ആദായനികുതി ഇതുവരെ അടക്കാൻ സമയം കിട്ടിയില്ലേ, ആദായനികുതി അഡ്വാൻസ് അടക്കണ്ടേ, കൈയിൽ ഫോൺ പേ ഉണ്ടോ. എങ്കിൽ പിന്നെ കാര്യങ്ങൾ എളുപ്പമായി. PhonePe ആപ്പ് ക്ലിക്ക് ചെയ്യുക ആദായനികുതി ഓപ്ഷൻ തിരഞ്ഞെടുക്കുക, നിങ്ങളുടെ നികുതി വിവരങ്ങൾ എന്റർ ചെയ്യുക, ഇനി UPI അല്ലെങ്കിൽ ഡെബിറ്റ് / ക്രെഡിറ്റ്കാർഡുപയോഗിച്ചു നികുതി പേയ്മെന്റ് നടത്തുക. അത്രമാത്രം. നികുതിയടക്കാൻ നികുതി പോർട്ടലിലേക്ക് ലോഗിൻ ചെയ്യേണ്ടതിന്റെ ആവശ്യകത ഇത് ഒഴിവാക്കുന്നു. “Income Tax Payment” പ്രക്രിയ ഉപയോക്താക്കൾക്ക് കൂടുതൽ എളുപ്പമാക്കുന്നു .
PhonePe ആപ്പിൽ പണം കൈമാറുക മാത്രമല്ല ഇനി ആദായനികുതി അടക്കാനും Self assessment and Advance tax- സംവിധാനമായിക്കഴിഞ്ഞു. നികുതി സമർപ്പിക്കാനുള്ള ഏറ്റവും എളുപ്പമായ മാർഗമാണ് ഇതെന്ന് ഫോൺപേ വ്യക്തമാക്കുന്നു. ഉപയോക്താക്കളെ നികുതിയടക്കാൻ അനുവദിക്കുന്നതിന് ഡിജിറ്റൽ പേയ്മെന്റ് പ്ലാറ്റ്‌ഫോമായ PhonePe, PayMate-മായി സഹകരിച്ചു പ്രവർത്തിക്കും. “Income Tax Payment” എന്ന ഈ പുതിയ ഫീച്ചർ, വ്യക്തികൾക്കും ബിസിനസുകൾക്കും നികുതിദായകർക്കും സ്വയം വിലയിരുത്തലും മുൻകൂർ നികുതിയും PhonePe ആപ്പിൽ നിന്ന് നേരിട്ട് അടയ്ക്കാൻ അനുവദിക്കുന്നു.
ഫോൺപേ ഉപയോഗിച്ച് എങ്ങനെ നികുതി അടയ്ക്കാം
1 നിങ്ങളുടെ android അല്ലെങ്കിൽ iOS-ൽ PhonePe ആപ്പ് തുറക്കുക.
2 സാമ്പത്തിക സേവനങ്ങളും നികുതികളും എന്നതിലേക്ക് പോകുക
3 ആദായ നികുതി-Incometax icon- തിരഞ്ഞെടുക്കുക
4 പാൻ വിശദാംശങ്ങളും നികുതി വിശദാംശങ്ങളും പോലുള്ള പ്രധാനപ്പെട്ട എല്ലാ രേഖകളും തയ്യാറാക്കുക.
5 നികുതി പേയ്മെന്റ് തരം, അസസ്മെന്റ് വർഷം, മറ്റ് പ്രധാന വിശദാംശങ്ങൾ എന്നിവ തിരഞ്ഞെടുക്കുക.
6 നികുതിയുടെ തുക നൽകുക, നികുതികൾ 2 ദിവസത്തിനുള്ളിൽ വകുപ്പിലേക്കെത്തും.
7 നികുതി അടച്ചതിന് ശേഷം ഒരു പ്രവൃത്തി ദിവസത്തിനുള്ളിൽ നികുതിദായകർക്ക് ഒരു അക്‌നോളജ്‌മെന്റായി ഒരു യുണീക്ക് ട്രാൻസാക്ഷൻ റഫറൻസ് (UTR) നമ്പർ ലഭിക്കും. പേയ്‌മെന്റിനുള്ള ചലാൻ രണ്ട് പ്രവൃത്തി ദിവസങ്ങൾക്കുള്ളിൽ ലഭ്യമാക്കും.
ക്രെഡിറ്റ് കാർഡ് അല്ലെങ്കിൽ യുപിഐ ഉപയോഗിച്ച് നികുതി അടക്കാം
ഉപയോക്താക്കൾക്ക് അവരുടെ ക്രെഡിറ്റ് കാർഡ് അല്ലെങ്കിൽ UPI ഉപയോഗിച്ച് സൗകര്യപ്രദമായി നികുതി അടയ്ക്കാൻ കഴിയും. 45 ദിവസത്തെ പലിശ രഹിത കാലയളവും നികുതി പേയ്‌മെന്റുകളിൽ റിവാർഡ് പോയിന്റുകൾ നേടാനുള്ള സാധ്യതയും കാരണം, ഈ ഫംഗ്‌ഷന് ക്രെഡിറ്റ് കാർഡ് പേയ്‌മെന്റുകളിൽ അധിക നേട്ടങ്ങളുണ്ട്. അത് പക്ഷെ ക്രെഡിറ്റ് കാർഡ് സേവന ദാതാക്കളുടെ ആനുകൂല്യങ്ങൾ എത്ര എന്നതിനെ ആശ്രയിച്ചിരിക്കും.
ആദായനികുതി റിട്ടേൺ സമർപ്പിക്കാം പഴയ പോലെ
ഈ പുതിയ PhonePe ഫീച്ചർ ഉപയോഗിച്ച്, നികുതിദായകർക്ക് അവരുടെ നികുതി മാത്രമേ അടക്കാൻ കഴിയൂ എന്നത് ശ്രദ്ധിക്കേണ്ടതാണ്; അവ ഫയൽ ചെയ്യാൻ കഴിയില്ല. ഒരു ഐടിആർ ഫയൽ ചെയ്യുന്നതിന് ഉപയോക്താക്കൾ ഇപ്പോഴും നിലവിലെ രീതി പാലിക്കണം,
ഐടിആർ 2022-23
മൂല്യനിർണ്ണയ വർഷമായ 2022 23-ലെ ആദായനികുതി റിട്ടേണുകൾ (ഐടിആർ) ഫയൽ ചെയ്യുന്നതിനുള്ള അവസാന തീയതി അതിവേഗം അടുക്കുകയാണ്, നിരവധി നികുതിദായകർ ഇപ്പോഴും സമയപരിധി പാലിക്കാൻ നെട്ടോട്ടമോടുകയാണ്. എന്നിരുന്നാലും, ഇതിനകം ഐടിആർ ഫയൽ ചെയ്ത അർഹരായവർക്ക് റീഫണ്ട് അയയ്ക്കുന്നതിനുള്ള നടപടികൾ ആദായനികുതി വകുപ്പ് ആരംഭിച്ചിട്ടുണ്ട്.
സമയപരിധിക്കുള്ളിൽ ഐടിആർ ഫയൽ ചെയ്യുന്നതിൽ പരാജയപ്പെട്ടാൽ പിഴ
ഒരു നികുതിദായകൻ അവരുടെ ഐടിആർ ജൂലൈ 31 ഞായറാഴ്ചയോ അതിന് മുമ്പോ സമർപ്പിച്ചിട്ടുണ്ടെന്ന് ഉറപ്പുവരുത്തണം, കാരണം ഫയൽ ചെയ്യുന്ന തീയതി നീട്ടില്ലെന്ന് സർക്കാർ വ്യക്തമാക്കിയിട്ടുണ്ട്. സമയപരിധി കഴിഞ്ഞതിന് ശേഷം സമർപ്പിക്കുന്നവയാണ് വൈകിയ ഐടിആറുകൾ. അവക്ക് നിശ്ചിത പിഴ നൽകേണ്ടി വരും.
