സ്റ്റാർട്ടപ്പുകളും ബിസിനസുകളും തങ്ങളുടെ ജീവനക്കാർക്കും ടീമുകൾക്കും മികച്ച തൊഴിൽ-ജീവിത സന്തുലിതാവസ്ഥ നൽകുന്നതിൽ ശ്രദ്ധ കൊണ്ടിരിക്കുകയാണ്. ഈ ഘട്ടത്തിൽ ഹൈദരാബാദ് സ്റ്റാർട്ടപ്പ് തൊഴിൽ ജീവിതം മെച്ചപ്പെടുത്തുന്നതിൽ ഒരു പടി കൂടി കടന്നു ചിന്തിച്ചുകൊണ്ട് “ചീഫ് ഹാപ്പിനസ് ഓഫീസറെ” നിയമിച്ചു. ടൈ കെട്ടി വരുന്ന മനുഷ്യനെയല്ല കമ്പനി നിയമിച്ചത്, പകരം കോളർ അണിഞ്ഞു വരുന്ന ഒരു നായയെ ആണ്! ഹാർവെസ്റ്റിംഗ് റോബോട്ടിക്സ് എന്ന കമ്പനിയാണ് ഡെൻവർ ഗോൾഡൻ റിട്രീവർ നായയെ കമ്പനിയുടെ ചീഫ് ഹാപ്പിനെസ് ഓഫീസർ ആയി നിയമിച്ച് ശ്രദ്ധ നേടുന്നത്.
ഹാർവെസ്റ്റഡ് റോബോട്ടിക്‌സിന്റെ സഹസ്ഥാപകനായ രാഹുൽ അരെപാകയാണ് സംഭവം ലിങ്ക്ഡ്ഇനിൽ പങ്കുവെച്ചത്. അവൻ കോഡ് ചെയ്യാറില്ല, പകരം ഹൃദയങ്ങൾ കീഴടക്കുന്നു എന്നാണ് പുതുതായി നിയമിതനായ ചീഫ് ഹാപ്പിനെസ് ഓഫീസറെക്കുറിച്ച് രാഹുൽ ലിങ്ക്ഡ്ഇനിൽ കുറിച്ചത്. കമ്പനിയിലെ ഏറ്റവും മികച്ച ആനുകൂല്യങ്ങൾ ഡെൻവറിനു ലഭിക്കുന്നുണ്ടെന്നും രാഹുൽ പറഞ്ഞു.
പുതിയ ചീഫ് ഹാപ്പിനെസ് ഓഫീസർക്ക് “ഡെൻവർ പോൾസൺ” എന്ന പേരിൽ സ്വന്തമായി ലിങ്ക്ഡ്ഇൻ അക്കൗണ്ട് വരെയുണ്ട്. സ്റ്റാർട്ടപ്പിന്റെ തീരുമാനത്തെ അഭിനന്ദിച്ചുകൊണ്ട് രാഹുൽ അരെപകയുടെ ലിങ്ക്ഡ്ഇൻ പോസ്റ്റിന് 12000ത്തിലധികം ലൈക്കുകളാണ് ലഭിച്ചത്. നമുക്ക് കൂടുതൽ CHOകൾ ആവശ്യമാണെന്ന് നിരവധി നെറ്റിസൺസ് അഭിപ്രായപ്പെടുന്നു.
2023ൽ രാഹുൽ അരെപാക്കയും ജോർജ്ജ് മാത്യുവും ചേർന്ന് സ്ഥാപിച്ച സ്റ്റാർട്ടപ്പ് ആണ് ഹാർവെസ്റ്റഡ് റോബോട്ടിക്സ്. കർഷകരെ അവരുടെ വിളകൾ സംരക്ഷിക്കാൻ സഹായിക്കുന്ന എഐ പവേർഡ് ലേസർ കളനിയന്ത്രണ പരിഹാരങ്ങളാണ് കമ്പനി വാഗ്ദാനം ചെയ്യുന്നത്. 2025 മാർച്ചിൽ, അഗ്രിടെക് സ്റ്റാർട്ടപ്പ് 5 കോടി രൂപയുടെ പ്രീ-സീഡ് ഫണ്ടിംഗ് നേടിയിരുന്നു.
ജോലിസ്ഥലത്ത് വളർത്തുമൃഗങ്ങൾ ഉണ്ടെങ്കിൽ, ജീവനക്കാർക്ക് സമ്മർദ്ദം കുറയുകയും ഉൽപ്പാദനക്ഷമത വർദ്ധിക്കുകയും ചെയ്യുമെന്ന് പഠനങ്ങൾ തെളിയിച്ചിട്ടുണ്ട്. വളർത്തുമൃഗങ്ങളുടെ സാന്നിധ്യം സാമൂഹിക ബന്ധങ്ങളെയും ഇടപെടലുകളെയും പ്രോത്സാഹിപ്പിക്കുന്നു. സാപ്പോസ്, ആമസോൺ, ഗൂഗിൾ തുടങ്ങിയ കമ്പനികൾ ജോലിസ്ഥലത്ത് പെറ്റ്സിനെ അനുവദിച്ചിക്കുന്നു.
Hyderabad-based Harvesting Robotics appoints Denver, a golden retriever, as its Chief Happiness Officer, promoting a pet-friendly, happier, and stress-free work environment. Discover the impact of this viral initiative and the growing trend of pets in the workplace.
