രാജ്യത്തെ ആദ്യ ഇ-വേസ്റ്റ് ഇക്കോ പാർക്കിലൂടെ റീസൈക്ലിങ് ഹബ്ബായി മാറാൻ ഡൽഹി. പ്രതിവർഷം 51000 മെട്രിക് ടൺ ഇ-മാലിന്യങ്ങൾ സംസ്കരിക്കാനാകുന്ന ഇ-വേസ്റ്റ് ഇക്കോ പാർക്ക് നിർമാണം ആരംഭിച്ചുകഴിഞ്ഞു. ഹരിത ഭാവിയിലേക്കുള്ള പുതിയ ചുവടുവെയ്പ്പിലൂടെ ഇലക്ട്രോണിക് മാലിന്യത്തിൽനിന്നും റെയർ ഏർത്ത് മെറ്റീരിയൽസ് ശാസ്ത്രീയവും പരിസ്ഥിതി സൗഹൃദപരവുമായ രീതിയിൽ വീണ്ടെടുക്കാനാകും.
150 കോടി രൂപയുടെ നിക്ഷേപമാണ് ഇ-വേസ്റ്റ് ഇക്കോ പാർക്കിന്റേതെന്ന് ഡൽഹി ഗവൺമെന്റ് പ്രതിനിധി അറിയിച്ചു. ഹോളമ്പി കലനിൽ ആരംഭിക്കുന്ന ഇ-വേസ്റ്റ് പാർക്ക് ഇലക്ട്രോണിക് മാലിന്യം കൈകാര്യം ചെയ്യുന്നതിൽ വിപ്ലവം സൃഷ്ടിക്കും. മാലിന്യ നിർമാർജനം സുസ്ഥിര വളർച്ചയ്ക്കുള്ള അവസരമാക്കാനാണ് ഇതിലൂടെ ലക്ഷ്യം വെയ്ക്കുന്നത്. ആയിരക്കണക്കിന് തൊഴിലവസരങ്ങൾ സൃഷ്ടിക്കുന്നതിനൊപ്പം 350 കോടി രൂപയുടെ വരുമാനവും ലഭിക്കും-പ്രതിനിധി പറഞ്ഞു.
11 ഏക്കറിലാണ് അത്യാധുനിക ഇ-വേസ്റ്റ് പാർക്ക് വരുന്നത്. 2022ലെ ഇ-വേസ്റ്റ് മാനേജ്‌മെന്റ് നിയമത്തിൽ പരാമർശിക്കുന്ന 106 വിഭാഗങ്ങളിൽ നിന്നുള്ള ഇ-മാലിന്യങ്ങൾ ഇവിടെ സംസ്‌കരിക്കും. ഇ-വേസ്റ്റ് പാർക്ക് നിർമ്മാണം ഒന്നര വർഷത്തിനുള്ളിൽ പൂർത്തിയാക്കുകയാണ് ലക്ഷ്യം. പ്രവർത്തനം ആരംഭിക്കുന്നതോടെ രാജ്യ തലസ്ഥാനത്തെ ഇ-വേസ്റ്റിന്റെ 25 ശതമാനം കൈകാര്യം ചെയ്യാൻ പാർക്ക് പ്രാപ്തമാകും എന്നാണ് വിലയിരുത്തൽ
Delhi is set to become India’s first e-waste recycling hub with a new eco-park capable of processing 51,000 metric tons of e-waste annually. This $150 crore project aims for sustainable growth and job creation.
