പിന്നണി ഗാനരംഗത്ത് നിന്ന് അർജിത് സിംഗ് വിരമിക്കൽ പ്രഖ്യാപിച്ചത് ആരാധകരെ നിരാശയിൽ ആഴ്ത്തിയിരിക്കുകയാണ്. അദ്ദേഹത്തിന്റെ പ്രവർത്തനങ്ങൾ സംഗീത ജീവിതത്തിനപ്പുറത്തേക്ക് വ്യാപിക്കുന്നതാണ്. ഇതിൽ പശ്ചിമ ബംഗാളിലെ മുർഷിദാബാദിലെ ജന്മനാടായ ജിയാഗഞ്ചിൽ ആരംഭിച്ച ഹെഷെൽ എന്ന റെസ്റ്റോറന്റ് ആണ് പ്രധാനം. മറ്റ് സെലിബ്രിറ്റി റെസ്റ്റോറന്റുകളിൽ നിന്ന് വ്യത്യസ്തമായി, വിലക്കുറവാണ് ഹെഷെലിന്റെ പ്രത്യേകത. ഒരു പക്ഷേ 40 രൂപയ്ക്ക് മീൽസ് കിട്ടുന്ന ഒരു സെലിബ്രിറ്റി റെസ്റ്റോറന്റ് മറ്റെവിടെയും കാണാനാകില്ലെന്ന് മാധ്യമങ്ങൾ റിപ്പോർട്ട് ചെയ്യുന്നു.
സാധാരണക്കാർക്ക് ഭക്ഷണത്തിന്റെ ലഭ്യത ഉറപ്പാക്കുന്നതിനായാണ് റെസ്റ്റോറന്റ് 40 രൂപയ്ക്ക് ആരോഗ്യകരമായ വിഭവങ്ങൾ നൽകുന്നത്. വിദ്യാർത്ഥികൾ, തൊഴിലാളികൾ, ദിവസ വേതനക്കാർ തുടങ്ങി എല്ലാവർക്കും പോഷകസമൃദ്ധവും വിശ്വസനീയവുമായ ഭക്ഷണം, കുറഞ്ഞ നിരക്കിൽ ലഭ്യമാക്കുന്ന പ്രത്യേക ഡൈനിംഗ് പ്ലേസ് ആണ് ഹെഷെൽ.
പഞ്ചാബി, ബംഗാളി ശൈലികളിൽ തയ്യാറാക്കിയ സസ്യാഹാര, സസ്യേതര വിഭവങ്ങൾ മെനുവിൽ ഉൾപ്പെടുന്നു. വെജ് താലി ഏകദേശം 40 രൂപയ്ക്ക് നൽകുമ്പോൾ വിദ്യാർത്ഥികൾക്ക് 30 രൂപ മതി. ഗ്ലാമറസല്ലാത്ത, ലാളിത്യത്തോടെയുള്ള അന്തരീക്ഷത്തോട് കൂടിയ കമ്മ്യൂണിറ്റി സ്പേസ് ആണ് ഇത്. വെജിറ്റേറിയൻ വിഭവങ്ങളിൽ മിക്സ് വെജ്, നവരത്ന കൊർമ, ഷാഹി പനീർ എന്നിവയാണ് ഹിറ്റ്. നോൺ-വെജിറ്റേറിയൻ വിഭവങ്ങളിൽ ചിക്കൻ കൊർമ, ചിക്കൻ ചാപ്പ്സ്, ഹെഷെൽ സ്പെഷ്യൽ മട്ടൺ ബിരിയാണി തുടങ്ങി വൈവിധ്യമാർന്ന വിഭവങ്ങളുമുണ്ട്.
Explore Arijit Singh’s humble restaurant ‘Heshel’ in Murshidabad, serving healthy and wholesome meals for just ₹40. A thoughtful initiative to provide affordable food for students and daily wagers.
