ഇലോൺ മസ്കും ഇരട്ടകളും വൈറൽ ചിത്രം

എഐ മേഖലയിലും വെഞ്ച്വർ ക്യാപിറ്റൽ രംഗത്തും പേരെടുത്ത വ്യക്തിയാണ് ശിവോൺ സിലിസ് (Shivon Zilis). ഇപ്പോൾ ടെസ്ല സ്ഥാപകൻ ഇലോൺ മസ്കിനും ഇരട്ടക്കുട്ടികൾക്കും ഒപ്പമുള്ള ചിത്രത്തിലൂടെ ശ്രദ്ധ നേടിയിരിക്കുകയാണ് ശിവോൺ. മസ്കിന്റെ ഒൻപത് കുട്ടികളിൽ രണ്ടാണ് ഈ ഇരട്ടകൾ എന്നാണ് റിപ്പോർട്ടുകൾ. ഇരുവരും 2021ൽ ജനിച്ച കുട്ടികളെ മടിയിലിരുത്തി ഷെയർ ചെയ്ത ചിത്രമാണ് ഇപ്പോൾ സമൂഹമാധ്യമങ്ങളിൽ പ്രചരിക്കുന്നത്. ടെക്സാസിലെ വീട്ടിൽ നിന്നുമുള്ള ചിത്രമാണിത്. ജീവചരിത്രകാരൻ വാൾട്ടർ ഐസക്സൺ ആണ് ചിത്രം ഷെയർ ചെയ്തിരിക്കുന്നത്.

സിലിസും മസ്കുമായുള്ള ബന്ധം പ്രൊഫഷനൽ ബന്ധം മാത്രമാണ് എന്ന് പറയപ്പെടുന്നുവെങ്കിലും ഇരുവരും തമ്മിൽ വ്യക്തിബന്ധം ഉണ്ട് എന്നതിന്റെ അഭ്യൂഹമാണ് ചിത്രമാണ് നെറ്റിസൺസ് വിലയിരുത്തുന്നു. വിട്രോ ഫെർട്ടിലൈസേഷനിലൂടെയാണ് കുഞ്ഞുങ്ങൾക്ക് ജന്മം നൽകിയത് എന്നും ഇരുവരും തമ്മിൽ ജീവിതപങ്കാളി എന്ന നിലയിലോ ലൈംഗികബന്ധമോ ഇല്ല എന്നാണ് റിപ്പോർട്ട്.

കാനഡയിലെ ഒൻടോറിയോയിൽ ജനിച്ച ശിവോണിന്റെ അമ്മ ഇന്ത്യൻ വംശജയും അച്ഛൻ കനേഡിയനുമാണ്. യേൽ സർവകലാശാലയിൽ നിന്നും ഇക്കണോമിക്സ്, ഫിലോസഫി ബിരുദങ്ങൾ നേടിയ ശിവോൺ ഐബിഎമ്മിലൂടെയാണ് തന്റെ കരിയർ ആരംഭിച്ചത്. തുടർന്ന് അവർ എഐ മേഖലയിലും വെഞ്ച്വർ ക്യാപിറ്റൽ രംഗത്തും പേരെടുത്തു. നിലവിൽ മസ്കിന്റെ ഉടമസ്ഥതയിലുള്ള ന്യൂറാലിങ്ക് എന്ന ബ്രെയിൻ ടെക്നോളജി കമ്പനിയുടെ ഡയറക്ടറാണ് ശിവോൺ.

സ്റ്റീവ് ജോബ്സ് പോലുള്ള പ്രമുഖരുടെ ജീവചരിത്രം എഴുതിയ എഴുത്താകാരനാണ് വാൾട്ടർ ഐസക്സൺ. മൂന്ന് വർഷത്തോളമായി മസ്കിന്റെ പ്രവർത്തനങ്ങൾ വാൾട്ടർ പിന്തുടരുന്നു.

^{Shivon Zilis, a Neuralink director and AI expert, is in the spotlight with Tesla founder Elon Musk over their twins born in 2021 through IVF. Their professional and personal ties spark online discussions.}