നിങ്ങൾ ഷോപ്പിൽ പോയി 200 രൂപയ്ക്കു മേൽ പർച്ചെയ്‌സ് നടത്തിയോ. എന്നിട്ട് ആ ബിൽ ചോദിച്ചു വാങ്ങിയോ? ഇല്ലെങ്കിൽ വാങ്ങണം.
എന്നിട്ട് ‘മേരാ ബിൽ മേരാ അധികാർ ‘ എന്ന മൊബൈൽ ആപ്ലിക്കേഷനിലൂടെയോ ‘web.merabill.gst.gov.in‘ എന്ന വെബ് പോർട്ടൽ വഴിയോ ഇൻവോയ്‌സുകൾ അപ്‌ലോഡ് ചെയ്തേക്കൂ. ഭാഗ്യം നിങ്ങളെ തേടിയെത്തുന്നത് ഒരു കോടി രൂപ ബമ്പർ സമ്മാനത്തിന്റെ രൂപത്തിലാണെങ്കിലോ.
തീർന്നില്ല നിങ്ങൾക്കായി 10 ലക്ഷം രൂപ വരെയുള്ള മറ്റു സമ്മാനങ്ങളും കാത്തിരിക്കുന്നുണ്ട്. മറക്കണ്ട. നിങ്ങളുടെ ബിൽ വ്യക്തമായ വിവരങ്ങൾ സഹിതം വളരെ സിമ്പിളായി അപ്‌ലോഡ് ചെയ്യുക സമ്മാനങ്ങൾ നേടുക. ഒപ്പം ബിൽ വാങ്ങുന്നത് നിങ്ങളുടെ അവകാശമാണെന്നും ഓർക്കുക.
എല്ലാ പർച്ചെയ്‌സുകൾക്കും ബില്ലുകൾ ചോദിക്കുന്ന ഉപഭോക്താക്കളുടെ സംസ്കാരം പ്രോത്സാഹിപ്പിക്കുന്നതിനായി കേന്ദ്ര സർക്കാർ ആരംഭിക്കുന്നു ‘മേരാ ബിൽ മേരാ അധികാർ’ – ‘Mera Bill Mera Adhikaar’- . പദ്ധതി പ്രകാരം bill ഉറപ്പായിട്ടും വാങ്ങുന്ന ഉപഭോക്താക്കൾക്ക് ഓരോ പാദത്തിലും ഒരു കോടി രൂപ വീതം രണ്ട് ബമ്പർ സമ്മാനങ്ങൾ നൽകുമെന്നും കേന്ദ്ര സർക്കാർ വ്യാഴാഴ്ച അറിയിച്ചു. സെപ്റ്റംബർ ഒന്നു മുതൽ 12 മാസത്തേക്ക് പരീക്ഷണാടിസ്ഥാനത്തിൽ സംരംഭത്തിന് തുടക്കമാകും.
25 ഇൻവോയ്‌സുകൾ വരെ
ഒരു വ്യക്തിക്ക് ഒരു മാസത്തിൽ പരമാവധി 25 ഇൻവോയ്‌സുകൾ അപ്‌ലോഡ് ചെയ്യാൻ കഴിയും. ഐഒഎസിലും ആൻഡ്രോയിഡിലും ലഭ്യമായ ‘മേരാ ബിൽ മേരാ അധികാര്’ എന്ന മൊബൈൽ ആപ്ലിക്കേഷനിലും ‘web.merabill.gst.gov.in‘ എന്ന വെബ് പോർട്ടലിലും ഇൻവോയ്‌സുകൾ അപ്‌ലോഡ് ചെയ്യാം.
GST ബില്ലുകൾ യോഗ്യം
ഉപഭോക്താക്കൾക്ക് GST രജിസ്റ്റർ ചെയ്ത വിതരണക്കാർ നൽകുന്ന എല്ലാ B2C ഇൻവോയ്സുകളും നറുക്കെടുപ്പിന് യോഗ്യമായിരിക്കും. ഭാഗ്യ നറുക്കെടുപ്പിന് പരിഗണിക്കേണ്ട ഇൻവോയ്സുകളുടെ ഏറ്റവും കുറഞ്ഞ മൂല്യം 200 രൂപയായി നിലനിർത്തിയിട്ടുണ്ട്.
ഇൻവോയ്സ് അപ്‌ലോഡ് ചെയ്യുന്ന സമയത്ത്, പങ്കെടുക്കുന്നവർ വിതരണക്കാരന്റെ GSTIN, ഇൻവോയ്സ് നമ്പർ, ഇൻവോയ്സ് തീയതി, ഇൻവോയ്സ് മൂല്യം, ഉപഭോക്താവിന്റെ സംസ്ഥാനം/UT എന്നിവ നൽകേണ്ടതുണ്ട്.
കൂടുതൽ സമ്മാനങ്ങൾ കൈനിറയെ
എല്ലാ മാസവും ചരക്ക് സേവന നികുതി (GST) ഇൻവോയ്സുകളുടെ 800 ഭാഗ്യ നറുക്കെടുപ്പുകളും 10,000 രൂപ വീതം സമ്മാനത്തുകയും 10 ലക്ഷം രൂപ വീതം സമ്മാനത്തുകയുള്ള 10 നറുക്കെടുപ്പുകളും ഉണ്ടാകുമെന്ന് ധനമന്ത്രാലയം അറിയിച്ചു.
ബമ്പർ സമ്മാനത്തിനായി, കഴിഞ്ഞ മൂന്ന് മാസത്തിനുള്ളിൽ അപ്‌ലോഡ് ചെയ്ത എല്ലാ ഇൻവോയ്‌സുകൾക്കും (ബമ്പർ നറുക്കെടുപ്പിന്റെ മാസം 5 വരെ) ത്രൈമാസ നറുക്കെടുപ്പ് നടത്തും.
എല്ലാ വാങ്ങലുകൾക്കും ഇൻവോയ്‌സുകൾ/ബില്ലുകൾ ആവശ്യപ്പെടുന്ന ഉപഭോക്താക്കളുടെ സംസ്കാരം പ്രോത്സാഹിപ്പിക്കാനാണ് ഈ സംരംഭം.
അസം, ഗുജറാത്ത്, ഹരിയാന എന്നിവിടങ്ങളിലും കേന്ദ്രഭരണ പ്രദേശങ്ങളായ പുതുച്ചേരി, ദാദ്ര & നഗർ ഹവേലി, ദാമൻ & ദിയു എന്നിവിടങ്ങളിലും ഇത് ഉടനെ ആരംഭിക്കും.
അടുത്ത മാസം 5 വരെ അപ്‌ലോഡ് ചെയ്ത മുൻ മാസത്തിൽ ഇഷ്യൂ ചെയ്ത എല്ലാ B2C ഇൻവോയ്സുകളും പ്രതിമാസ നറുക്കെടുപ്പിന് യോഗ്യമായിരിക്കും.
എല്ലാം സുതാര്യം
വിജയികളോട് പാൻ നമ്പർ, ആധാർ കാർഡ്, ബാങ്ക് അക്കൗണ്ട് വിശദാംശങ്ങൾ, ആപ്പ്/വെബ് പോർട്ടൽ വഴി, അവരെ അറിയിച്ച തീയതി മുതൽ 30 ദിവസത്തിനകം നൽകാൻ അഭ്യർത്ഥിക്കും, അങ്ങനെ വിജയിച്ച തുക കൈമാറ്റം ചെയ്യാനാകും.
The Indian government has announced the launch of the ‘Mera Bill Mera Adhikaar’ initiative, which aims to encourage customers to ask for bills for all their purchases. The initiative is designed to promote transparency, accountability, and compliance in financial transactions. Here are the key details of the initiative
