കോർപ്പറേറ്റ് നികുതി നിയമം പുറത്തിറക്കി യുഎഇ. 2023 ജൂൺ മുതൽ യുഎഇയിലെ ബിസിനസുകൾക്ക് കോർപ്പറേറ്റ് നികുതി ബാധകമാകും. കോർപ്പറേറ്റ് നികുതി ചുമത്തുന്നത് ലാഭത്തിനാണ്, അല്ലാതെ ബിസിനസിന്റെ മൊത്തം വിറ്റുവരവിൽ അല്ല എന്നത് ശ്രദ്ധിക്കേണ്ടതാണ്.
ബിസിനസ് സംരംഭങ്ങള്‍ക്കായി ഫെഡറൽ
3,75,000 ദിർഹത്തിന് മുകളിൽ ലാഭം നേടുന്ന കമ്പനികൾക്ക് ഒമ്പത് ശതമാനം നികുതി നിരക്ക് ബാധകമാകും. ചെറുകിട, ഇടത്തരം സംരംഭങ്ങളെയും സ്റ്റാർട്ടപ്പുകളെയും പിന്തുണയ്ക്കുന്നതിനും സമ്പദ്‌വ്യവസ്ഥയെ കൂടുതൽ മത്സരാധിഷ്ഠിതമാക്കുന്നതിനുമായിട്ടാണ് 375,000 ദിർഹത്തിന്റെ പരിധി ഉൾപ്പെടുത്തിയിരിക്കുന്നത്. സർക്കാരുകളുടെ വരുമാനം വൈവിധ്യവൽക്കരിക്കുന്നതിനാണ് മിക്കവാറും എല്ലാ രാജ്യങ്ങളിലും ബിസിനസുകൾക്ക് കോർപ്പറേറ്റ് നികുതി ചുമത്തുന്നത്.
നിയമം അനുസരിച്ച്, യുഎഇ കോർപ്പറേറ്റ് ടാക്സ് നിയമത്തിന്റെ എക്സിക്യൂട്ടീവ് റെഗുലേഷനിൽ വ്യക്തമാക്കിയിട്ടുള്ള എല്ലാ വ്യവസ്ഥകളും പാലിക്കുന്ന യുഎഇയിലെ ഫ്രീ സോൺ കമ്പനികളെ കോർപ്പറേറ്റ് നികുതിയിൽ നിന്ന് ഒഴിവാക്കും. പ്രകൃതി വിഭവ സംസ്‍കരണവുമായി ബന്ധപ്പെട്ട് പ്രവര്‍ത്തിക്കുന്ന സ്ഥാപനങ്ങള്‍ക്ക് കോര്‍പറേറ്റ് നികുതി ബാധകമല്ല, എന്നാല്‍ അത്തരം സ്ഥാപനങ്ങള്‍ക്ക് നിലവില്‍ ബാധകമായ പ്രാദേശിക നികുതികള്‍ തുടരും.
കോർപ്പറേറ്റ് നികുതി പ്രധാനമായും, വ്യക്തികളുടെ ശമ്പളത്തിനോ ജോലിയിൽ നിന്നുള്ള വരുമാനത്തിനോ ബാധകമല്ല. കൂടാതെ, ബാങ്ക് നിക്ഷേപങ്ങളിൽ നിന്നോ സേവിംഗ്സ് പ്രോഗ്രാമുകളിൽ നിന്നോ ലഭിക്കുന്ന വ്യക്തിഗത വരുമാനം, വ്യക്തികൾ അവരുടെ വ്യക്തിഗത ശേഷിയിൽ നടത്തുന്ന റിയൽ എസ്റ്റേറ്റിലെ നിക്ഷേപം എന്നിവയും നികുതിക്ക് വിധേയമല്ല. സർക്കാർ സ്ഥാപനങ്ങൾ, പെൻഷൻ ഫണ്ടുകൾ, നിക്ഷേപ ഫണ്ടുകൾ, പബ്ലിക് ബെനിഫിറ്റ് ഓർഗനൈസേഷനുകൾ തുടങ്ങിയ ഓർഗനൈസേഷനുകളെയും ഒഴിവാക്കി.
ആഗോള സാമ്പത്തിക രംഗത്ത് മത്സരക്ഷമത വര്‍ദ്ധിപ്പിക്കാന്‍ ലക്ഷ്യമിടുന്ന യുഎഇ, ഇതിന് പിന്തുണയേകാൻ സംയോജിത നികുതി ഘടന പടുത്തുയര്‍ത്തുന്നതിനുളള ആദ്യ നടപടിയാണ് ഇപ്പോള്‍ പ്രഖ്യാപിച്ചിരിക്കുന്ന കോര്‍പറേറ്റ് നികുതിയെന്ന് യുഎഇ ധനകാര്യ മന്ത്രാലയം വ്യക്തമാക്കി.
UAE issued its federal corporate tax law. It will charge a headline 9 per cent rate on taxable income surpassing Dh 375,000. Salaries or other personal income from employment are exempted from this. This is applicable to the Government, Semi-Government, and Private Sectors
