ആന്ധ്രാപ്രദേശിൽ 1000 കോടി രൂപയുടെ നിക്ഷേപവുമായി റെയ്മണ്ട് ഗ്രൂപ്പ് (Raymond Group). എയ്റോസ്പേസ്, ഓട്ടോമോട്ടീവ് മേഖലകളിൽ കമ്പനിയുടെ അടിത്തറ ശക്തിപ്പെടുത്തുന്ന രണ്ട് ആഗോള നിർമാണ യൂണിറ്റുകളാണ് റെയ്മണ്ട് സ്ഥാപിക്കുക.
ഗുഡിപ്പള്ളിയിൽ എയ്റോസ്പേസ് നിർമാണ യൂണിറ്റും തെക്കുലോടുവിൽ ഓട്ടോമോട്ടീവ് നിർമാണ യൂണിറ്റും സ്ഥാപിക്കും. ഈ സംരംഭങ്ങൾ 1000 കോടി രൂപ നിക്ഷേപത്തോടെയും 695 കോടി സർക്കാർ ആനുകൂല്യങ്ങളോടെയുമാണ് വരുന്നത്. അയ്യായിരത്തിലധികം തൊഴിലവസരങ്ങളാണ് പദ്ധതിയിലൂടെ സൃഷ്ടിക്കപ്പെടുക.
യൂണിറ്റുകളുമായി ബന്ധപ്പെട്ട് റെയ്മണ്ട് സമർപ്പിച്ച പദ്ധതി നിർദേശങ്ങൾ ആന്ധ്രാ സംസ്ഥാന നിക്ഷേപ പ്രമോഷൻ ബോർഡ് (SIPB) ഇതിനകം അംഗീകരിച്ചിട്ടുണ്ട്. മൊത്തം 943 കോടി നിക്ഷേപത്തിൽ, ആന്ധ്രാപ്രദേശ് സർക്കാർ 695 കോടിയിലധികം ആനുകൂല്യങ്ങൾ നൽകുമെന്ന് ദേശീയ മാധ്യമങ്ങൾ റിപ്പോർട്ട് ചെയ്യുന്നു.
2023ൽ മൈനി പ്രിസിഷൻ പ്രോഡക്ട്സിൽ (MPPL) നിയന്ത്രണ ഓഹരി സ്വന്തമാക്കിക്കൊണ്ടാണ് റെയ്മണ്ട് ഗ്രൂപ്പ് എയ്റോസ്പേസ് നിർമാണത്തിലേക്ക് പ്രവേശിച്ചത്. ഓട്ടോ, എയ്റോസ്പേസ് ഘടകങ്ങൾ ഉൾപ്പെടെയുള്ള ഉയർന്ന കൃത്യതയുള്ള എഞ്ചിനീയറിംഗിൽ കൂടുതൽ നിക്ഷേപം നടത്തുകയാണ് കമ്പനിയുടെ നിലവിലെ ലക്ഷ്യം.
raymond group will invest ₹1000 crore in andhra pradesh to set up two global manufacturing units for aerospace and automotive sectors, creating over 5000 jobs.
