യുഎഇയേയും (UAE) ഒമാനേയും (Oman) റെയിൽ വഴി ബന്ധിപ്പിക്കുന്ന ഹഫീത് റെയിൽ പദ്ധതിക്ക് (Hafeet Rail) തുടക്കമായി. ഇരുരാജ്യങ്ങളേയും തമ്മിൽ റെയിൽ മാർഗം ബന്ധിപ്പിക്കുന്ന ആദ്യ പദ്ധതിയാണ് ഹഫീത് റെയിൽ. ഗൾഫ് രാജ്യങ്ങളിലെ ഗതാഗത, ലോജിസ്റ്റികസ് മേഖലകളിൽ വൻ മാറ്റങ്ങൾ കൊണ്ട് വരാൻ പദ്ധതിയിലൂടെ സാധിക്കും.
യുഎഇ-ഒമാൻ ബോർഡറിലെ ഹഫീത് പർവതം (Jebel Hafeet) വഴി കടന്നുപോകുന്ന പദ്ധതിക്ക് പർവതത്തിൽ നിന്നാണ് പേര് ലഭിച്ചതും. ഏകദേശം 2.5 ബില്യൺ ഡോളർ ചിലവ് പ്രതീക്ഷിക്കുന്ന പദ്ധതി ഇത്തിഹാദ് റെയിൽ (Etihad Rail), ഒമാൻ റെയിൽ (Oman Rail), മുബദല ഇൻവെസ്റ്റ്മെന്റ് (Mubadala Investment Company) എന്നീ കമ്പനികൾ ചേർന്നാണ് നടപ്പാക്കുന്നത്. അൽ ഐനിലെ (Al Ain) ഇത്തിഹാദ് റെയിൽ ശൃംഖലയെ ഒമാനിലെ സൊഹാർ തുറമുഖവുമായി (Sohar Port) ബന്ധിപ്പിക്കുന്നതാണ് പദ്ധതി.
The historic Hafeet Rail project, linking UAE and Oman via railway, has officially commenced, promising to revolutionize the Gulf’s transportation sector.
