ഏറ്റെടുക്കലുകൾ തുടർന്ന് അദാനി

ഏറ്റെടുക്കലുകളുമായി ​ഗൗതം അദാനിയുടെ അദാനി ​ഗ്രൂപ്പ് മുന്നോട്ട് തന്നെ.

ഇന്ത്യൻ ഓയിൽടാങ്കിംഗിൽ 49.38% ഓഹരിയും അതിന്റെ അനുബന്ധ സ്ഥാപനങ്ങളിലൊന്നായ IOT ഉത്കലിൽ 10% അധിക ഓഹരിയും അദാനി പോർട്ട്സ് ആൻഡ് സ്പെഷ്യൽ ഇക്കണോമിക് സോൺ(APSEZ) സ്വന്തമാക്കി. ഇന്ത്യയിലെ ഏറ്റവും വലിയ ലിക്വിഡ് സ്റ്റോറേജ് സൗകര്യങ്ങളുടെ ഡെവലപ്പറും ഓപ്പറേറ്ററുമായ ഇന്ത്യൻ ഓയിൽടാങ്കിംഗ് ലിമിറ്റഡിന്റെ (IOTL) 49.38% ഇക്വിറ്റി ഓഹരി അദാനി ഗ്രൂപ്പ് 1,050 കോടി രൂപയ്ക്കാണ് സ്വന്തമാക്കിയത്. ഇതോടെ, APSEZ ഇന്ത്യയിലെ ഏറ്റവും വലിയ തേർഡ്പാർട്ടി ലിക്വിഡ് ടാങ്ക് സ്റ്റോറേജ് പ്ലെയറായി മാറിയിരിക്കുന്നു. രാജ്യത്തെ ഏറ്റവും വലിയ ട്രാൻസ്പോർട്ട് യൂട്ടിലിറ്റിയായി മാറാനുള്ള APSEZ ന്റെ പദ്ധതികൾക്ക് കരുത്തേകുന്നതാണ് ഈ ഏറ്റെടുക്കലെന്ന് APSEZ-ന്റെ സിഇഒയും ഡയറക്ടറുമായ കരൺ അദാനി പറഞ്ഞു. ഈ ഏറ്റെടുക്കലിലൂടെ, APSEZ-ന്റെ എണ്ണ സംഭരണശേഷി 200% ഉയർന്ന് 3.6 ദശലക്ഷം KL ആയതായി സ്റ്റോക്ക് എക്സ്ചേഞ്ച് ഫയലിം​ഗിൽ കമ്പനി പറയുന്നു.

പുതിയ പ്രോജക്ടുകൾ ചർച്ചയിൽ

ഇന്ത്യൻ ഓയിൽടാങ്കിംഗ് ലിമിറ്റഡിന്റെ ടാങ്ക് കപ്പാസിറ്റിയുടെ ഭൂരിഭാഗവും പ്രശസ്തമായ പൊതുമേഖലാ സ്ഥാപനങ്ങളും എണ്ണ കമ്പനികളുമാണ് കരാർ ചെയ്തിരിക്കുന്നത്. IOTL-ന്റെ ശേഷിയുടെ 80%, ‘ടേക്ക്-ഓർ-പേ’ കരാറിന് കീഴിലുള്ളതായതിനാൽ കമ്പനിയുടെ ഭാവിയിലെ സാമ്പത്തിക വളർച്ച സുനിശ്ചിതമാണെന്ന് അദാനി ​ഗ്രൂപ്പ് കണക്കാക്കുന്നു. പാരദീപ് തുറമുഖത്ത് 0.6 ദശലക്ഷം KL ക്രൂഡ് സ്റ്റോറേജ് ടാങ്കുകളുടെ നിർമ്മാണം, പ്രവർത്തനം, പരിപാലനം എന്നിവയ്ക്കായി നുമാലിഗഡ് റിഫൈനറി ലിമിറ്റഡുമായി (Numaligarh Refinery Ltd) അദാനി ​ഗ്രൂപ്പ് അടുത്തിടെ 25 വർഷത്തെ ബൂട്ട് കോൺട്രാക്ട് ഒപ്പിട്ടു. കൂടാതെ, നിലവിലുള്ള സൗകര്യങ്ങളിലും പുതിയ സ്ഥലങ്ങളിലും കമ്പനി മറ്റ് വിവിധ വലിയ പ്രോജക്‌റ്റുകളെ കുറിച്ചും ചർച്ചകൾ നടത്തുന്നുണ്ട്.

Adani Port acquired a 49.38 per cent equity stake in Indian Oiltanking Ltd (IOTL), which is a developer and operator of liquid storage facilities. The acquisition was for Rs 1,050 crore.