മെയ്ഡ് ഇൻ ഇന്ത്യയിൽ ക്ഷീരവ്യവസായവും

ഇന്ത്യയുടെ ക്ഷീര വ്യവസായം, അതിൻ്റെ സമ്പന്നമായ പൈതൃകവും ശക്തമായ വളർച്ചയും കൈവരിച്ച് മുന്നേറുകയാണ്. ആഗോള വിപണിയിൽ ലോക ശ്രദ്ധ ആകർഷിക്കുന്ന ഒന്നായി ഇത് മാറിയിരിക്കുകയും ചെയ്യുന്നു. “മെയ്ഡ് ഇൻ ഇന്ത്യ” എന്ന കാമ്പെയ്‌നിൽ ഇന്ത്യയുടെ ക്ഷീര വ്യവസായവും പങ്കാളികൾ ആവുന്നുണ്ട് എന്നത് ശ്രദ്ധേയമാണ്. ഇന്ത്യൻ നിർമ്മിത ഉൽപന്നങ്ങൾ പ്രോത്സാഹിപ്പിക്കുന്നതിനും കയറ്റുമതി  വർധിപ്പിക്കുന്നതിനും ലക്ഷ്യമിട്ടുള്ള ഈ മെയ്ഡ് ഇൻ ഇന്ത്യ ക്യാമ്പെയ്ൻ, പാലുൽപ്പന്നങ്ങളുടെ കയറ്റുമതിയിലൂടെ ഗണ്യമായ നേട്ടം ആണ് കൈവരിച്ചത്. 

ഇന്ത്യൻ നിർമ്മിത പാലുൽപ്പന്നങ്ങളുടെ കയറ്റുമതി ഇന്ത്യൻ ഉൽപ്പന്നങ്ങളുടെ ആഗോള വ്യാപനം വിപുലീകരിക്കുക മാത്രമല്ല, “മെയ്ഡ് ഇൻ ഇന്ത്യ” എന്ന ബ്രാൻഡിൻ്റെ പ്രശസ്തി വർദ്ധിപ്പിക്കുകയും ചെയ്യുന്നുണ്ട്.  ഗുണനിലവാരത്തിനും വൈവിധ്യത്തിനും പേരുകേട്ട ഇന്ത്യൻ പാലുൽപ്പന്നങ്ങൾ അന്താരാഷ്ട്ര അംഗീകാരം നേടുമ്പോൾ ഉയർന്ന നിലവാരമുള്ളതും വിശ്വസനീയവുമായ ഉൽപ്പന്നങ്ങളുടെ കേന്ദ്രമെന്ന നിലയിൽ രാജ്യത്തിൻ്റെ പ്രതിച്ഛായ തന്നെ ശക്തിപ്പെടുത്തുന്നു. 

ഡയറി ഉത്പന്നങ്ങളുടെ കയറ്റുമതി വരുമാനം സൃഷ്ടിക്കുന്നതിലൂടെയും തൊഴിലവസരങ്ങൾ സൃഷ്ടിക്കുന്നതിലൂടെയും ഇന്ത്യയുടെ സമ്പദ്‌വ്യവസ്ഥയ്ക്ക് ഗണ്യമായ സംഭാവന നൽകുന്നുണ്ട്. പ്രത്യേകിച്ച് ഗ്രാമപ്രദേശങ്ങളിൽ  കർഷകർക്കും ക്ഷീരോൽപ്പാദനത്തിൽ ഏർപ്പെട്ടിരിക്കുന്ന തൊഴിലാളികൾക്കും സ്ഥിരവരുമാനം പ്രദാനം ചെയ്യുന്നതിനും ഗ്രാമീണ സമൂഹങ്ങളെ ഉന്നമിപ്പിക്കുന്നതിനും ഇത് സഹായിക്കുന്നു.  ഈ സാമ്പത്തിക ഉന്നമനം പ്രാദേശിക വ്യവസായങ്ങളെ പ്രോത്സാഹിപ്പിക്കുന്നതിനും ഉപജീവനമാർഗങ്ങൾ മെച്ചപ്പെടുത്തുന്നതിനും സഹായകമാണ്.

പാലുൽപ്പന്ന കയറ്റുമതിക്ക് ആവശ്യമായ കർശനമായ ഗുണനിലവാര മാനദണ്ഡങ്ങൾ ഇന്ത്യൻ പാലുൽപ്പന്നങ്ങൾ പാലിക്കുന്നുണ്ട്. ഇന്ത്യയുടെ ക്ഷീരമേഖലയിൽ കയറ്റുമതി അളവിലും മൂല്യത്തിലും ശ്രദ്ധേയമായ വർദ്ധനവ് ഉണ്ടായിട്ടുണ്ട്. 2022-23 സാമ്പത്തിക വർഷത്തിൽ, 22 ബില്യൺ അതായത് 2200 കോടി വിലമതിക്കുന്ന പാലുൽപ്പന്നങ്ങൾ ഇന്ത്യ കയറ്റുമതി ചെയ്തു. ഇത് ആഗോള തലത്തിൽ ഇന്ത്യൻ ഡയറി ഉത്പന്നങ്ങൾക്കുള്ള വർദ്ധിച്ചുവരുന്ന ഡിമാൻഡ് ആണ് പ്രതിഫലിപ്പിക്കുന്നത്.  കയറ്റുമതി മൂല്യത്തിലുണ്ടായ ഈ വർധന, ഇന്ത്യയുടെ കയറ്റുമതി സാധ്യതകൾ വർധിപ്പിക്കുന്നതിനും അന്താരാഷ്ട്ര വിപണികളിൽ തങ്ങളുടെ സാന്നിധ്യം ശക്തിപ്പെടുത്തുന്നതിനുമുള്ള പ്രചാരണം കൂടിയാണ്.

പാലുൽപ്പന്ന കയറ്റുമതിയുടെ വിപുലീകരണം നിരവധി രാജ്യങ്ങളുമായുള്ള ഇന്ത്യയുടെ വ്യാപാരബന്ധം ശക്തിപ്പെടുത്തുകയും ആഗോള വിപണിയിൽ അതിൻ്റെ സ്ഥാനം ഉറപ്പാക്കുകയും ചെയ്യുന്നുണ്ട്. ഇന്ത്യൻ പാലുൽപ്പന്നങ്ങൾക്ക് അന്താരാഷ്‌ട്ര വിപണികളിൽ സ്വീകാര്യത ലഭിക്കുമ്പോൾ, ഇന്ത്യൻ ഉൽപന്നങ്ങളുടെ ആഗോള പ്രശസ്തി വർധിക്കുകയും സമ്പദ്‌വ്യവസ്ഥ ഉയരുകയും ചെയ്യുന്നുണ്ട്.

കയറ്റുമതി ചെയ്യുന്ന പ്രധാന പാലുൽപ്പന്നങ്ങൾ

പാൽ പൊടി: പ്രോസസ്സുചെയ്ത പാൽ പൊടി (skimmed milk powder, whole milk powder) വിവിധ രാജ്യങ്ങളിൽ വലിയ രീതിയിൽ കയറ്റുമതി ചെയ്യപ്പെടുന്നു.
ഗീ: ഇന്ത്യൻ ഗീ അതിന്റെ വിശിഷ്ട സ്വാദിനും ഗുണത്തിലും പ്രസിദ്ധമാണ്. യുഎസ്, യു.കെ, മിഡിൽ ഈസ്റ്റ് എന്നിവിടങ്ങളിലേക്ക് കയറ്റുമതി കൂടിയിട്ടുണ്ട്.
ചീസ്: പനീര്, ഫറഷ് ചീസ്, പ്രൊസെസ്ഡ് ചീസ് എന്നിവ അടക്കം ഇന്ത്യൻ ചീസുകൾ ലോകവിപണിയിൽ ജനപ്രിയമാണ്.
ബട്ടർ: ഇന്ത്യയിൽ നിർമ്മിക്കുന്ന ബട്ടർ വിദേശരാജ്യങ്ങളിൽ നല്ല സ്വീകാര്യതയാണ് നേടി കൊണ്ടിരിക്കുന്നത്.
കണ്ടൻസ്ഡ് മിൽക്ക്: ഇന്ത്യൻ നിർമ്മിത മധുരം ചേർത്ത പാൽ ഉൽപ്പന്നങ്ങൾ വിവിധ ആഗോള വിപണികളിൽ കയറ്റുമതി ചെയ്യപ്പെടുന്നു.

^{Discover how India’s dairy exports are strengthening the “Made in India” campaign by enhancing brand reputation, boosting the economy, and showcasing quality and innovation on a global stage.}