ടാറ്റ, അശോക് ലെയ്‌ലാൻഡ് എന്നീ വാഹന നിർമാണ ഭീമന്മാരെ ഞെട്ടിച്ചു കൊണ്ട് ബംഗളൂരുവിലെ സ്റ്റാർട്ടപ്പായ Tresa Motors നേടിയെടുത്ത കരാർ ഒന്നും രണ്ടുമല്ല, 1,000 ഇലക്ട്രിക് ട്രക്കുകൾക്കാണ് . ഇലക്ട്രിക് ട്രക്ക് നിർമാതാക്കളായ ട്രെസ മോട്ടോഴ്സ് തങ്ങളുടെ ട്രക്കുകൾക്ക് 120 കിലോമീറ്റർ വേഗതയാണ് അവകാശപ്പെടുന്നത്.
Tresa Motors ലോജിസ്റ്റിക്‌സ് കമ്പനിയായ JFK ട്രാൻസ്‌പോർട്ടേഴ്‌സിൽ നിന്ന് 2023ലെ മോഡൽ V0.1 ശ്രേണിയിലെ 1,000 ട്രക്കുകൾക്കായി പ്രീ-ഓർഡർ നേടി. ട്രെസ സ്റ്റാർട്ടപ്പ് 18T-55T ഗ്രോസ് വെഹിക്കിൾ വെയ്റ്റ് (GVW) വിഭാഗത്തിൽ ഇലക്ട്രിക് ട്രക്കുകൾ വികസിപ്പിക്കുകയാണ്.
ട്രെസ ട്രക്കുകൾക്ക് നിലവിൽ 24,000Nm മോട്ടോറും 300kWh ബാറ്ററി പായ്ക്കുമുണ്ട്, ഇത് ഒറ്റ ചാർജിൽ 400 മുതൽ 500 Km വരെ റേഞ്ച് നൽകും. ഇത് 15 മിനിറ്റിൽ 10-80% ചാർജിങ് സാധ്യമാക്കുന്നു. മണിക്കൂറിൽ 120 കിലോമീറ്റർ വേഗതയാണ് അവകാശപ്പെടുന്നത്.
ഫ്‌ളക്‌സ് 350 പ്ലാറ്റ്‌ഫോമിൽ നിർമ്മിച്ചിരിക്കുന്ന ട്രസ്സ ട്രക്കുകളിൽ IP69-റേറ്റഡ് Meg50 800V 50kWh ബാറ്ററി പാക്ക് മൊഡ്യൂൾ സജ്ജീകരിച്ചിരിക്കുന്നു. പേലോഡിനെ അടിസ്ഥാനമാക്കി, അനുയോജ്യമായ ശ്രേണികൾക്കായി സജീവ-ലിക്വിഡ് കൂളിംഗ് സാങ്കേതികവിദ്യയുണ്ട്.
ഇടത്തരം, ഭാരമുള്ള ഇലക്ട്രിക് ട്രക്കുകളുടെ ഒഇഎം നിർമ്മാതാക്കളായ ട്രെസ മോട്ടോഴ്സ്, നിർമ്മാണ, ഗവേഷണ-വികസന സൗകര്യങ്ങൾ സ്ഥാപിക്കുന്നതിനായി 1000 കോടി രൂപ നിക്ഷേപം നടത്തിയിരുന്നു.
2022 ൽ രോഹൻ ശ്രവണും രവി മച്ചാനിയും ചേർന്ന് ബംഗലൂരു ആസ്ഥാനമായി സ്റ്റാർട്ടപ്പ് ട്രെസ സ്ഥാപിച്ചു. ഈ സ്റ്റാർട്ടപ്പ് വ്യാവസായിക രൂപകൽപ്പന, ഇലക്ട്രിക് പവർട്രെയിനുകൾ, ബാറ്ററിയുമായി ബന്ധപ്പെട്ട സാങ്കേതികവിദ്യകൾ എന്നിവയിൽ പ്രധാന കഴിവുകൾ വാഗ്ദാനം ചെയ്യുന്നു.
നിലവിൽ 18 മുതൽ 55 ടൺ വരെ GVW സെഗ്‌മെൻ്റിൽ ഇലക്ട്രിക് ട്രക്കുകൾ വികസിപ്പിക്കുകയും അതിൻ്റെ ആദ്യ വാഹനം പുറത്തിറക്കുകയും ചെയ്തു.
ട്രെസ അത്യാധുനിക സാങ്കേതികവിദ്യയെ സുസ്ഥിരതയുമായി സംയോജിപ്പിച്ച് ട്രക്കുകൾ നിർമിക്കുന്നു . കാർബൺ ബഹിർഗമനം കുറയ്ക്കുന്നതിനും പരിസ്ഥിതിക്ക് അനുയോജ്യമായ ഗതാഗത വ്യവസായത്തിന് വഴിയൊരുക്കുന്നതിനുള്ള പ്രതിബദ്ധതയാണ് ഈ പങ്കാളിത്തത്തിലൂടെ ലക്ഷ്യമിടുന്നതെന്ന് ട്രെസ മോട്ടോഴ്സ് സ്ഥാപകൻ രോഹൻ ശ്രവണും ജെഎഫ്കെ ട്രാൻസ്പോർട്ടേഴ്സ് എംഡി ആദിൽ കോട്വാളും വ്യക്തമാക്കി.
Bengaluru-based startup Tresa Motors winning a contract for 1,000 electric trucks, shocking auto manufacturing giants Tata and Ashok Leyland. Tresa Motors’ electric trucks boast top speeds of 120 kmph and impressive battery performance, with a range of 400 to 500 km on a single charge.
