ബോളിവുഡ് താരം കത്രീന കൈഫിനെ ആഗോള ടൂറിസം അംബാസഡറായി തിരഞ്ഞെടുത്ത് മാലിദ്വീപ്. മാലിദ്വീപ് മാർക്കറ്റിംഗ് ആൻഡ് പബ്ലിക് റിലേഷൻസ് വിഭാഗമാണ് ഇക്കാര്യം അറിയിച്ചത്. ഇന്ത്യ-മാലിദ്വീപ് ബന്ധം കഴിഞ്ഞവർഷം വഷളായിരുന്നു. എന്നാൽ പിന്നീട് ബന്ധം ഊഷ്മളമാക്കാനുള്ള നീക്കങ്ങളുമായി മാലിദ്വീപ് രംഗത്തെത്തി. അടുത്ത മാസം പ്രധാനമന്ത്രി നരേന്ദ്ര മോഡി മാലിദ്വീപ് സന്ദർശിക്കാൻ ഒരുങ്ങുന്നതിനിടെയാണ് കത്രീന കൈഫിനെ ബ്രാൻഡ് അംബാസഡറായി നിയമിച്ചുകൊണ്ടുള്ള പുതിയ തീരുമാനം എന്നതും ശ്രദ്ധേയമാണ്.
ഇന്ത്യൻ ചലച്ചിത്ര മേഖലയുടെ അഗോള മുഖമായ കത്രീന കൈഫിനെ മാലിദ്വീപിന്റെ ആഗോള ബ്രാൻഡ് അംബാസഡറായി നിയമിക്കുന്നതിൽ സന്തോഷമുണ്ടെന്ന് മാലിദ്വീപ് മാർക്കറ്റിംഗ് ആൻഡ് പബ്ലിക് റിലേഷൻസ് കോർപ്പറേഷൻ അറിയിച്ചു. 2024 ജനുവരിയിൽ ഇന്ത്യ-മാലിദ്വീപ് ബന്ധം വഷളായതിനുശേഷം ഇപ്പോൾ ബന്ധങ്ങളിൽ വലിയ മാറ്റമുണ്ടായ സാഹചര്യത്തിലാണ് ഈ സഹകരണം. മാലിദ്വീപ് വാഗ്ദാനം ചെയ്യുന്ന പ്രകൃതി സൗന്ദര്യം, ആഡംബര അനുഭവങ്ങൾ എന്നിവയിലേക്ക് കൂടുതൽ സഞ്ചാരികളെ ആകർഷിക്കുന്നതിനായി രൂപകൽപ്പന ചെയ്‌തിരിക്കുന്ന വിസിറ്റ് മാലിദ്വീപിന്റെ പ്രത്യേക സമ്മർ സെയിൽ കാമ്പെയ്‌നിന് തൊട്ടുപിന്നാലെയാണ് കത്രീന കൈഫിന്റെ നിയമനം.
Bollywood star Katrina Kaif has been appointed as the global tourism ambassador for the Maldives. This move by the Maldives Marketing and Public Relations Corporation aims to strengthen ties with India, especially ahead of Prime Minister Narendra Modi’s upcoming visit, following a period of strained relations
