കഴിഞ്ഞ 10 വർഷമായി പല ചിത്രങ്ങളിലും അഭിനയിച്ചിട്ടും ഒരു സോളോ ഹിറ്റ് പോലും നൽകാനാകാത്ത നടിയാണ് ഇപ്പോൾ ബോളിവുഡ് ഡിജിറ്റൽ OTT രംഗം ഭരിക്കുന്നത്.
ഒരു സൂപ്പർ സ്റ്റാറിൻ്റെ മകളാണ് ഈ സ്റ്റാർ കിഡ്.പേര് സോനാക്ഷി സിൻഹ. സാക്ഷാൽ സൂപ്പർ സ്റ്റാർ ശത്രുഘ്നൻ സിൻഹയുടെ മകൾ.
ദബാംഗിൽ സൽമാൻ ഖാനൊപ്പം അരങ്ങേറ്റം കുറിച്ചു, ബ്ലോക്ക്ബസ്റ്റർ റൗഡി റാത്തോഡിൽ അഭിനയിക്കുകയും ചെയ്തു. എന്നാൽ സോനാക്ഷി സിൻഹയുടെ മുന്നിൽ അഭിനയിച്ച 11 ചിത്രങ്ങൾ പരാജയപ്പെടുന്ന അവസ്ഥ ഉണ്ടായെങ്കിലും ഒരു OTT ഷോ അവളുടെ കരിയർ പുനരുജ്ജീവിപ്പിച്ചു, ഇപ്പോൾ OTT-യിലെ ഒരു താരമായി മാറിയിരിക്കുന്നു സോനാക്ഷി സിൻഹ. ഇന്ന് വിലയേറിയ താരമായി മാറിയ സോനാക്ഷി ഒരു OTT ഷോയ്ക്ക് രണ്ട് കോടി രൂപയാണ് ഈടാക്കുന്നത്.
ഹോളിഡേ-എ സോൾജിയർ ഈസ് നെവർ ഓഫ് ഡ്യൂട്ടി , ആക്ഷൻ ജാക്‌സൺ, തേവർ, അകിര, ഫോഴ്‌സ് 2, നൂർ, ഇത്തേഫാഖ്, വെൽക്കം ടു ന്യൂയോർക്ക്, ഹാപ്പി ഫിർ ഭാഗ് ജായേഗി, കലങ്ക്, ഖണ്ഡാനി ഷഫഖാന എന്നിവയുൾപ്പെടെ 11 ചിത്രങ്ങൾ ബോക്സോഫീസിൽ പൊളിഞ്ഞു.
2023 ൽ സോനാക്ഷി സിൻഹ OTT യിലേക്ക് കടക്കുകയും ദഹാദ് എന്ന വെബ് സീരീസിലൂടെ അരങ്ങേറ്റം കുറിക്കുകയും ചെയ്തു. ഇതിലെ പോലീസ് വേഷം ഏറെ പ്രശംസക്ക് കാരണമായി. ഇതിന് ശേഷം സഞ്ജയ് ലീല ബൻസാലിയുടെ ഹീരമാണ്ടി എന്ന OTT സീരീസിലും നടി അഭിനയിച്ചു. സീരിയലിലെ കഥാപാത്രം സോനാക്ഷിയെ ഒരു OTT താരമാക്കി മാറ്റി.
Sonakshi Sinha’s inspiring journey from box office flops to becoming an OTT star. Learn how her resilience and talent have led to new successes in the digital space.
