പത്താം ക്ലാസ് പാസ്സായ സ്ത്രീകൾക്ക് മാസം 7000 രൂപവരെ വരുമാനം കിട്ടുന്ന ബീമാ ശക്തി സ്കീമിനെക്കുറിച്ച് അറിയാമോ?
എൽഐസി (LIC), സ്ത്രീകൾക്കായി നടപ്പാക്കുന്ന ഈ ഇൻഷ്വറൻസ് ഏജന്റ്സ് പദ്ധതി കഴിഞ്ഞ ദിവസം പ്രധാനമന്ത്രിയാണ് ഉദ്ഘാടനം ചെയ്തത്. അടുത്ത മൂന്ന് വർഷത്തിനുള്ളിൽ 2 ലക്ഷം LIC വനിതാ ഏജന്റുമാരെ സൃഷ്ടിക്കാനാണ് ബീമാ ശക്തി ലക്ഷ്യമിടുന്നത്. 18നും 70നും ഇടയിൽ പ്രായമുള്ള വനിതകൾക്ക് അപേക്ഷിക്കാം. തെരഞ്ഞെടുക്കപ്പെടുന്ന ഗ്രാമീണ സ്ത്രീകൾക്ക് സാമ്പത്തിക സാക്ഷരതയും സമ്പാദ്യശീലവും വളർത്താൻ പദ്ധതി സഹായിക്കും. എൽഐസി സ്കീമുകൾ പരിചയപ്പെടുത്തുന്നതിൽ മൂന്ന് വർഷത്തെ പരിശീലനം നൽകും. ഈ പരിശീലന കാലയളവിൽ ആദ്യവർഷം മാസം 7000 രൂപ വീതവും, രണ്ടാം വർഷം മാസം 6000 രൂപ വീതവും മൂന്നാം വർഷം മാസാമാസം 5000 രൂപയും സ്റ്റൈപ്പന്റ് നൽകും. ഗ്രാമീണരായ വനിതകൾക്ക് വരുമാനവും സാമ്പത്തിക ബോധവും നൽകാനാണ് പദ്ധതികൊണ്ട് ഉദ്ദേശിക്കുന്നതെന്ന് പ്രധാനമന്ത്രി നരേന്ദ്രമോദി പറഞ്ഞു.യോഗ്യരായവർക്ക് LIC India എന്ന എൽഐസി-യുടെ ഒഫീഷ്യൽ വെബ്സൈറ്റിൽ കയറി അപേക്ഷ സമർപ്പിക്കാം.
PM Modi launched LIC’s Bima Sakhi Yojana in Panipat, empowering rural women as insurance agents and promoting financial inclusion across Ind
