ചരക്ക് കൈകാര്യം ചെയ്യുന്നതിനുള്ള സൗകര്യങ്ങൾ മെച്ചപ്പെടുത്തുന്നതിനായി സുപ്രധാന നീക്കവുമായി കൊച്ചി അന്താരാഷ്ട്ര വിമാനത്താവളം (CIAL). കാർഗോ വെയർഹൗസ് വിപുലീകരണത്തിലൂടെ വിമാനത്താവളത്തിന്റെ കാർഗോ കയറ്റുമതി സംഭരണ ശേഷി വൻ തോതിൽ വർധിക്കും. ഇതോടെ വേഗത്തിലുള്ള സംസ്കരണവും വൈവിധ്യമാർന്ന ചരക്ക് വിഭാഗങ്ങളുടെ മെച്ചപ്പെട്ട കൈകാര്യവും സാധ്യമാകും.
കാർഗോ വെയർഹൗസ് വിപുലീകരണത്തിലൂടെ വിമാനത്താവളത്തിന്റെ കാർഗോ കയറ്റുമതി സംഭരണ ശേഷി വൻ തോതിൽ വർധിക്കും. നിലവിൽ 75000 മെട്രിക് ടൺ ഉള്ള വാർഷിക കാർഗോ സംഭരണ ശേഷി 1.25 ലക്ഷം മെട്രിക് ടൺ ആയാണ് ഉയരുക. കാർഗോ വെയർഹൗസ് വിപുലീകരണം, വേഗത്തിലുള്ള സംസ്കരണവും വൈവിധ്യമാർന്ന ചരക്ക് വിഭാഗങ്ങളുടെ മെച്ചപ്പെട്ട കൈകാര്യവും സാധ്യമാക്കും.
പുതിയ സംവിധാനത്തിൽ രണ്ട് അധിക എക്സ് റേ മെഷീനുകളും എക്സ്പ്ലോസീവ് ഡിറ്റക്ഷൻ മെഷീനുകളും ഉൾപ്പെടെ അപകടകരമായ ചരക്കുകൾ സൂക്ഷിക്കുന്നതിനുള്ള സംവിധാനവുമുണ്ട്. ഇതിനുപുറമേ +2°C മുതൽ +8°C വരെ താഴ്ന്ന താപനില നിലനിർത്തുന്ന രണ്ട് കോൾഡ് റൂമുകൾ, റേഡിയോ ആക്ടീവ് കാർഗോ മുറി, വിലപിടിപ്പുള്ള ചരക്കുകൾക്ക് പ്രത്യേക മുറി എന്നിവയും സജ്ജീകരിച്ചിട്ടുണ്ട്. സുരക്ഷ, പ്രവർത്തന കാര്യക്ഷമത എന്നിവ വർദ്ധിപ്പിക്കുന്നതിൽ ഇത് നിർണായകമാണെന്ന് സിയാൽ പ്രതിനിധി അറിയിച്ചു.
വികസിപ്പിച്ച കയറ്റുമതി കാർഗോ വെയർഹൗസ് കയറ്റുമതിക്കാർക്ക് കൂടുതൽ പ്രയോജനകരമാകുമെന്നും, ടേൺഅറൗണ്ട് സമയം മെച്ചപ്പെടുത്തുമെന്നും വിപുലീകരിച്ച കാർഗോ വെയർഹൗസ് ഉദ്ഘാടന വേളയിൽ സിയാൽ മാനേജിങ് ഡയറക്ടർ എസ്. സുഹാസ് പറഞ്ഞു.
ഇതിനുപുറമേ കോൾഡ്-ചെയിൻ പിന്തുണ ശക്തിപ്പെടുത്താനും പ്രത്യേക ചരക്ക് കാര്യക്ഷമമായി കൈകാര്യം ചെയ്യാൻ പ്രാപ്തമാക്കാനും വിപുലീകരണം സഹായിക്കുമെന്നും അദ്ദേഹം കൂട്ടിച്ചേർത്തു.
Cochin International Airport (CIAL) increases its annual export cargo capacity from 75,000 to 1.25 lakh metric tonnes with a new warehouse expansion featuring advanced cold chain facilities and security tech.
