ചലച്ചിത്ര നടൻ മനോജ് കെ ജയനോട് ഇപ്പോൾ തീർത്താൽ തീരാത്ത അസൂയയാണ് മലയാളി വാഹന പ്രേമികൾക്ക്. 225 കിലോമീറ്റര്‍ പരമാവധി വേഗത,വെറും 5.3 സെക്കന്റില്‍ 100 കിലോമീറ്റര്‍ വേഗതയിൽ കുതിക്കും. യുകെയിൽ വച്ച് സ്വപ്ന വാഹനമായ ടെസ്ല മോഡല്‍ 3 EV സ്വന്തമാക്കിയിരിക്കുകയാണ് മനോജ് കെ ജയൻ.
"എത്ര മനോഹരമായ നടക്കാത്ത സ്വപ്‌നം എന്ന് കരുതി, പക്ഷെ നടന്നു. ടെസ്ല ഇന്നുമുതൽ യുകെയിലെ എന്റെ ഫാമിലി മെമ്പർ. ലോകത്തെ ഏറ്റവും മികച്ച ഇന്നവേറ്റീവ് കാറുകളിലൊന്ന് സ്വന്തമാക്കാനായത് ഭാഗ്യമായി കരുതുന്നു," എന്ന കുറിപ്പോടെയാണ് അദ്ദേഹം പുതിയ വാഹനം സ്വന്തമാക്കിയ സന്തോഷം സാമൂഹിക മാധ്യമങ്ങളില്‍ പങ്കുവെച്ചിരിക്കുന്നത്.
2017-ല്‍ അമേരിക്കല്‍ നിരത്തുകളില്‍ എത്തി തുടങ്ങിയ ടെസ്ലയുടെ മോഡല്‍ 3 യു.കെയില്‍ അവതരിപ്പിക്കുന്നത് 2019-ലാണ്.
സ്റ്റാൻഡേർഡ് റേഞ്ച്, സ്റ്റാൻഡേർഡ് റേഞ്ച് പ്ലസ്, മിഡ് റേഞ്ച്, ലോങ്ങ് റേഞ്ച്, റിയര്‍ വീല്‍ ഡ്രൈവ്, ലോങ്ങ് റേഞ്ച് ഓള്‍ വീല്‍ ഡ്രൈവ്, പെര്‍ഫോമെന്‍സ് എന്നിങ്ങനെ നിരവധി വേരിയന്റുകളില്‍ മോഡല്‍ 3 നിരത്തുകളില്‍ എത്തുന്നുണ്ട്. ടെസ്ലയുടെ ബെസ്റ്റ് സെല്ലിങ്ങ് വാഹനങ്ങളുടെ പട്ടികയില്‍ മുന്‍പന്തിയില്‍ നില്‍ക്കുന്ന മോഡലാണ് മോഡല്‍3.
വിദേശ നിരത്തുകളില്‍ ടെസ്ല എത്തിച്ചിട്ടുള്ള മോഡല്‍3-യുടെ അടിസ്ഥാന വേരിയന്റ് ഒറ്റത്തവണ ചാര്‍ജില്‍ 423 കിലോമീറ്റര്‍ റേഞ്ചാണ് ഉറപ്പുനല്‍കുന്നത്. 225 കിലോമീറ്റര്‍ പരമാവധി വേഗതയുള്ള ഈ വാഹനത്തിന് വെറും 5.3 സെക്കന്റില്‍ പൂജ്യത്തില്‍ നിന്ന് 100 കിലോമീറ്റര്‍ വേഗത
കൈവരിക്കാന്‍ സാധിക്കുമെന്നാണ് നിര്‍മാതാക്കള്‍ അവകാശപ്പെടുന്നത്.
മക്കളുടെ വിദ്യഭ്യാസവുമായി ബന്ധപ്പെട്ട് യുകെയിലും കേരളത്തിലുമായാണ് മനോജ് കെ ജയനും കുടുംബവും താമസം. മൂന്നര പതിറ്റാണ്ടിലേറെ മലയാളസിനിമയിൽ സജീവമായി തുടരുന്ന താരങ്ങളിൽ ഒരാളാണ് മനോജ് കെ ജയൻ.
Malayalam film actor Manoj K Jayan’s joy of acquiring his dream vehicle, the Tesla Model 3 EV, in the UK, with impressive specifications including a top speed of 225 kmph and accelerating to 100 kmph in just 5.3 seconds.
