റിലയൻസ് ഡയറക്ടർ ഇഷ അംബാനിയുടെ ആദ്യത്തെ സ്വതന്ത്ര സംരംഭം, ഇന്ത്യയിലെ ഏറ്റവും മികച്ചതെന്നവകാശപ്പെടുന്ന ജിയോ വേൾഡ് പ്ലാസ യാഥാർഥ്യമായി.
ആഗോള നിലവാരമുള്ള ഷോപ്പിംഗ്, വിനോദ അനുഭവങ്ങൾക്കായുള്ള ഇമേഴ്‌സീവ് റീട്ടെയിൽ ഡെസ്റ്റിനേഷൻ-ജിയോ വേൾഡ് പ്ലാസ- മുംബൈയിൽ തുറന്നു നൽകി റിലയൻസ് ഇൻഡസ്ട്രീസ് ലിമിറ്റഡ്.
മുംബൈയുടെ ഹൃദയഭാഗത്തുള്ള ബികെസിയിൽ സ്ഥിതി ചെയ്യുന്ന ജിയോ വേൾഡ് പ്ലാസ (JWP) നിത മുകേഷ് അംബാനി കൾച്ചറൽ സെന്റർ, ജിയോ വേൾഡ് കൺവെൻഷൻ സെന്റർ, ജിയോ വേൾഡ് ഗാർഡൻ എന്നിവക്കൊപ്പമാണ്.
റിലയൻസ് ഇൻഡസ്ട്രീസ് ലിമിറ്റഡ് ഡയറക്ടർ ഇഷ എം അംബാനിയുടെ നേതൃത്വത്തിലാണ് പ്ലാസയുടെ രൂപകൽപ്പനയും, പ്രവർത്തനവും. ചില്ലറ വിൽപ്പന, വിനോദം, ഡൈനിംഗ് എന്നിവയ്‌ക്കുള്ള ഒരു പ്രത്യേക കേന്ദ്രമായാണ് പ്ലാസ രൂപകൽപ്പന ചെയ്‌തിരിക്കുന്നത്. 7,50,000 ചതുരശ്ര അടി വിസ്തൃതിയിൽ നാല് ലെവലുകൾ ആയി വ്യാപിച്ചുകിടക്കുന്ന ഈ റീട്ടെയിൽ മിക്‌സ് 66 ആഡംബര ബ്രാൻഡുകളുടെ ശ്രദ്ധേയമായ കേന്ദ്രമാക്കും. ബാലൻസിയാഗ, ജോർജിയോ അർമാനി കഫേ, പോട്ടറി ബാൺ കിഡ്‌സ്, സാംസങ് എക്സ്പീരിയൻസ് സെന്റർ, EL&N കഫേ, റിമോവ എന്നിവ ജിയോ പ്ലാസ ഇന്ത്യൻ വിപണിയിലേക്ക് അവതരിപ്പിക്കുന്ന ശ്രദ്ധേയമായ അന്താരാഷ്ട്ര പുതുമുഖ ബ്രാൻഡുകളാണ്. Valentino, Tory Burch, YSL, Versace, Tiffany, Ladurée, Pottery Barn എന്നിവയുടെ ആദ്യ സ്റ്റോറുകൾ പ്ലാസയിലുണ്ട്. പ്രധാന മുൻനിര ബ്രാൻഡുകളായ Louis Vuitton, Gucci, Cartier, Bally, Giorgio Armani, Dior, YSL, Bulgari എന്നിവ തങ്ങളുടെ സ്റ്റോറുകൾ പ്ലാസയിൽ തുറന്നിട്ടുണ്ട്.
മനീഷ് മൽഹോത്ര, അബു ജാനി-സന്ദീപ് ഖോസ്‌ല, രാഹുൽ മിശ്ര, ഫാൽഗുനി, ഷെയ്ൻ പീക്കോക്ക്, റി ബൈ ഋതു കുമാർ തുടങ്ങിയ പ്രമുഖ ഡിസൈനർമാരുടെ പ്രവർത്തന കേന്ദ്രം കൂടിയാണ് JWP. പ്രകൃതിയോട് ഇഴുകി ചേർന്ന് നിൽക്കുന്ന പ്ലാസയുടെ രൂപകൽപന സാധ്യമാക്കിയത് യുണൈറ്റഡ് സ്റ്റേറ്റ്സ് ആസ്ഥാനമായി പ്രവർത്തിക്കുന്ന പ്രശസ്തമായ അന്താരാഷ്ട്ര ആർക്കിടെക്ചർ ആൻഡ് ഡിസൈൻ സ്ഥാപനമായ ടിവിഎസും റിലയൻസ് ടീമും തമ്മിലുള്ള സഹകരണത്തിലൂടെയാണ്.
മൾട്ടിപ്ലക്‌സ് തിയേറ്റർ, നന്നായി ക്യൂറേറ്റ് ചെയ്‌ത ഗൗർമെറ്റ് ഫുഡ് എംപോറിയം, ലോകോത്തര റെസ്‌റ്റോറന്റുകൾ, വിനോദ ഇടങ്ങൾ എന്നിവ പ്ലാസ ഉറപ്പു നൽകുന്നു. പൂർണ്ണമായ റീട്ടെയിൽ അനുഭവമുള്ള ഷോപ്പർമാർ, വ്യക്തിഗത ഷോപ്പിംഗ് സഹായം, വിഐപി കൺസേർജ്, ടാക്‌സി-ഓൺ-കോൾ, വീൽചെയർ സേവനങ്ങൾ, ബാഗേജ് ഡ്രോപ്പിനൊപ്പം ഹാൻഡ്‌സ് ഫ്രീ ഷോപ്പിംഗ്, ബട്ട്‌ലർ സേവനം, ബേബി സ്‌ട്രോളറുകൾ തുടങ്ങിയ സേവനങ്ങൾ പ്ലാസയുടെ ഉപഭോക്താവിനോടുള്ള പ്രതിബദ്ധത ഉറപ്പിക്കുന്നവയാണ്.
“ജിയോ വേൾഡ് പ്ലാസ ഒരു റീട്ടെയിൽ ഡെസ്റ്റിനേഷൻ എന്നതിലുപരി സൗന്ദര്യശാസ്ത്രം, സംസ്കാരം, വിനോദം എന്നിവയുടെ കേന്ദ്രമാകുമെന്നു റിലയൻസ് ഇൻഡസ്ട്രീസ് ലിമിറ്റഡ് ഡയറക്ടർ ഇഷ എം അംബാനി പറഞ്ഞു.
“മികച്ച ആഗോള ബ്രാൻഡുകളെ ഇന്ത്യയിലേക്ക് കൊണ്ടുവരുന്നതിനും മികച്ച ഇന്ത്യൻ ബ്രാൻഡുകളുടെ വൈദഗ്ധ്യവും കരകൗശല നൈപുണ്യവും ഉയർത്തിക്കാട്ടുക എന്നതാണ് ജിയോ വേൾഡ് പ്ലാസയിലൂടെ ഞങ്ങൾ വിഭാവനം ചെയ്യുന്നത്. അതിനാൽ വളരെ സവിശേഷമായ ഒരു റീട്ടെയിൽ അനുഭവം സൃഷ്ടിക്കുക. മികവ്, നവീകരണം, ഉപഭോക്തൃ അനുഭവം വർധിപ്പിക്കൽ എന്നിവയ്ക്കായുള്ള ഞങ്ങളുടെ പരിശ്രമം പ്ലാസയിൽ പ്രകടമാകും”
Reliance Industries Limited announced on October 31 the opening of Jio World Plaza, a luxurious retail destination in India for top-end, global-standard shopping and entertainment experiences. Jio World Plaza (JWP), strategically placed in BKC in the heart of Mumbai, will open its doors to the public on November 1.
