സിഗരറ്റിനും പുകയില ഉത്പന്നങ്ങൾക്കും അധിക എക്സൈസ് തീരുവയും പാൻ മസാലയ്ക്ക് ആരോഗ്യ സെസും പ്രാബല്യത്തിൽ വന്നു. ഏറ്റവും ഉയർന്ന 40% ചരക്കുസേവന നികുതി (GST) നിരക്കിന് പുറമേയാണ് ഈ അധിക തീരുവ ചുമത്തുന്നത്. ചരക്കുസേവന നികുതി, എക്സൈസ് തീരുവ പരിഷ്കരണം എന്നിവ വന്നതോടെ സിഗരറ്റ് വാങ്ങാൻ വലിയ വില കൊടുക്കേണ്ടി വരും.
നീളം അനുസരിച്ച് സിഗരറ്റിന് 15 മുതൽ 30 ശതമാനം വരെ വില വർധനയാണ് ഉണ്ടായിരിക്കുന്നത്. സാധാരണക്കാർ കൂടുതലായി ഉപയോഗിക്കുന്നത് 69mm, 74mm എന്നീ വലിപ്പത്തിലുള്ള സിഗരറ്റുകളാണ്. ഇവയ്ക്ക് 15 ശതമാനം വില വർധനയാണ് ഉണ്ടായിരിക്കുന്നത്. കിങ് സൈസ് സിഗരറ്റുകൾക്ക് ഏറ്റവും ഉയർന്ന നികുതി സ്ലാബ് ബാധകമാകും. ഓരോ ആയിരം സിഗരറ്റുകൾക്കും 2,050 മുതൽ 8,500 രൂപ വരെയാണ് എക്സൈസ് ഡ്യൂട്ടി.
65mm വരെയുള്ള ഫിൽട്ടർ ഇല്ലാത്ത സിഗരറ്റിന് 2 രൂപ 10 പൈസ അധിക തീരുവ ഈടാക്കും. 65mm-70mm വരെയുള്ള ഷോർട്ട് ഫിൽട്ടർ സിഗരറ്റുകൾക്ക് 3.60 മുതൽ നാല് രൂപ വരെ അധിക തീരുവയാണ് ചുമത്തിയിരിക്കുന്നത്. അതേസമയം, 70mm- 75mm വരെ നീളമുള്ള പ്രീമിയം സിഗരറ്റിന് 5.40 രൂപയിലധികമാണ് അധിക തീരുവ.
Cigarette and tobacco prices in India rise by up to 30% as new excise duties and a 40% GST slab take effect from February 1, 2026. Check the new rates here.
