ഖുർആൻ പഠിപ്പിക്കുന്ന ലൈസൻസില്ലാത്ത ഡിജിറ്റൽ പ്ലാറ്റ്ഫോമുകളെ നിരോധിച്ച് യുഎഇ. അധികാരികളിൽ നിന്ന് ആവശ്യമായ ലൈസൻസ് നേടാതെ എമിറേറ്റുകളിൽ ഏതെങ്കിലും പഠന കേന്ദ്രം സ്ഥാപിക്കുകയോ ഖുറാൻ പഠിപ്പിക്കുകയോ ചെയ്യുന്നത് നിരോധിച്ചു.
ഖുറാൻ അധ്യാപന സേവനങ്ങൾ വാഗ്ദാനം ചെയ്യുന്ന ലൈസൻസില്ലാത്ത ഡിജിറ്റൽ പ്ലാറ്റ്ഫോമുകൾ ഉയർത്തുന്ന ഭീഷണികൾ മുൻനിർത്തി The General Authority for Islamic Affairs, Endowments, and Zakat പൗരന്മാർക്കും താമസക്കാർക്കും മാർഗനിർദേശങ്ങൾ നൽകിയിട്ടുണ്ട്.
എമിറേറ്റുകളിൽ യുവതലമുറയെ സംരക്ഷിക്കാൻ മതവിദ്യാഭ്യാസത്തിൻ്റെ കൃത്യതയും അനുയോജ്യതയും ഉറപ്പാക്കേണ്ടത് പ്രധാനമാണെന്ന് ഇസ്ലാമിക് ജനറൽ അതോറിറ്റി പറഞ്ഞു.
ഡിജിറ്റൽ പ്ലാറ്റ്ഫോമുകളിലൂടെ ഖുറാൻ അധ്യാപന സേവനങ്ങൾ വാഗ്ദാനം ചെയ്യുന്ന പല വ്യക്തികളും മത വിദ്യാഭ്യാസ യോഗ്യതകളില്ലാത്തവരാണെന്ന് അതോറിറ്റി കണ്ടെത്തിയിരുന്നു .ഇത് ഇസ്ലാമിക തത്വങ്ങളെക്കുറിച്ച് തെറ്റായ വ്യാഖ്യാനത്തിലേക്ക് നയിച്ചേക്കാമെന്ന വിലയിരുത്തലിലാണ് നിരോധനം.
ലൈസൻസില്ലാത്ത നിരവധി ആളുകൾ ക്ലാസുകൾ എടുക്കുന്നതും പ്രൊമോഷണൽ പരസ്യങ്ങളുമായി ആളുകളെ ആകർഷിക്കുന്നതും മുൻനിർത്തി രക്ഷിതാക്കൾ ജാഗ്രത പാലിക്കാൻ അതോറിറ്റി ആവശ്യപ്പെട്ടു.
സംശയാസ്പദമായതോ ലൈസൻസില്ലാത്തതോ ആയ അധ്യാപന പ്രവർത്തനങ്ങൾ സംബന്ധിച്ച് ബന്ധപ്പെട്ട അധികാരികളെ അറിയിക്കാൻ രക്ഷാകർത്താക്കളോട് അതോറിറ്റി അഭ്യർത്ഥിച്ചു.
യുഎഇ നിയമം അനുസരിച്ച്, ലൈസൻസോ പെർമിറ്റോ ഇല്ലാതെ ഖുർആൻ പഠിപ്പിക്കുന്നവർക്ക് രണ്ട് മാസത്തിൽ കുറയാത്ത തടവും 50,000 ദിർഹം പിഴയും അല്ലെങ്കിൽ ഈ രണ്ട് പിഴകളിൽ ഒന്ന് ശിക്ഷയായി ലഭിക്കും. മറ്റേതെങ്കിലും നിയമത്തിൽ അനുശാസിക്കുന്ന കൂടുതൽ കഠിനമായ ശിക്ഷകളോട് ഒപ്പം മുൻവിധികളില്ലാതെ ആയിരിക്കും പിഴകൾ ചുമത്തുന്നത് .
ഖുർആൻ പഠിപ്പിക്കാൻ ലൈസൻസുള്ള വ്യക്തി ഇനിപ്പറയുന്ന വ്യവസ്ഥകൾ പാലിക്കണം:
പഠിപ്പിക്കുന്നവർക്ക് 21 വയസ്സിൽ കുറയാൻ പാടില്ല.
അവർ നല്ല പെരുമാറ്റമുള്ളവരായിരിക്കണം .
ബഹുമാനമോ വിശ്വാസമോ ലംഘിക്കുന്ന ഒരു കുറ്റകൃത്യത്തിനോ ദുഷ്പ്രവർത്തിക്കോ രാജ്യത്ത് മുമ്പ് ശിക്ഷിക്കപ്പെട്ടവരാകരുത് .
UAE’s ban on unlicensed digital Quran-teaching platforms, aimed at regulating religious education and protecting the younger generation from inaccurate teachings. Understand the conditions for obtaining a license to teach the Quran and the penalties for engaging with unlicensed instructors.
