40 വയസ്സിനു താഴെയുള്ള പുതുതലമുറ വെൽത്ത് ക്രിയേറ്റേർസ് പട്ടികയിൽ ആദ്യ മൂന്ന് സ്ഥാനങ്ങളിൽ റിലയൻസ് ചെയർമാൻ മുകേഷ് അംബാനിയുടെ മക്കൾ. ക്രിസിലുമായി (CRISIL) സഹകരിച്ച് 360 വൺ വെൽത്ത് (360 ONE Wealth) പുറത്തിറക്കിയ 360 ONE Wealth Creators Listലാണ് ആകാശ് അംബാനി, ആനന്ദ് അംബാനി, ഇഷ അംബാനി എന്നിവർ ആദ്യ മൂന്ന് സ്ഥാനങ്ങളിൽ എത്തിയത്.
മൂവരും റിലയൻസ് ഇൻഡസട്രീസിനെ തന്നെയാണ് പ്രതിനിധീകരിക്കുന്നത്. ആകാശ് അംബാനിയുടെ ആസ്തി 3,59,127 കോടി രൂപയാണ് (43,035 മില്യൺ ഡോളർ). ആനന്ദ് അംബാനിക്കും ഇതേ ആസ്തിയാണ്. അതേസമയം ഇഷ അംബാനിയുടെ ആസ്തി 3,58,318 കോടി രൂപയാണ് (42,938 മില്യൺ ഡോളർ). വരുൺ ബിവറേജസിന്റെ വരുൺ ജയ്പുരിയ, സെറോദ സഹസ്ഥാപകൻ നിഖിൽ കാമത്ത് എന്നിവരും ആദ്യ അഞ്ചിലുണ്ട്. 41509 കോടി, 12153 എന്നിങ്ങനെയാണ് ഇരുവരുടേയും ആസ്തി.
ആറാമതുള്ള ഓല ഇലക്ട്രിക് മൊബിലിറ്റി സ്ഥാപകൻ ഭവിഷ് അഗർവാളിന്റെ ആസ്തി 11025 കോടി രൂപയാണ്. ഗുജറാത്ത് ഫ്ലൂറോകെമിക്കൽസിലെ ദേവാൻഷ് ജെയിൻ 7270 കോടി രൂപയോടെ ഏഴാമതുണ്ട്. എച്ച്എഫ്സിഎല്ലുമായി ബന്ധമുള്ള അനന്ത് നഹതയ്ക്ക് 6276 കോടി രൂപ, പ്ലേസിമ്പിളിലെ സിദ്ധാർത്ഥ് ജെയിനിന് 5451 കോടി രൂപ, സംവർദ്ധന മദർസൺ ഇന്റർനാഷണലിന്റെ ലക്ഷ് വാമൻ സെഹ്ഗലിന് 5086 കോടി രൂപ എന്നിങ്ങനെ ആസ്തിയുണ്ട്.
Discover India’s top under-40 wealth creators, led by the Ambani siblings, as they drive economic transformation through digital innovation, as highlighted in the 360 ONE Wealth Creators List.
