2003ൽ സൺ ടിവി പ്രൈവറ്റ് ലിമിറ്റഡിന്റെ 12 ലക്ഷം ഓഹരികൾ വെറും 1.2 കോടി രൂപയ്ക്ക് തന്റെ സഹോദരനും മാധ്യമ വ്യവസായിയുമായ കലാനിധി മാരൻ സ്വന്തമാക്കിയതായി മുൻ കേന്ദ്രമന്ത്രി ദയാനിധി മാരൻ. ഏകദേശം 3500 കോടി രൂപ മൂല്യമുള്ള ഓഹരികളാണ് അനധികൃതമായി സ്വന്തമാക്കിയത് എന്നാണ് ആരോപണം.
ശരിയായ മൂല്യനിർണ്ണയമോ, മറ്റ് ഓഹരി ഉടമകളുടെ സമ്മതമോ, അറിവോ ഇല്ലാതെ കലാനിധി തട്ടിപ്പിലൂടെയാണ് ഓഹരി സ്വന്തമാക്കിയതെന്ന് ദയാനിധി ലീഗൽ നോട്ടീസിൽ ആരോപിക്കുന്നു. ഇതിലൂടെ നിയമവിരുദ്ധമായി കലാനിധി ഒറ്റരാത്രികൊണ്ട് ഭൂരിപക്ഷ ഓഹരി ഉടമയായതായും ദയാനിധി പറയുന്നു. പണംതിരിമറി തടയൽ നിയമത്തിന്റെ ലംഘനമാണ് ഇതെന്നും അതിനാൽ സീരിയസ് ഫ്രോഡ് ഇൻവെസ്റ്റിഗേഷൻ ഓഫീസ് അന്വേഷണം വേണമെന്നുമാണ് നോട്ടീസിൽ ആവശ്യപ്പെട്ടിരിക്കുന്നത്.
അതേസമയം ദയാനിധിമാരൻ ലീഗൽ നോട്ടീസിലൂടെ ഉന്നയിച്ച ആരോപണങ്ങൾ തെറ്റിദ്ധരിപ്പിക്കുന്നതാണെന്ന് സൺ ടിവി നെറ്റ്വർക്ക് ലിമിറ്റഡ് പ്രതികരിച്ചു. എല്ലാ പ്രവൃത്തികളും നിയമപരമായാണ് നടത്തിയതെന്നും കമ്പനി പ്രതിനിധി പറഞ്ഞു.
Former Union Minister Dayanidhi Maran accuses brother Kalanithi Maran of fraudulently acquiring Sun TV shares worth ₹3500 crore in 2003 for just ₹1.2 crore, leading to a family feud and demanding an SFIO probe.
