ഇന്ത്യൻ കാര്‍ വിപണിയില്‍ ഒരു വര്‍ഷം പൂര്‍ത്തിയാക്കിയ മാരുതി സുസുക്കി ഗ്രാൻഡ് വിറ്റാര ഒരു വര്‍ഷത്തിനുള്ളില്‍ മിഡ്-എസ്‌.യു.വി സെഗ്‌മെന്റില്‍ ഏറ്റവും വേഗത്തില്‍ ഒരുലക്ഷം വില്പന എന്ന നാഴികക്കല്ല് സ്വന്തമാക്കി.
2022 സെപ്റ്റംബറിലാണ് പുറത്തിക്കിയ ഗ്രാൻഡ് വിറ്റാര ഇന്ത്യൻ വിപണിയിൽ തരംഗമാകുകയാണ്. ഇതുവരെ 1.20 ലക്ഷം യൂണിറ്റ് ഗ്രാൻഡ് വിറ്റാര വിറ്റഴിച്ചു. ഇടത്തരം എസ്‌.യു.വികളില്‍ ഏറ്റവും വേഗത്തില്‍ ഒരു ലക്ഷം വില്പന നടത്തിയെന്ന മോഡലെന്ന പേരും സ്വന്തമാക്കി.
നിലവില്‍ അതിന്റെ സെഗ്‌മെന്റില്‍ ഏറ്റവുമധികം വില്‍ക്കപ്പെടുന്ന രണ്ടാമത്തെ എസ്‌.യു.വിയാണിത്. ഹ്യുണ്ടായ് ക്രെറ്റ മാത്രമാണ് ഗ്രാൻഡ് വിറ്റാരെയുടെ തൊട്ടുമുന്നിലുള്ളത്.
കിയാ സെൽട്ടോസ് ആയിരുന്നു ഗ്രാൻഡ് വിറ്റാരയുടെ മുഖ്യ എതിരാളി. അതിനെയും പിന്തള്ളിയ ഗ്രാൻഡ് വിറ്റാരക്ക് ഇടത്തരം എസ്‌യുവി സെഗ്‌മെന്റിൽ ഫോക്‌സ്‌വാഗൺ ടൈഗൺ, സ്‌കോഡ കുഷാക്ക് എന്നിവയെ മാർജിനിൽ മറികടക്കാനും കഴിഞ്ഞു. പുതിയ ഗ്രാൻഡ് വിറ്റാര എസ്‌.യു.വി ടൊയോട്ടയുടെ ബിഡാദി നിര്‍മാണ പ്ലാന്റിലാണ് നിര്‍മ്മിക്കുന്നത്.
വിപണിയിൽ പിടിച്ചു കയറിയ വിറ്റാരക്ക് ഒന്നിലധികം എഞ്ചിൻ-ഗിയര്‍ബോക്‌സ് കോമ്പിനേഷൻ, ഫ്രണ്ട്-വീല്‍, ഓള്‍-വീല്‍-ഡ്രൈവ് , 6.6km/kg ഇന്ധനക്ഷമത വാഗ്ദാനം ചെയ്യുന്ന സി.എൻ.ജി ഓപ്ഷൻ എന്നിവയും സവിശേഷതയാണ്. സുസുക്കിയുടെ ഗ്ലോബല്‍ സി പ്ലാറ്റ്‌ഫോമിനെ അടിസ്ഥാനമാക്കിയുള്ളതാണ് മാരുതി ഗ്രാൻഡ് വിറ്റാര.
ശക്തമായ ഹൈബ്രിഡ് പവർട്രെയിനിൽ 1.5 ലിറ്റർ 4-സിലിണ്ടർ പെട്രോൾ എഞ്ചിനും (91 Bhp-122 Nm) 78 Bhp-141 Nm ഉത്പാദിപ്പിക്കുന്ന ഒരു ഇലക്ട്രിക് മോട്ടോറും അടങ്ങിയിരിക്കുന്നു.
1.5 ലിറ്റര്‍, 4-സിലിണ്ടര്‍ K15C സ്മാര്‍ട്ട് ഹൈബ്രിഡ് പെട്രോളും 1.5 ലിറ്റര്‍, 3-സിലിണ്ടര്‍ അറ്റ്കിൻസണ്‍ സൈക്കിള്‍ TNGA പെട്രോള്‍ പവര്‍ട്രെയിനുകളുമായാണ് എസ്‌യുവി വരുന്നത്. മൈല്‍ഡ് ഹൈബ്രിഡ് സെറ്റപ്പ് 103 ബിഎച്ച്‌പിയും 136 എൻ.എം ടോര്‍ക്കും വാഗ്ദാനം ചെയ്യുന്നു. ശക്തമായ ഹൈബ്രിഡ് പവർട്രെയിൻ ഓൾ-ഇലക്ട്രിക് മോഡും വാഗ്ദാനം ചെയ്യുന്നു, അതായത് ഗ്രാൻഡ് വിറ്റാര ഏകദേശം 25 കിലോമീറ്റർ ബാറ്ററി പവറിൽ ഓടിക്കാൻ കഴിയും. ശക്തമായ ഹൈബ്രിഡ് ഗ്രാൻഡ് വിറ്റാരയുടെ എല്ലാ വകഭേദങ്ങളും ഫ്രണ്ട് വീൽ ഡ്രൈവ് ആണ്.
5-സ്പീഡ് മാനുവല്‍ അല്ലെങ്കില്‍ 6-സ്പീഡ് ടോര്‍ക്ക് കണ്‍വെര്‍ട്ടര്‍ ഓട്ടോമാറ്റിക് ഗിയര്‍ബോക്‌സ് വാഗ്ദാനം ചെയ്യുന്നു. ഈ മോഡലില്‍ ഓപ്ഷണല്‍ സുസുക്കിയുടെ ഓള്‍ഗ്രിപ്പ് എഡബ്ല്യുഡി സിസ്റ്റവും ലഭിക്കും. ശക്തമായ ഹൈബ്രിഡ് പവര്‍ട്രെയിൻ 92bhp കരുത്തും 122Nm ടോര്‍ക്കും നല്‍കുന്നു. 6-സ്പീഡ് e-CVT ഗിയര്‍ബോക്‌സുള്ള മാരുതി ഗ്രാൻഡ് വിറ്റാര ശക്തമായ ഹൈബ്രിഡ് 28kmpl ഇന്ധനക്ഷമത വാഗ്ദാനം ചെയ്യുന്നു.
നിറമുള്ള ഹെഡ്-അപ്പ് ഡിസ്‌പ്ലേ, 360-ഡിഗ്രി പാര്‍ക്കിംഗ് ക്യാമറ സിസ്റ്റം, വെന്റിലേറ്റഡ് സീറ്റുകള്‍ മുതലായ ഹൈടെക് ഫീച്ചറുകളാല്‍ നിറഞ്ഞ ഗ്രാൻഡ് വിറ്റാരയുടെ പ്രാരംഭ എക്‌സ് ഷോറൂം വില 10.70 ലക്ഷം രൂപയാണ്. കിയ സെല്‍റ്റോസ്, ടൊയോട്ട ഹൈറൈഡര്‍, സ്‌കോഡ കുഷാക്ക്, ഫോക്‌സ്‌വാഗണ്‍ ടൈഗണ്‍, എംജി ആസ്റ്റര്‍ തുടങ്ങിയ മോഡലുകളെ ഒഴിവാക്കി ഗ്രാൻഡ് വിറ്റാരയെ തേടി ധാരാളം ബുക്കിംഗുകള്‍ ലഭിക്കുന്നുണ്ട്. ഇക്കാരണത്താല്‍ ബുക്ക് ചെയ്ത് ആറുമാസത്തോളം കാത്തിരിക്കേണ്ടിയും വരുന്നു.
2023 ജൂണിൽ, മാരുതി സുസുക്കി ഗ്രാൻഡ് വിറ്റാര 10,486 യൂണിറ്റുകളുടെ ശ്രദ്ധേയമായ വിൽപ്പന കണക്ക് രേഖപ്പെടുത്തി, ഇടത്തരം എസ്‌യുവി വിഭാഗത്തിൽ അതിന്റെ സ്ഥാനം കൂടുതൽ ഉറപ്പിച്ചിരുന്നു.
ലോഞ്ച് ചെയ്തതുമുതൽ, ഗ്രാൻഡ് വിറ്റാര വിശ്വസ്തരായ ഉപഭോക്തൃ അടിത്തറ നേടി, 2023 ജനുവരിയിൽ 8,662 യൂണിറ്റുകൾ, ഫെബ്രുവരിയിൽ 9,183 യൂണിറ്റുകൾ, മാർച്ചിൽ 10,045 യൂണിറ്റുകൾ, ഏപ്രിലിൽ 7,742 യൂണിറ്റുകൾ, മേയിൽ 8,877 യൂണിറ്റുകൾ, ജൂണിൽ 10,486 യൂണിറ്റുകൾ എന്നിങ്ങനെയായിരുന്നു വില്പന. 2022ൽ ഗ്രാൻഡ് വിറ്റാരയുടെ മൊത്തം 23,425 യൂണിറ്റുകളാണ് മാരുതി സുസുക്കി വിറ്റഴിച്ചത്.
ഗ്രാൻഡ് വിറ്റാരയുടെ ഏറ്റവും അടുത്ത എതിരാളിയായ കിയ സെൽറ്റോസിന് ഒരേ സമയപരിധിക്കുള്ളിൽ 39,892 യൂണിറ്റുകൾ വിൽക്കാൻ കഴിഞ്ഞു.
