AI എന്ന സാങ്കേതിക വിദ്യ കൊണ്ട് എന്തൊക്കെ ചെയ്യാൻ സാധിക്കുമെന്ന ഡിജിറ്റൽ ലോകത്തിന്റെ ചോദ്യത്തിന് ഏറ്റവും സുപ്രധാനമായ ഒരു ഉത്തരവുമായി എത്തിയിരിക്കുകയാണ് അൽബേനിയ എന്ന യൂറോപ്പ്യൻ രാജ്യം.എവിടെ തിരിഞ്ഞാലും അഴിമതിയെന്നതാണ് അൽബേനിയയെക്കുറിച്ചുള്ള വിശേഷണം.മയക്കുമരുന്ന്, ആയുധങ്ങൾ എന്നിവയുടെ കടത്തിൽ നിന്ന് പണം സമ്പാദിക്കുന്ന അന്താരാഷ്ട്ര സംഘങ്ങളുടെ കേന്ദ്രമാണിതെന്നും സർക്കാരിന്റെ ഉന്നത മേഖലകളിലേക്ക് അഴിമതി വ്യാപിച്ചിട്ടുണ്ടെന്നും കുപ്രസിദ്ധി കേട്ട അൽബേനിയയിൽ പൊതു ടെൻഡറുകൾ വളരെക്കാലമായി അഴിമതികളുടെ ഉറവിടമാണ്. അത്തരം പൊതു ടെൻഡറുകൾ ഇനി അഴിമതി രഹിതമാക്കാനാണ് അൽബേനിയൻ സർക്കാർ എഐ യുടെ സഹായം തേടിയിരിക്കുന്നത്.
മന്ത്രിയാകാൻ രാഷ്ട്രീയത്തിലിറങ്ങണമെന്നോ, ഏറെ കാലത്തേ പരിചയം വേണമോ എന്നൊന്നും ഒരു മാനദണ്ഡമല്ലെന്നു അൽബേനിയ തെളിയിച്ചിരിക്കുന്നു. ലോകത്തെ ആദ്യ ആദ്യത്തെ AI കാബിനറ്റ് മന്ത്രിയെ രംഗത്തിറക്കി അൽബേനിയ. അതും അഴിമതി തടയാനുള്ള പൊതു സംഭരണത്തിന്റെ ചുമതലയുമായി സൃഷ്ടിക്കപ്പെട്ട” ആദ്യത്തെ AI കാബിനറ്റ് മന്ത്രിയായി “സൺ” എന്നർത്ഥം വരുന്ന ഡിയേല. ഇനിമുതൽ ഇ-അൽബേനിയ പോർട്ടലിൽ പരമ്പരാഗത അൽബേനിയൻ വേഷം ധരിച്ച ഡിയേല “പൊതു സംഭരണത്തിന്റെ സേവകൻ” ആയി മാറും . സാങ്കേതികവിദ്യ ഒരു ഉപകരണമായി മാത്രമല്ല, അൽബേനിയൻ ഭരണത്തിൽ സജീവ പങ്കാളിയായും അവതരിപ്പിച്ചിരിക്കുന്നു.
ടിറാനയിൽ നടക്കുന്ന ഭരണകക്ഷിയായ സോഷ്യലിസ്റ്റ് പാർട്ടി സമ്മേളനത്തിൽ തന്റെ തുടർച്ചയായ നാലാമത്തെ സർക്കാരിന്റെ ഘടന പ്രഖ്യാപിച്ചുകൊണ്ട് ആണ് നിയുക്ത എ ഐ മന്ത്രിയുടെ വിശദാംശങ്ങൾ അൽബേനിയൻ പ്രധാനമന്ത്രി എഡി രാമ വിശദീകരിച്ചത്. സർക്കാർ സേവനങ്ങൾ ഓൺലൈനായി നാവിഗേറ്റ് ചെയ്യാൻ ആളുകളെ സഹായിക്കുന്ന ഒരു ഡിജിറ്റൽ അസ്സീസ്റ്റാന്റിനെ പൊതു സംഭരണത്തിന്റെ ചുമതല അദ്ദേഹത്തെ ഏൽപ്പിച്ചിരിക്കുന്നുവെന്നും എഡി രാമ പറഞ്ഞു.
AI ഡിയേല, ജനുവരി മുതൽ സംസ്ഥാനത്തിന്റെ ഇ-അൽബേനിയ പോർട്ടലിൽ ടെണ്ടറുകളുമായി ബന്ധപെട്ടു ഉപയോക്താക്കൾക്ക് ഉപദേശം നൽകിവരുന്നു, പൗരന്മാരുടെ 95% സേവനങ്ങളും ഡിജിറ്റലായി ആക്‌സസ് ചെയ്യുന്നതിന് അവർ ചെയ്യേണ്ട മുഴുവൻ ബ്യൂറോക്രാറ്റിക് ജോലികളും വോയ്‌സ് കമാൻഡുകൾ വഴി ഡിയേലക്ക് നൽകുന്നു.
AI സൃഷ്ടിച്ച ആദ്യത്തെ കാബിനറ്റ് അംഗമായ ഡിയേല പൊതു സംഭരണത്തിന്റെ ചുമതലയേറ്റെടുത്തു കൊണ്ട് അൽബേനിയയെ 100% അഴിമതിരഹിതമായ ഒരു രാജ്യമാക്കി” മാറ്റാൻ സഹായിക്കുമെന്ന് പ്രധാനമന്ത്രി എഡി രാമ പറഞ്ഞു.
ഡിയേലയിലൂടെ പൊതു ടെൻഡറുകളുടെ വിജയികളെ തീരുമാനിക്കുന്നതിനുള്ള ഉത്തരവാദിത്തം സർക്കാർ മന്ത്രാലയങ്ങളിൽ നിന്ന് “ഘട്ടം ഘട്ടമായുള്ള” പ്രക്രിയയിലൂടെ നീക്കം ചെയ്യപ്പെടുകയും കൃത്രിമബുദ്ധി ഉപയോഗിച്ച് കൈകാര്യം ചെയ്യുകയും ചെയ്യും, അങ്ങനെ “ടെൻഡർ പ്രക്രിയയിലെ എല്ലാ പൊതു ചെലവുകളും 100% വ്യക്തമാണെന്ന്” ഉറപ്പാക്കും .
സർക്കാർ സ്വകാര്യ കമ്പനികളെ കരാർ ചെയ്യുന്ന ഓരോ ടെൻഡറും ഡിയേല പരിശോധിക്കുകയും ഓരോന്നിന്റെയും ഗുണങ്ങൾ വസ്തുനിഷ്ഠമായി വിലയിരുത്തുകയും ചെയ്യുമെന്ന് റാമ പറഞ്ഞു, കൈക്കൂലി, ഭീഷണികൾ, താൽപ്പര്യ സംഘർഷങ്ങൾ എന്നിവ ഇല്ലാതാക്കുന്ന ഒരു ഫലപ്രദമായ അഴിമതി വിരുദ്ധ ഉപകരണമായി AI-യെ താൻ കാണുന്നുവെന്ന് അദ്ദേഹം മുമ്പ് പറഞ്ഞിരുന്നു.
“അൽബേനിയൻ സർക്കാർ ഭരണപരമായ അധികാരം സങ്കൽപ്പിക്കുകയും പ്രയോഗിക്കുകയും ചെയ്യുന്ന രീതിയിലുള്ള ഒരു പ്രധാന പരിവർത്തനം” എന്നാണ് അൽബേനിയൻ മാധ്യമങ്ങൾ ഈ നീക്കത്തെ പ്രശംസിച്ചത്
