IIT ബോംബെയുടെ ‘e-Yantra Innovation Challenge’ (e-YIC 2022-23) ആരംഭിച്ചു. വിജയികളായ ടീമുകൾ ഒരു കോടി രൂപ സമ്മാനത്തുകയിൽ നിന്ന് സീഡ് ഫണ്ടിംഗിന് അർഹരാകും. നഗരവാസികൾക്ക് മെച്ചപ്പെട്ടതും കൂടുതൽ സൗകര്യപ്രദവുമായ അടിസ്ഥാന സൗകര്യവികസനത്തിനുളള നൂതന പരിഹാരങ്ങളാണ് ചലഞ്ച് തേടുന്നത്. കാലാവസ്ഥാ വ്യതിയാനവും വികലാംഗർക്കുള്ള മെച്ചപ്പെട്ട സൗകര്യങ്ങളും ചലഞ്ച് കണക്കിലെടുക്കുന്നു. ഈ വർഷം രണ്ടു തീമുകളാണ് അവതരിപ്പിക്കുന്നത്.
കേന്ദ്ര വിദ്യാഭ്യാസ മന്ത്രാലയത്തിന്റെ ധനസഹായത്തോടെ, ഐഐടി ബോംബെയിലെ CSE ഡിപ്പാർട്ട്മെന്റ് നേതൃത്വം നൽകുന്ന ഇ-യന്ത്ര, സാങ്കേതികവിദ്യ ഉപയോഗിച്ച് പ്രശ്നങ്ങൾ പരിഹരിക്കുന്നതിന് യുവ എഞ്ചിനീയർമാരെ സഹായിക്കുന്ന ഒരു റോബോട്ടിക്സ് ഔട്ട്റീച്ച് പ്രോഗ്രാമാണ്. യഥാർത്ഥത്തിൽ ലോകം നേരിടുന്ന പ്രശ്നങ്ങൾ പരിഹരിക്കുന്നതിനും സ്റ്റാർട്ടപ്പുകൾ നിർമ്മിക്കുന്നതിനും വിദ്യാർത്ഥി ടീമുകളെ വാർത്തെടുക്കുകയാണ് ചലഞ്ച് ചെയ്യുന്നത്. ട്രെയിനിംഗ് പ്രോട്ടോടൈപ്പിംഗ്, ഇന്നവേഷൻ, ഇംപ്ലിമെന്റേഷൻ എന്നിങ്ങനെ ചലഞ്ചിന് നാല് ഘട്ടങ്ങളാണുളളത്. വ്യത്യസ്ത സ്ഥാപനങ്ങളിൽ നിന്നും ഡൊമെയ്‌നുകളിൽ നിന്നും മൾട്ടി-ഡിസിപ്ലിനറി ടീമുകൾ രൂപീകരിക്കാൻ ചലഞ്ച് വിദ്യാർത്ഥികളെ അനുവദിക്കുന്നു. ഇ-യന്ത്ര ഇന്നൊവേഷൻ ചലഞ്ചിൽ പങ്കെടുക്കുന്നവർക്ക് IIT ബോംബെ ഇൻകുബേറ്റർ SINE-ൽ നിന്നുള്ള ഇൻകുബേഷൻ പിന്തുണയോടെ സ്വന്തം സ്റ്റാർട്ടപ്പുകൾ ആരംഭിക്കുന്നതിനുള്ള ഒരു പ്ലാറ്റ്ഫോം നൽകുന്നു. Nex Robotics, Nibrus Technologies (Mine Surveying Drones), Drona Automation (Sewer Cleaning robots), Katomaran (Mobile robots) തുടങ്ങിയ സ്റ്റാർട്ടപ്പുകളെ SINE-പിന്തുണച്ചി്ടുണ്ട്. കൂടുതൽ വിവരങ്ങൾക്കും പങ്കെടുക്കുന്നതിനും https://eyic.e-yantra.org/ സന്ദർശിക്കുക.
IIT Bombay launched the e-Yantra Innovation Challenge (eYIC 2022-23) to seek solutions for inclusive urban infrastructure. e-Yantra project is funded by the Central Ministry of Education. Last date for registration is September 25.
