാണ് ലക്ഷ്യമിടുന്നതെന്ന് കമ്പനി വ്യക്തമാക്കി. തുടക്കത്തിൽ കേരളത്തിലെ ഡിജിറ്റൽ വർക്കേഴ്‌സ് സെന്ററിൽ 100 ജീവനക്കാരുണ്ടാകും. 2012-ൽ സ്ഥാപിതമായ ക്ലൗഡ്പാഡ്, ആഗോളതലത്തിൽ വിപുലീകരിക്കാനുളള ശ്രമത്തിൽ, ലണ്ടൻ, ആംസ്റ്റർഡാം, ന്യൂയോർക്ക് എന്നിവിടങ്ങളിൽ കേന്ദ്രങ്ങൾ തുറക്കും.
