നടൻ വിക്കി കൗശലിന്റെ ആസ്തി

ബോളിവുഡ് സിനിമാ ലോകത്ത് അഭിനയ മികവ് കൊണ്ട് തന്റേതായ ഇടം കണ്ടെത്തിയ താരമാണ് നടൻ വിക്കി കൗശൽ. ഒൻപത് വർഷം മുമ്പ് “മസാൻ” എന്ന ചിത്രത്തിലൂടെയാണ് വിക്കി അരങ്ങേറ്റം കുറിച്ചത്. നിരൂപക പ്രശംസയ്ക്കും ദേശീയ അവാർഡിനുമൊപ്പം കരിയറിൽ മുന്നേറ്റം നടത്തിയ പോലെ തന്നെ സാമ്പത്തികമായും വിക്കി കാര്യമായ മുന്നേറ്റം ഈ കാലയളവിൽ നടത്തിയിട്ടുണ്ട്.

മുംബൈയിലെ അന്ധേരി വെസ്റ്റിലുള്ള ഒരു ആഡംബര അപ്പാർട്ട്‌മെൻ്റാണ് വിക്കി കൗശലിൻ്റെ പ്രാഥമിക വസതി. എന്നാൽ ഭാര്യ കത്രീന കൈഫിനൊപ്പം ജുഹുവിലെ കടലിനഭിമുഖമായ ഒരു വാടക വീട്ടിലാണ് അദ്ദേഹം ഇപ്പോൾ താമസിക്കുന്നത്. റിപ്പോർട്ടുകൾ പ്രകാരം, 80 ലക്ഷം രൂപ  പ്രതിമാസ വാടക നൽകിയാണ് ദമ്പതികൾ അഞ്ച് വർഷത്തെ ലീസിന് ഈ അപ്പാർട്ട്മെൻ്റ് എടുത്തിരിക്കുന്നത്.

2021-ൽ, വിക്കി കൗശൽ തൻ്റെ ആഡംബര വാഹനങ്ങളുടെ ശേഖരത്തിലേക്ക് ഒരു ടോപ്പ്-ടയർ റേഞ്ച് റോവർ ഓട്ടോബയോഗ്രഫി LWB കൂടി വാങ്ങിയിരുന്നു. ഏകദേശം 2.47 കോടി രൂപ ആണ് ഈ വാഹനത്തിന്റെ വില.  360-ഡിഗ്രി ക്യാമറ, വെൻ്റിലേറ്റഡ് പിൻ സീറ്റുകൾ, ഒന്നിലധികം ഡ്രൈവിംഗ് മോഡുകൾ, പ്രീമിയം മെറിഡിയൻ സൗണ്ട് സിസ്റ്റം, അഡ്വാൻസ്ഡ് ക്ലൈമറ്റ് കൺട്രോൾ എന്നിവയുൾപ്പെടെയുള്ള ഫീച്ചറുകളുടെ ഒരു നിര തന്നെയുണ്ട് ഈ വാഹനത്തിൽ.

ജർമ്മൻ എഞ്ചിനീയറിംഗ് മികവിൻ്റെ പ്രതീകമായ ഒരു വെളുത്ത മെഴ്‌സിഡസ്-ബെൻസ് GLC യും അദ്ദേഹത്തിനുണ്ട്. 440 Nm torque ഉം 194.44 bhp ഉം ഉത്പാദിപ്പിക്കാൻ ശേഷിയുള്ള ശക്തമായ 2.0 L4 എഞ്ചിൻ കൊണ്ട് സജ്ജീകരിച്ചിരിക്കുന്ന ഈ ആഡംബര എസ്‌യുവിക്ക് ഇന്ത്യയിൽ ലഭ്യമായ വേരിയൻ്റ് സ്പെസിഫിക്കേഷനുകൾ അനുസരിച്ച് 75.90 ലക്ഷം മുതൽ 76.90 ലക്ഷം രൂപ വരെയാണ് വില.

ഇവ കൂടാതെ വിക്കി കൗശലിന് ഏകദേശം 95 ലക്ഷം രൂപ വിലമതിക്കുന്ന ബിഎംഡബ്ല്യു X5 ഉണ്ട്. TwinPower Turbo V8 എഞ്ചിൻ നൽകുന്ന ഈ ആഡംബര വാഹനം വെറും 6.5 സെക്കൻഡിനുള്ളിൽ 0 മുതൽ 100 km/h വേഗത കൈവരിക്കുന്നു. റിപ്പോർട്ടുകൾ അനുസരിച്ച് വിക്കി കൗശലിൻ്റെ ആസ്തി ഏകദേശം 41 കോടി രൂപയാണ്. സിനിമകളിലെ അഭിനയത്തിൽ നിന്നുള്ള വരുമാനത്തിനപ്പുറം, അദ്ദേഹത്തിൻ്റെ വരുമാനത്തിൻ്റെ ഒരു പ്രധാന ഭാഗം ഇൻസ്റ്റാഗ്രാമിലെ പ്രൊമോഷണൽ പോസ്റ്റുകളിൽ നിന്നും  ബ്രാൻഡ് പരസ്യങ്ങളിൽ നിന്നുമാണ് ലഭിക്കുന്നത്.

^{Explore Vicky Kaushal’s impressive wealth, sources of income, and his luxurious possessions, including his residences and exotic vehicle collection. Discover how this acclaimed Bollywood actor has built his fortune and continues to enjoy a lavish lifestyle.}