കേരളത്തിലെ ഏറ്റവും വലിയ റെയിൽവേ സ്റ്റേഷനുകളിൽ ഒന്നായ ഷൊർണൂർ റെയിൽവേ സ്റ്റേഷനിൽ ഇലക്ട്രിക് ബഗ്ഗി സേവനത്തിനു തുടക്കമായി. ഇതോടെ യാത്രക്കാർക്ക് കോച്ചുകളിലും പ്ലാറ്റ്‌ഫോമുകളിലും എത്താൻ ബാറ്ററിയിൽ പ്രവർത്തിക്കുന്ന ബഗ്ഗി കാറുകൾ ഉപയോഗിക്കാം. നടക്കാൻ ബുദ്ധിമുട്ടുള്ളവർക്കും പ്രായമായവർക്കും പ്ലാറ്റ്ഫോമിലൂടെ സഞ്ചരിക്കാൻ ബഗ്ഗി കാറുകൾ വലിയ ആശ്വാസമാകും.
രണ്ട് ബഗ്ഗി കാറുകളാണ് സ്റ്റേഷനിൽ ഇപ്പോൾ പ്രവർത്തന സജ്ജമാക്കിയിരിക്കുന്നത്. ഇത്തരത്തിലുള്ള ഒരു ബഗ്ഗി കാർ കൂടി ഉടനടി എത്തുമെനന്ന് അധികൃതർ അറിയിച്ചു. പാർക്കിങ് സ്ഥലത്തു നിന്ന് പ്ലാറ്റ്ഫോമിലെത്താനും ട്രെയിൻ ഇറങ്ങിയാൽ പ്ലാറ്റ്ഫോമിൽ നിന്ന് പുറത്തെത്താനും ബഗ്ഗി കാറുകൾ പ്രയോജനപ്പെടുത്താം. യാത്രക്കാർക്ക് പ്ലാറ്റ്‌ഫോമിലെ ഏത് സ്ഥലത്തും എത്താനും ബഗ്ഗി കാറിൽ മറ്റു പ്ലാറ്റ്‌ഫോമിലേക്ക് പോകാനും കഴിയും. പ്ലാറ്റ്‌ഫോമിന്റെ അവസാനത്തിലുള്ള ട്രാക്ക് വഴി ഇന്റർലോക്ക് ചെയ്ത ബ്ലോക്കുകൾ കൊണ്ട് നിർമ്മിച്ച ഇടനാഴിയിലൂടെയാണ് ബഗ്ഗി കാറുകൾ അടുത്ത പ്ലാറ്റ്‌ഫോമിലേക്ക് കടക്കുക.
ബഗ്ഗി കാറുകളിൽ കയറാൻ മുൻകൂട്ടി ബുക്കിംഗ് നടത്തേണ്ട കാര്യമില്ല. ഓപ്പറേറ്റർമാർക്ക് നാമമാത്രമായ ഫീസ് അടച്ച് യാത്രക്കാർക്ക് ഇവ ഉപയോഗിക്കാം. ഒരാൾക്ക് 20 രൂപ, ഓരോ ബാഗിനും 10 രൂപ എന്നിങ്ങനെയാണ് ചാർജ്. ഷൊർണൂരിൽ മൂന്ന് വർഷത്തേക്ക് കാറുകൾ പ്രവർത്തിപ്പിക്കുന്നതിനുള്ള ടെൻഡർ സ്വകാര്യ ഏജൻസി നേടിയിട്ടുണ്ട്. പ്രതിദിനം ഏകദേശം 100 യാത്രക്കാർക്ക് സൗകര്യം ഉപയോഗിക്കാനാകും എന്നാണ് വിലയിരുത്തൽ.
Passengers at Shoranur Railway Station in Kerala can now benefit from electric buggy car services, making it easier for the elderly and those with mobility issues to access coaches and platforms.
