ഡിജിറ്റൽ ബാങ്കിംഗിലേക്ക് ജിയോ എത്തുന്നു

‘ജിയോഫിനാൻസ്’ ആപ്പ്  വിപണിയിലെത്തിച്ചതായി പ്രഖ്യാപിച്ച് ജിയോ ഫിനാൻഷ്യൽ സർവീസസ് ലിമിറ്റഡ്.   പ്രതിദിന ധനകാര്യത്തിലും ഡിജിറ്റൽ ബാങ്കിംഗിലും വിപ്ലവം സൃഷ്ടിക്കുന്ന ഒരു അത്യാധുനിക പ്ലാറ്റ്‌ഫോമാണ് “JioFinance,’ ആപ്പ് എന്നാണ് ജിയോ ഫിനാൻഷ്യൽ സർവീസസിന്റെ അവകാശവാദം.  

“ജിയോ പേയ്‌മെൻ്റ് ബാങ്ക് അക്കൗണ്ട്” ഫീച്ചർ ഉപയോഗിച്ച് തൽക്ഷണ ഡിജിറ്റൽ അക്കൗണ്ട് തുറക്കൽ, കാര്യക്ഷമമായ ബാങ്ക് മാനേജ്‌മെൻ്റ് എന്നിവയും ചെയ്യാം. ഡിജിറ്റൽ ബാങ്കിംഗ്, യുപിഐ ഇടപാടുകൾ, ബിൽ സെറ്റിൽമെൻ്റുകൾ, ഇൻഷുറൻസ് ഉപദേശം എന്നിവ ഈ ആപ്പ് സമന്വയിപ്പിക്കുന്നു. അക്കൗണ്ടുകളുടെയും സേവിംഗുകളുടെയും സേവനവും ഈ  ഉപഭോക്തൃ-സൗഹൃദ ഇൻ്റർഫേസിൽ വാഗ്ദാനം ചെയ്യുന്നു. ജിയോ ഫിനാൻസ്  ആപ്പ് ഉപയോക്താക്കൾക്ക്  ഫിനാൻഷ്യൽ ടെക്നോളജിയുടെ എല്ലാ തലത്തിലുള്ള പരിചയവും അനായാസമായ  ഫിനാൻസ്  മാനേജ്മെന്റും ഉറപ്പാക്കുന്നു.

സാമ്പത്തികവുമായി ബന്ധപ്പെട്ട എല്ലാ കാര്യങ്ങളും ഒരൊറ്റ പ്ലാറ്റ്ഫോമിൽ എല്ലാ ഉപയോക്താക്കൾക്കും ലളിതമാക്കുക എന്നതാണ് “JioFinance,’ ആപ്പിന്റെ അന്തിമ ലക്ഷ്യം. വായ്പ, നിക്ഷേപം, ഇൻഷുറൻസ്, പേയ്‌മെൻ്റുകൾ, ഇടപാടുകൾ എന്നിങ്ങനെയുള്ള  സമഗ്രമായ  സാമ്പത്തിക സേവനങ്ങൾ കൂടുതൽ സുതാര്യവും താങ്ങാനാവുന്നതും ആണെന്ന് ഉറപ്പാക്കും .

മ്യൂച്വൽ ഫണ്ടുകളിലെ വായ്പകളിൽ തുടങ്ങി ഭവനവായ്പകളിലേക്ക് സേവനമെത്തിക്കുകയും,  ലോൺ സൊല്യൂഷനുകൾ വിപുലീകരിക്കുന്നതും തങ്ങളുടെ ഭാവി പദ്ധതികളിൽ ഉൾപ്പെടുന്നുവെന്ന് JFS പറഞ്ഞു.

^{Discover the new ‘JioFinance’ app by Jio Financial Services, redefining digital banking and financial management with seamless UPI transactions, bill payments, and more.}