ഇന്ത്യൻ ക്രിക്കറ്റ് ഇതിഹാസം സച്ചിൻ ടെണ്ടുൽക്കറുടെ മുംബൈയിലെ ആഡംബരപൂർണവുമായ 85 കോടിയുടെ വീടിനെക്കുറിച്ചറിയാം. 39 കോടി രൂപയ്ക്കാണ് സച്ചിൻ ഡോറബ് വില്ല എന്നറിയപ്പെടുന്ന ഈ വീട് സ്വന്തമാക്കിയത്. 1926ൽ പണികഴിപ്പിച്ചതാണ് ‘ഡോറബ് വില്ല’ എന്ന ബംഗ്ലാവ് വാർഡന്മാർക്ക് പാർസി കുടുംബത്തിൽ നിന്നും സച്ചിൻ 39 കോടി രൂപയ്ക്ക് വാങ്ങിയതാണ്.
6,000 ചതുരശ്ര അടിയിൽ പരന്നുകിടക്കുന്ന ഈ വിശാലമായ വില്ല ഏകദേശം 40 മുതൽ 45 കോടി രൂപയ്ക്ക് ആണ് സച്ചിൻ പൂർണ്ണമായി നവീകരിച്ചത്. നവീകരണത്തിനായി നാല് വർഷമെടുത്തു. സച്ചിൻ ടെണ്ടുൽക്കറും കുടുംബവും 2011 ൽ ആണ് ഇവിടേക്ക് ഔദ്യോഗികമായി താമസം മാറ്റിയത്.
ഒന്നിലധികം നിലകളും രണ്ട് ബേസ്‌മെൻ്റുകളും ഒരു ടെറസും ഉള്ള ഈ വീട് ഒരു വലിയ കുടുംബത്തിന് അനുയോജ്യമായ രീതിയാണ് നിർമ്മിച്ചിട്ടുള്ളത്. പ്രവേശന വാതിലുകളുടെ ഇരുവശത്തും കറുത്ത മാർബിൾ തറയും ചട്ടിയിൽ ചെടികളും സ്ഥാപിച്ചിട്ടുണ്ട്. വീട്ടുമുറ്റത്ത് ഈന്തപ്പനകളുടെ നിരകൾ, ഇലകൾ നിറഞ്ഞ കുറ്റിച്ചെടികൾ, ചണം, ഉഷ്ണമേഖലാ സസ്യങ്ങൾ, ഒരു ചെറിയ കുളം എന്നിവയുണ്ട്. ഇത് ഈ വാസ സ്ഥലത്തിന് ശാന്തമായ അന്തരീക്ഷം നൽകുന്നു. വീടിന്റെ മൂലയിലെല്ലാം ചൂരൽ കൊണ്ടുള്ള ഫർണിച്ചറുകൾ സ്ഥാപിച്ചിട്ടുണ്ട്.
വീട്ടുമുറ്റത്ത് നിന്നുള്ള ഈന്തപ്പനകളും വള്ളികളും സച്ചിൻ ടെണ്ടുൽക്കറുടെ ടെറസിലേക്ക് ആണ് നീണ്ടുകിടക്കുന്നത്. ഈ ടെറസിൽ ആണ് സച്ചിൻ തൻ്റെ മക്കളായ അർജുൻ ടെണ്ടുൽക്കറിനും സാറ ടെണ്ടുൽക്കറിനുമൊപ്പം യോഗ ചെയ്യാൻ ഇഷ്ടപ്പെടുന്നത്. പ്രാർത്ഥനകളും ആത്മീയതും ഏറെ ഇഷ്ടപ്പെടുന്ന സച്ചിന്റെ അമ്മയ്ക്കായി അതിനു അനുയോജ്യമായ രീതിയിൽ ഉള്ള ക്രമീകരണങ്ങൾ ഒരുക്കുകയും അമ്മയ്ക്കായി ഒരു പ്രത്യേക ഇടം ഈ വീടിനുള്ളിൽ ഒരുക്കുകയും ചെയ്‌തിട്ടിട്ടുണ്ട്.
സച്ചിൻ ടെണ്ടുൽക്കറുടെ ആസ്തി 1,400 കോടി രൂപയിലേറെയാണെന്ന് റിപ്പോർട്ട് ചെയ്തിട്ടുണ്ട്. ഒപ്പം അദ്ദേഹത്തിൻ്റെ ഈ ആഡംബര വീട് ഇന്ത്യയിലെ ഏറ്റവും ധനികരായ ക്രിക്കറ്റ് കളിക്കാരിൽ ഒരാൾ എന്ന നിലയിൽ അദ്ദേഹത്തെ അടയാളപ്പെടുത്തുകയും ചെയ്യുന്നു.
Take a glimpse inside Sachin Tendulkar’s stunning ₹85 crore Mumbai home. Explore the luxury, elegance, and serene ambiance of his beautifully renovated bungalow, Dorab Villa.
