പശ്ചിമ ബംഗാളിൽ വമ്പൻ നിക്ഷേപത്തിന് ഒരുങ്ങി റിലയൻസ്. 2030ഓടെ സംസ്ഥാനത്ത് 50000 കോടി രൂപയുടെ നിക്ഷേപം കൊണ്ടുവരുമെന്ന് റിലയൻസ് ചെയർമാൻ മുകേഷ് അംബാനി പറഞ്ഞു. ഈ നിക്ഷേപ പദ്ധതികളിലൂടെ സംസ്ഥാനത്ത് ഒരു ലക്ഷത്തിലധികം പേർക്ക് തൊഴിൽ ഉറപ്പുവരുത്തുമെന്നും അദ്ദേഹം പറഞ്ഞു. എട്ടാമത് ബംഗാൾ ആഗോള നിക്ഷേപക ഉച്ചകോടിയിൽ (BGBS) സംസാരിക്കുകയായിരുന്നു അംബാനി.
കഴിഞ്ഞ പത്തു വർഷങ്ങൾക്കിടയിൽ റിലയൻസ് ബംഗാളിൽ 50000 കോടി രൂപ നിക്ഷേപിച്ചു കഴിഞ്ഞു. ഇതിനു പുറമേയാണ് പുതിയ നിക്ഷേപം. റിലയൻസിന്റെ ബംഗാളിലെ നിക്ഷേപം ഈ ദശാബ്ദത്തിന്റെ അവസാനത്തോടെ ഇരട്ടിയാക്കുകയാണ് ലക്ഷ്യം.
ഡിജിറ്റൽ സർവീസ്, ഗ്രീൻ എനെർജി, റീട്ടെയിൽ വിഭാഗങ്ങളിലാകും പുതിയ നിക്ഷേപങ്ങൾ വരികയെന്നും മുകേഷ് അംബാനി പറഞ്ഞു. ബംഗാളിന്റെ സമഗ്ര വികസനത്തിനായി റിലയൻസ് സഹകരിക്കുമെന്നും അതിന്റെ ഭാഗമായാണ് പുതിയ നിക്ഷേപ പദ്ധതിയെന്നും മുകേഷ് അമബാനി കൂട്ടിച്ചേർത്തു.
Mukesh Ambani announced a ₹50,000 crore investment in West Bengal at the Bengal Global Business Summit 2025, focusing on digital services, green energy, and retail, creating one lakh jobs.
