നിർമാണത്തിലിരിക്കുന്ന അതിവേഗ പാതകൾ ഇന്ത്യയിലെ റോഡ് യാത്രയുടെ മുഖച്ഛായ മാറ്റുവാനൊരുങ്ങുകയാണ്. വരും വർഷങ്ങളിൽ ഭാരത് മാല പരിയോജനയുടെ കീഴിൽ 25 ഗ്രീൻഫീൽഡ് അതിവേഗ ദേശീയ പാത ഇടനാഴികൾ നിർമ്മിക്കും. അതിൽ സുപ്രധാനമായതും ഇന്ത്യയിലെ ഹൈവേ യാത്രയെ മാറ്റിമറിക്കുന്നതുമായ 10 ഹൈ-സ്പീഡ് എക്സ്പ്രസ് വേകൾ ഇവയാണ്.
![](https://channeliam.com/wp-content/uploads/2024/05/Kanpur-Lucknow-Expressway.webp)
ഡൽഹി-മുംബൈ എക്സ്പ്രസ് വേ
ദേശീയ തലസ്ഥാനമായ ന്യൂഡൽഹിയെ സാമ്പത്തിക തലസ്ഥാനമായ മുംബൈയുമായി ബന്ധിപ്പിക്കുന്ന 1,350 കിലോമീറ്റർ നീളവും 8 വരി വീതിയുമുള്ള നിയന്ത്രിത പ്രവേശനമുള്ള എക്സ്പ്രസ് വേയാണ് ഡൽഹി-മുംബൈ എക്സ്പ്രസ് വേ. ഇന്ത്യയിലെ ഏറ്റവും നീളം കൂടിയ എക്സ്പ്രസ് വേ ആണിത് . നിർമാണത്തിലിരിക്കുന്ന വഡോദര–മുംബൈ എക്സ്പ്രസ് ഇതിന്റെ ഭാഗമാണ്. ഇത് ഡൽഹി-മുംബൈ നഗരങ്ങൾക്കിടയിലുള്ള യാത്രാ സമയം വെറും 12 മണിക്കൂറായി കുറയ്ക്കും. ഡൽഹി, ഹരിയാന, ഉത്തർപ്രദേശ്, രാജസ്ഥാൻ, ഗുജറാത്ത്, മധ്യപ്രദേശ്, ദാദ്ര ആൻഡ് നാഗർ ഹവേലി, മഹാരാഷ്ട്ര എന്നീ സംസ്ഥാനങ്ങളും കേന്ദ്ര ഭരണ പ്രദേശങ്ങളും ഈ ഹൈവേ പരിധിയിൽ ഉൾപ്പെടും.
![](https://channeliam.com/wp-content/uploads/2024/05/Delhi-Dehradun-Expressway-1024x536.webp)
ബെംഗളൂരു-ചെന്നൈ എക്സ്പ്രസ് വേ
ബെംഗളൂരു-ചെന്നൈ എക്സ്പ്രസ്വേ എന്ന നാഷണൽ എക്സ്പ്രസ്വേ കർണാടകയുടെ തലസ്ഥാനമായ ബെംഗളൂരു നഗരത്തിനും തമിഴ്നാടിൻ്റെ തലസ്ഥാനമായ ചെന്നൈ നഗരത്തിനും ഇടയിൽ 258 കിലോമീറ്റർ നീളവും 4-വരി വീതിയും ഉള്ള ആക്സസ് നിയന്ത്രിത എക്സ്പ്രസ് വേയാണ്. ഇത് യാഥാർഥ്യമാകുന്നതോടെ രണ്ട് നഗരങ്ങൾക്കിടയിലുള്ള യാത്രാ സമയം വെറും 2 മണിക്കൂറായി കുറയും. കർണാടക, ആന്ധ്രാപ്രദേശ്, തമിഴ്നാട് എന്നീ സംസ്ഥാനങ്ങളെ ഈ ഹൈവേ ബന്ധിപ്പിക്കും.
വാരണാസി-റാഞ്ചി-കൊൽക്കത്ത എക്സ്പ്രസ് വേ
ഉത്തർപ്രദേശ്, ബീഹാർ, ജാർഖണ്ഡ്, പശ്ചിമ ബംഗാൾ എന്നിവിടങ്ങളിൽ കൂടി കടന്നു പോകുന്ന വാരണാസി-റാഞ്ചി-കൊൽക്കത്ത എക്സ്പ്രസ് വേ 612 കിലോമീറ്റർ ദൈർഘ്യമുള്ള പ്രവേശന നിയന്ത്രിത ഇടനാഴിയാണ് . ഉത്തർപ്രദേശിലെ ആത്മീയ നഗരമായ വാരണാസിയിൽ നിന്ന് ജാർഖണ്ഡിൻ്റെ തലസ്ഥാനമായ റാഞ്ചി വഴി കൊൽക്കത്ത വരെയുള്ള അതിവേഗ പാത യാത്രാ സമയം 15 മണിക്കൂറിൽ നിന്ന് 9 മണിക്കൂറായി കുറയ്ക്കും.
![](https://channeliam.com/wp-content/uploads/2024/05/Delhi-Mumbai-Expressway-1024x576.webp)
ഹൈദരാബാദ്-വിശാഖപട്ടണം എക്സ്പ്രസ് വേ
ഹൈദരാബാദ് മുതൽ വിശാഖപട്ടണം വരെയുള്ള എക്സ്പ്രസ് വേ തെലങ്കാന, ആന്ധ്രാപ്രദേശ് വഴി 222 കിലോമീറ്റർ നീളമുള്ളതാണ്. സൂര്യപേട്ട-ദേവരപള്ളി എക്സ്പ്രസ് വേയുടെ (NH-365BB) ഭാഗമാണ് ഇത്. 4939 കോടി ചിലവിൽ ഭാരത്മാല പരിയോജന (ബിഎംപി) ഒന്നാം ഘട്ടത്തിന് കീഴിലുള്ള ഈ ഗ്രീൻഫീൽഡ് എക്സ്പ്രസ് വേ ഹൈദരാബാദും വിശാഖപട്ടണവും തമ്മിലുള്ള പ്രാദേശിക കണക്റ്റിവിറ്റി മെച്ചപ്പെടുത്താനും ചരക്ക് നീക്കത്തിൻ്റെ കാര്യക്ഷമത, കയറ്റുമതി എന്നിവ വർധിപ്പിക്കാനും ലക്ഷ്യമിടുന്നു.
ഡൽഹി-ഡെറാഡൂൺ എക്സ്പ്രസ് വേ
ഡൽഹി, യുപി, ഉത്തരാഖണ്ഡ് എന്നി സംസ്ഥാനങ്ങൾ ഉൾക്കൊള്ളുന്ന ഒരു ആക്സസ് നിയന്ത്രിത ഇടനാഴിയായി സഹാറൻപൂർ വഴിയുള്ള ഡൽഹി ഡെറാഡൂൺ എക്സ്പ്രസ് വേ പ്രവർത്തിക്കും. 239 കിലോമീറ്റർ ദൈർഘ്യമുള്ള ആറ് വരി എക്സ്പ്രസ് വേ ഡൽഹി-ഡെറാഡൂൺ യാത്രാ സമയം 2.5 മണിക്കൂറായി കുറയ്ക്കും. ഡൽഹി-ഡെറാഡൂൺ എക്സ്പ്രസ് വേ നാഷണൽ ഹൈവേ 72 എ എന്നും അറിയപ്പെടുന്നു. ഇത് ഇന്ത്യയുടെ ദേശീയ തലസ്ഥാനമായ ഡൽഹിയെയും ഉത്തരാഖണ്ഡ് തലസ്ഥാനമായ ഡെറാഡൂണിനെയും ബന്ധിപ്പിക്കും.
![](https://channeliam.com/wp-content/uploads/2024/05/Delhi-Amritsar-Katra-Expressway.webp)
സൂറത്ത് – നാസിക് – സോലാപൂർ എക്സ്പ്രസ് വേ
സൂറത്ത്-ചെന്നൈ എക്സ്പ്രസ് വേ, 1,271 കിലോമീറ്റർ (790 മൈൽ) നീളമുള്ള, 4/6-ലെയ്നുള്ള ആക്സസ് നിയന്ത്രിത എക്സ്പ്രസ് വേയാണ്, ഇത് ഗുജറാത്തിലെ രണ്ടാമത്തെ വലിയ നഗരമായ സൂററ്റിനെയും തമിഴ്നാടിൻ്റെ തലസ്ഥാനമായ ചെന്നൈയെയും ബന്ധിപ്പിക്കും. നിർമാണം പൂർത്തിയാകുമ്പോൾ ഇന്ത്യയിലെ ഏറ്റവും നീളമുള്ള രണ്ടാമത്തെ എക്സ്പ്രസ് വേ ആകുമിത്. ഗുജറാത്ത്, മഹാരാഷ്ട്ര, കർണാടക, തെലങ്കാന, ആന്ധ്രപ്രദേശ്, തമിഴ്നാട് എന്നീ ആറ് സംസ്ഥാനങ്ങളിലൂടെ ഇത് കടന്നുപോകും. കൂടാതെ യാത്രാ സമയവും ദൂരവും ഏകദേശം 35 മണിക്കൂറിൽ നിന്ന് 18 മണിക്കൂറായും ഏകദേശം 1,570 km ൽ നിന്ന് 1,271 km ആയും കുറയ്ക്കും. . 45,000 കോടി രൂപ ചെലവിലാണ് ഇത് നിർമ്മിക്കുന്നത് . സൂറത്ത് – നാസിക് – അഹമ്മദ്നഗർ – സോലാപൂർ എക്സ്പ്രസ് വേയിലേക്ക് നിയന്ത്രിത പ്രവേശനം ആയിരിക്കും ഉണ്ടാകുക.
ഡൽഹി-അമൃത്സർ-കത്ര എക്സ്പ്രസ് വേ
ഡൽഹി-അമൃത്സർ-കത്ര എക്സ്പ്രസ്വേ, 670 കിലോമീറ്റർ നീളമുള്ള, 4-വരി വീതിയുള്ള നിയന്ത്രിത ആക്സസ് എക്സ്പ്രസ്വേയാണ്, ഇത് ഡൽഹിക്ക് സമീപമുള്ള ബഹാദുർഗഡ് അതിർത്തിയെ ജമ്മു കശ്മീരിലെ കത്രയുമായി ഹരിയാന, പഞ്ചാബ് വഴി ബന്ധിപ്പിക്കും.
ഇൻഡോർ-ഹൈദരാബാദ് എക്സ്പ്രസ് വേ
ഹൈദരാബാദ്-ഇൻഡോർ എക്സ്പ്രസ്വേ ഇന്ത്യയിൽ വരാനിരിക്കുന്ന ഒരു അംഗീകൃത അതിവേഗ പാതയാണ്. ഇത് തെലങ്കാനയുടെ തലസ്ഥാനമായ ഹൈദരാബാദിനെ മധ്യപ്രദേശിലെ ഇൻഡോറുമായി ബന്ധിപ്പിക്കും. എക്സ്പ്രസ് വേയുടെ ആകെ നീളം 713 കിലോമീറ്ററാണ്. ഇത് 2025 മാർച്ചിൽ പൂർത്തിയാകുമെന്ന് പ്രതീക്ഷിക്കുന്നു. മധ്യപ്രദേശ്, മഹാരാഷ്ട്ര, തെലങ്കാന എന്നിവിടങ്ങളിലൂടെയാകും ഇത് കടന്നുപോകുക.
അമൃത്സർ-ഭട്ടിൻഡ-ജാംനഗർ എക്സ്പ്രസ് വേ
അമൃത്സർ-ജാംനഗർ എക്സ്പ്രസ്വേ ഇന്ത്യയുടെ വടക്കുപടിഞ്ഞാറൻ ഭാഗത്ത് 1,257 കിലോമീറ്റർ നീളവും 6-വരി വീതിയുമുള്ള ഒരു എക്സ്പ്രസ് വേയാണ്. അമൃത്സറിനും ജാംനഗറിനും ഇടയിലുള്ള ദൂരം 1,430 കിലോമീറ്ററിൽ നിന്ന് 1,316 കിലോമീറ്ററായും യാത്ര സമയം 26 മണിക്കൂറിൽ നിന്ന് 13 മണിക്കൂറായും ഈ എക്സ്പ്രസ് വേ കുറയ്ക്കും.
കാൺപൂർ-ലഖ്നൗ എക്സ്പ്രസ് വേ
ലഖ്നൗ-കാൺപൂർ എക്സ്പ്രസ്വേ 6, ഉത്തർപ്രദേശിലെ 63 കിലോമീറ്റർ നീളവും 6-വരി വീതിയുമുള്ള ആക്സസ് നിയന്ത്രിത എക്സ്പ്രസ് വേ ആണ്. ഷാഹിദ് പഥിൽ നിന്നും ഉന്നാവു വരെ നീളും ഈ പാത.
Explore ten upcoming expressways in India that promise to revolutionize road travel, reducing travel time and boosting economic activities across the country.