പൗഡർ ഉപയോഗിച്ചു ക്യാൻസർ വന്നുവെന്ന പരാതികളിൽ ഒത്തുതീർപ്പ് നീക്കവുമായി ജോൺസൺ ആൻഡ് ജോൺസൺ.
യുഎസ് ഫാർമസ്യൂട്ടിക്കൽ ഭീമനായ ജോൺസൺ ആൻഡ് ജോൺസൺ കാൻസർ ക്ലെയിമുകൾക്ക് ഏകദേശം 9 ബില്യൺ ഡോളർ ഒത്തുതീർപ്പ് തുകയാണ് മുന്നോട്ട് വച്ചത്. ജോൺസൺ ആൻഡ് ജോൺസൺ കമ്പനിയുടെ ടാൽക്കം പൗഡറിൽ ക്യാൻസറിന് കാരണമാകുന്ന ആസ്ബറ്റോസിന്റെ സാന്നിധ്യം കണ്ടെത്തിയിരുന്നു.
ബേബി പൗഡറും മറ്റ് ടാൽക്ക് അധിഷ്ഠിത ഉൽപ്പന്നങ്ങളും അണ്ഡാശയ, ത്വക്ക് ക്യാൻസറിന് കാരണമാകുന്നുവെന്ന് ആരോപിച്ച് വടക്കേ അമേരിക്കയിലടക്കം 40,000 കേസുകളാണ് കമ്പനിക്കെതിരെ വന്നത്. വർഷങ്ങൾ നീണ്ട നിയമപോരാട്ടം ഒത്തുതീർപ്പാക്കുന്നതിനാണ് 8.9 ബില്യൺ ഡോളറിന്റെ സെറ്റിൽമെന്റ് കമ്പനി നിർദ്ദേശിച്ചത്. J&J ഉപസ്ഥാപനമായ LTL മാനേജ്മെന്റിന് കൈമാറുന്ന $8.9 ബില്യൺ അടുത്ത 25 വർഷത്തിനുള്ളിൽ നൽകപ്പെടും. വ്യവഹാരങ്ങൾ ഫയൽ ചെയ്ത 60,000-ലധികം കക്ഷികൾ ഒത്തുതീർപ്പിന് അനുകൂലമാണെന്ന് കമ്പനി പറയുന്നു.
22 സ്ത്രീകൾക്ക് 2 ബില്യൺ ഡോളറിലധികം നഷ്ടപരിഹാരം വിധിച്ചത് മാറ്റി നിർത്തിയാൽ കമ്പനിയ്‌ക്കെതിരായ ടാൽക്ക് വ്യവഹാരങ്ങളിൽ ഭൂരിഭാഗവും J&J വിജയിച്ചിരുന്നു.
ക്ലെയിമുകൾ ശാസ്ത്രീയമായി തെളിയിക്കപ്പെട്ടവയല്ലെന്ന് കമ്പനി ഇപ്പോഴും വിശ്വസിക്കുന്നുണ്ടെന്ന് ജോൺസൺ ആൻഡ് ജോൺസണിന്റെ ലോകമെമ്പാടുമുള്ള വ്യവഹാരങ്ങൾ നിയന്ത്രിക്കുന്ന വൈസ് പ്രസിഡന്റ് എറിക് ഹാസ് പറഞ്ഞു.
J&J ബേബി പൗഡറിന്റെ വിൽപ്പന ലോകവ്യാപകമായി കുറയാൻ ഈ പരാതികൾ കാരണമായിരുന്നു. ഇത് 2020-ൽ യുഎസിലും കാനഡയിലും ടാൽക്ക് അധിഷ്ഠിത ഉൽപ്പന്നങ്ങൾ വിൽക്കുന്നത് നിർത്താൻ കമ്പനിയെ പ്രേരിപ്പിച്ചു. കഴിഞ്ഞ വർഷം, ലോകമെമ്പാടുമുള്ള ഉൽപ്പന്ന വിൽപ്പന അവസാനിപ്പിക്കാൻ J&J പദ്ധതിയിട്ടിരുന്നു. പിന്നീട് തങ്ങളുടെ എല്ലാ ബേബി പൗഡർ ഉൽപ്പന്നങ്ങളിലും ടാൽക്കം പൗഡറിന് പകരം കോൺസ്റ്റാർച്ചിലേക്ക് മാറാനുള്ള “വാണിജ്യപരമായ തീരുമാനം” എടുക്കുന്നതായി കമ്പനി ഉടൻ പ്രഖ്യാപിച്ചു.
കോടതി അംഗീകരിച്ചാൽ, 8.9 ബില്യൺ ഡോളറിന്റെ പേഔട്ട് യുഎസിലെ എക്കാലത്തെയും വലിയ പബ്ലിക് ലയബിലിറ്റി സെറ്റിൽമെന്റുകളിൽ ഒന്നായിരിക്കും.
2019-ൽ മഹാരാഷ്ട്ര ഫുഡ് ആൻഡ് ഡ്രഗ് അഡ്മിനിസ്‌ട്രേഷൻ ജോൺസൺ ആൻഡ് ജോൺസന്റെ Mulund പ്ലാന്റിൽ നിന്ന് സാമ്പിളുകൾ എടുത്തതിന് ശേഷം “നിലവാരമുള്ളതല്ല” എന്ന് കണ്ടെത്തി ബേബി പൗഡർ നിർമ്മാണ ലൈസൻസ് റദ്ദാക്കിയിരുന്നു. എന്നാൽ, ഈ വർഷം ആദ്യം ബോംബെ ഹൈക്കോടതി ആ ഉത്തരവ് റദ്ദാക്കുകയായിരുന്നു.
Johnson & Johnson, a major US pharmaceutical company, put out a $8.9 billion settlement offer on Tuesday to end long-running litigation alleging that the company’s talcum powder products contributed to cancer. The proposed settlement, which still needs court approval, “would equitably and effectively address all claims stemming from cosmetic talc litigation,” according to the New Jersey-based corporation.
