ഭാര്യയുടെ ഏത് ആഗ്രഹവും സാധിപ്പിച്ചു തരുന്ന ഒരു ഭർത്താവ് എന്നത് എല്ലാ ഭാര്യമാരുടെയും സന്തോഷങ്ങളിൽ ഒന്നാണ്. അങ്ങിനെ ഒരാൾ ഉണ്ട് ദുബായിൽ. തന്റെ ഭാര്യയ്ക്കായി ഒരു ദ്വീപ് തന്നെ സ്വന്തമാക്കിയ ഒരാൾ. തൻ്റെ കോടീശ്വരനായ ഭർത്താവ് ഒരു സ്വകാര്യ ദ്വീപ് വാങ്ങിയെന്നും അതിനാൽ കടൽത്തീരത്ത് സുരക്ഷിതത്വം അനുഭവിക്കാമെന്നും ദുബായ് ആസ്ഥാനമായുള്ള ഒരു വീട്ടമ്മ ആണ് വെളിപ്പെടുത്തിയത്. ബിക്കിനി ധരിച്ച് കടല്‍ത്തീരത്ത് സ്വകാര്യമായി നടക്കുന്നതിന് ഭര്‍ത്താവ് തനിക്ക് 418 കോടി രൂപയുടെ സ്വകാര്യ ദ്വീപ് വാങ്ങി നല്‍കിയെന്നാണ് സൗദി യുവതിയുടെ വെളിപ്പെടുത്തല്‍. ദുബായില്‍ താമസിക്കുന്ന ബ്രിട്ടീഷ് സ്വദേശിയായ സൗദി അല്‍ നദക് എന്ന 26 കാരിയായ യുവതിയാണ് ഇത്തരമൊരു വെളിപ്പെടുത്തല്‍ നടത്തിയത്.
“POV: ബിക്കിനി ധരിക്കാൻ ആഗ്രഹമുണ്ടായിരുന്നു, അതിനാൽ എന്റെ കോടീശ്വരനായ ഭർത്താവ് എനിക്ക് ഒരു ദ്വീപ് വാങ്ങി.” എന്ന ക്യാപ്ഷ്യനോടെ ആണ് യുവതി ഇൻസ്റ്റാഗ്രാമിൽ വീഡിയോ പോസ്റ്റ് ചെയ്തത്.
ദുബായിലെ വ്യവസായി ജമാൽ അൽ നദക്കിൻ്റെ ഭാര്യയാണ് യുവതി. ദുബായിൽ പഠിക്കുന്ന സമയത്താണ് ഇരുവരും കണ്ടുമുട്ടുന്നത്. വിവാഹിതരായിട്ട് മൂന്ന് വർഷത്തിലേറെയായി. സ്വകാര്യ ദ്വീപ് കാണിക്കുന്ന സൗദിയുടെ പുതിയ വീഡിയോ ഇൻസ്റ്റാഗ്രാമിൽ വൈറലാണ്. ഒരാഴ്ചയ്ക്കുള്ളിൽ തന്നെ 24 ലക്ഷത്തിലധികം വ്യൂസ് വീഡിയോക്ക് കിട്ടീട്ടുണ്ട്.
ധനികയായ ഒരു വീട്ടമ്മ എന്നതിലുപരി, സൗദി ഒരു സോഷ്യൽ മീഡിയ ഇൻഫ്ലുവെൻസർ കൂടിയാണ്. ഇൻസ്റ്റാഗ്രാം, ടിക് ടോക്ക് അക്കൗണ്ടുകൾ എന്നിവയിലൂടെ തന്റെ ആഡംബര ജീവിതശൈലി ആരാധകർക്കായി താരം കാണിക്കാറുണ്ട്.
“നിക്ഷേപത്തിനായി ഞങ്ങൾ കുറച്ചുകാലമായി ചെയ്യാൻ നോക്കുന്ന ഒന്നായിരുന്നു ഇത്, ബീച്ചിൽ ഞാൻ സുരക്ഷിതനായിരിക്കണമെന്ന് എൻ്റെ ഭർത്താവ് ആഗ്രഹിക്കുന്നു, അതിനാലാണ് അദ്ദേഹം ഇത് ഒരെണ്ണം വാങ്ങിയത്” എന്നായിരുന്നു ഇതേക്കുറിച്ച് സൗദി പറഞ്ഞത്.
സ്വകാര്യതയുടെയും സുരക്ഷയുടെയും കാരണങ്ങളാൽ ദ്വീപിൻ്റെ കൃത്യമായ സ്ഥാനം വെളിപ്പെടുത്താൻ സൗദി വിസമ്മതിച്ചു. “സ്വകാര്യത കാരണങ്ങളാൽ ഞങ്ങൾ കൃത്യമായ ലൊക്കേഷൻ പങ്കിടുന്നില്ല, പക്ഷേ ഇത് ഏഷ്യയിലാണ്, അത് 50 മില്യൺ ഡോളറാണ് ഇതിന്റെ വില” എന്നാണ് സൗദി പറഞ്ഞത്.
Saudi Al Nadak, a social media influencer, reveals that her billionaire husband Jamal Al Nadak bought her a private island worth Rs 418 crore so she could safely enjoy the beach. Discover more about her luxurious lifestyle and viral Instagram post.
